ပေးစာ (၁).... လူထုသည် အချဉ်မဟုတ်
ပေးစာ (၂ )....မြေအောက်လှုပ်ရှားမှု နှင့်ပတ်သက်သော.....
ပေးစာ (၃) ....ဘာလုပ်ကြမှာလဲ
ပေးစာ (၄).... ဆိုင်ကလုန်းကမွှေနှောက်သွားသောအတွေးများ
ပေးစာ (၁)....... လူထုသည်အချဉ်မဟုတ်
၁၉၈၈ စက်တင်ဘာလမှာ စစ်တပ်ကအာဏာသိမ်းပြီးတဲ့နောက်၊ ကျနော်တို့မန္တလေးအိမ်တော်ရာသပိတ်စခန်းတွေကို အာဏာသိမ်း
ပြီးတပတ်လောက်အထိဝင်သိမ်းလို့မရခဲ့ဘူး။ သပိတ်စခန်းမှာလက်နက်တွေရှိတယ်လို့သတင်းရခဲ့ကြသလို၊ ရပ်ကွက်ထဲကလူတွေက
ရရာလက်နက်နဲ့ပြန်ချမယ်ဆိုတာသိနေလို့ပါ။ နောက်...မကြာခင်စစ်တပ်ကဝင်လာပြီးရက်ကွက်ထဲကလူတွေကို ချောဆွဲလိုက်တယ်။
တားဆီးထားတဲ့အုတ်ပုံတွေကိုရပ်ကွက်ကလူတွေကိုရှင်းခိုင်းတယ်။ အုတ်ပုံထဲမှာ တရုတ်ဘက်ကတင်သွင်းတဲ့လက်ပစ်ဗုံးတွေမြှုပ်
ထားတယ်ဆိုတာသူတို့သိတယ်။ တချို့ဆိုဗုံးပေါက်လို့သေကုန်ကြတယ်။ ဒါပေမဲ့လူထုကအားမလျော့ခဲ့ကြပါဘူး။ လက်နက်ဘယ်လို
ရမလဲဆိုတာကိုကြံခဲ့ကြတယ်။ကျောင်းသားတွေကိုလက်နက်ရှာပေးဖို့တောင်းဆိုခဲ့ကြတယ်မို့လား။ ကျနော်ပြောချင်တာက လူထုဟာ
သူပုန်ကိုမျှော်ခဲ့ကြတာပါ။ ကုလသမဂ္ဂတပ်ကိုမဟုတ်ပါဘူး။
အနှစ်(၂၀) နီးပါးလောက်ထိသူပုန်ကမြို့ထဲဝင်ပြီးသေနတ်ဖောက်သံမကြားမှ
ကုလသမဂ္ဂကိုဟုတ်နိုးနိုးမျှော်ခဲ့ကြတယ်ထင်တာပဲ။ လူထုကိုလျော့မတွက်ပါနဲ့။ လူထုကဘယ်သူဘာလဲဆိုတာသိပါတယ်။
သမိုင်းတွေကိုသိပါတယ်။ ဘလော့တွေပေါ်မှာပိုက်ဆံမပေးရတိုင်း လူထုကိုဘာလုပ်ကြ၊ညာလုပ်ကြဆိုတဲ့မိန့်ခွန်းတွေကို ဘာမှမသိတဲ့
ကလေးတွေကသာအဟုတ်မှတ်ကြပါလိမ့်မယ်။ လက်နက်ကိုင်တော်လှန်ရေးဆိုတာသေချာလုပ်ရတာပါ။ လေစစ်တိုက်နေလို့မရပါ။
ပေးစာ (၂ ) မြေအောက်လှုပ်ရှားမှု နှင့်ပတ်သက်သော........
ကျနော်တို့ နိုင်ငံရေးစလုပ်ခါစတုံးက၊ ကျနော်တို့ရဲ့ယူဂျီခေါင်းဆောင်တွေကသင်ကြားခဲ့ဘူးတယ်။ ကိုယ်ဖတ်မဲ့စာအုပ်ကိုစာအုပ်ဆိုင်မှာ
တွေ့ရင်တောင်ကိုယ်တိုင်မဝယ်နဲ့တဲ့။ ကိုယ်ဘာဖတ်နေလဲဆိုတာမိဘတောင်အသိမပေးရဘူး။ ကိုယ်ကယူဂျီလုပ်မဲ့သူ ဆိုတော့လျှို့ဝှက်
နိုင်သမျှလျှို့ဝှက်နေပါတဲ့။ စစ်ကြောရေးအတွက်လည်းသူငယ်ချင်းတွေ နဲ့ ဇာတ်လမ်းတွေကိုဇာတ်တိုက်ထားရသေးတယ်။ မြေအောက်
လုပ်ငန်းဆိုတာအချိန်မရွေးဖမ်းခံရနိုင်တယ်။ သေလူဖြစ်နေတယ် ဆိုတာကိုသတိထားဖို့ပါ။
မကြာသေးခင်က ဗျာ.... ခင်ဗျား တို့ထိုင်းနယ်စပ်ကဆိုပြီး ကျောင်းသားတချို့ဝင်လာတယ်။ ပိုက်ဆံကူညီချင်တယ်လို့ပြောတယ်။
ကျနော်တို့ကဘာလုပ်ပေးရမှာလဲလို့မေးတော့၊ ပုံမှန်သတင်းတွေကိုသာပို့ပေးပါတဲ့။ ကျနော်တို့သူ့ဆီကပိုက်ဆံကိုမယူခဲ့ပါဘူး။
