တိတ်ဆိတ်ငြိမ်သက်နေတဲ့နိုင်ငံထဲမှာ

တိတ်ဆိတ်ငြိမ်သက်နေတဲ့ဗမာပြည်မှာ….
ဘယ်သူမှမရယ်မောနိုင်ကြသလို၊ ကျယ်ကျယ်လောင်လောင်လည်းမတွေးနိုင်ကြဘူး၊
တိတ်ဆိတ်ငြိမ်သက်နေတဲ့နိုင်ငံမှာ…
အဲ့ဒီအရာတွေကို လူတွေရဲ့ငြိမ်သက်နေတဲ့အရာတွေထဲမှာကြားနိုင်မယ်။
…………………………………………………
………………………………………………..
တိတ်ဆိတ်ငြိမ်သက်နေတဲ့နိုင်ငံမှာ………
စစ်သားတွေကဘယ်အချိန်မှာရောက်လာပြီးဖမ်းခေါ်သွားမယ်ဆိုတာဘယ်သူမှမပြောနိုင်ဘူး။
တရုတ်တွေက လမ်းမကိုလိုချင်တယ်။ ပြင်သစ်တွေက ရေနံလိုချင်တယ်၊
ထိုင်းတွေက သစ်တွေကိုယူတယ်။ စစ်အစိုးရက အပျက်အစီးတွေကိုယူတယ်။

တိတ်ဆိတ်ငြိမ်