ငွေရေးကြေးရေးကူညီတယ်ဆိုတာ ၈၈အရေးတော်ပုံကာထဲကရှိတာဗျ။ ခုမှမဟုတ်ဘူး။ ဒါပေမဲ့ ၈၈ တုံးကမြေအောက်လှုပ်ရှားမှုလာလုပ်
တဲ့သူတွေကခုလိုလူတွေလိုမဟုတ်ဘူး။ သံမဏိစည်းကမ်းနဲ့နေတာ။ ခုကျ... သတင်းဝယ်ယူတာကို၊ သတင်းရောင်းစားတာကိုမြေအောက်
လှုပ်ရှားမှုလုပ်တယ်ထင်နေကြတာ။ လူတိုင်းနဲ့လျှောက်တွေ့တယ်။ မျိုးဆက်သစ်လူငယ်အုပ်စုတွေအဖမ်းခံရတယ်။
ရင်မောစရာပဲဗျာ။ မခက်ဘူးလား။
ပေးစာ (၃) ဘာလုပ်ကြမှာလဲ
အတိုက်အခံ ဆိုသော၊ ကျောင်းသားခေါင်းဆောင်ဆိုသောပုဂ္ဂိုလ်တွေကိုတခုမေးချင်ပါတယ်။ ဂန်ဘာလီလာတော့ ဂန်ဘာလီနောက်လိုက်
သုံးသပ်၊ ဘန်ကီမွန်းလာတော့ ဘန်ကီမွန်းနောက်လိုက်ပြီးသတင်းပေါ်မှာလိုက်ဆွေးနွေး။ ဆိုင်ကလုံးဖြစ်တော့ ဆိုင်ကလုန်းပေါ်မှာမျော..
ခင်ဗျားတို့ပြောတော့ ကုလသမဂ္ဂ ဆိုတာ ဘာမှသုံးမရဘူးဆို...ခင်ဗျားတို့ပြောတော့ လူထုအင်အားဆို...
ဘာလို့လူထုအင်အားကိုအခြေခံပြီးမလုပ်ပဲ ပေါ်ပင်တွေလုပ်နေကြတာလဲ။ ဆီမီနာတွေ၊ ညီလာခံတွေလုပ်ပြီး လိမ်စားမနေကြပါနဲ့တော့၊ တချို့ အနှစ် (၂၀) စာစုစောင်းမိထားတဲ့ ထိုင်းနယ်စပ်ကလူတွေကိုလည်းအပြစ်မပြောချင်တော့ပါဘူး။
ဒါပေမဲ့ ဒီတခါတော့တောင်းပန်ပါတယ်ဗျာ။ပိုက်ဆံတွေလိမ်စားနေတာတွေရပ်ပြီး ပြည်သူအကျိုးကိုတချက်လောက်လုပ်ကြပါအုံး။
လူတွေပြောနေတဲ့ “ ဗမာပြည်နိုင်ငံရေးက ထိုင်းနယ်စပ်ကကောင်တွေ နဲ့စစ်တပ်ပဲချမ်းသာပြီးလူထုကငတ်နေတယ်” ဆိုတဲ့
ဝေဖန်သံတွေကိုလည်းကြားမိကြလိမ့်မယ်လို့ထင်ပါတယ်။ စစ်တပ်လို အကျင့်ပျက်ချစားနေတဲ့ ကျောင်းသားတွေ၊ နိုင်ငံရေးသမားတွေ
ကျဆုံးကြပါစေလို့ဆုတောင်းနေတယ်ဗျာ။ ကြာပန်းလည်းခူး၊ ဟိုဘက်ကမ်းလည်းရောက်အောင်ပို့ တဲ့ ဘုရားဟောခဲ့ဘူးတယ်။
ပေးစာ(၄)..... ဆိုင်ကလုန်းကမွှေနှောက်သွားသောအတွေးများ.......
ဆိုင်ကလုန်းမကျခင်တုံး က အတိုက်အခံနိုင်ငံရေးသမားတွေကြားမှာ လူထုအင်အားဆိုပြီး အော်ခဲ့ကြတယ်ဗျ။ ဆိုင်ကလုံးလဲ ကျ၊ လူတွေလည်းဒုက္ခရောက်ရော.. လူသားချင်းစာနာမှုအကူအညီတွေ နဲ့ပြင်သစ်ကပဲဝင်မှာလိုလို၊ အမေရိကန်ကပဲလာမှာလိုလို..
ဟိုအားကိုး၊ ဒီအားကိုးဖြစ်ကုန်ကြရော။ ကျနော်ထင်တယ်။ အဲ့ဒီလူတွေ.. လူထုအင်အားကိုတကယ်မယုံဘူးလို့..
မသိလို့မေးပါရစေအုံး
လူသားချင်းစာနာသနားမှုအကူအညီတွေဇွတ်ဝင်ပေးပြီး အာဏာရှင်တွေပြုတ်ကျသွားတဲ့တိုင်းပြည်တခုလောက်ရှိရင်ပြောပြစမ်းပါအုံး။
အော်... ဆိုင်ကလုံးက ဧရာဝတီမြစ်ဝကျွန်းပေါ်တင်မကဘူး။ အတိုက်အခံတွေကိုလည်းဝင်တိုက်သွားတာကိုး.... ကျွတ်ကျွတ်... ကျွတ်ကျွတ်......
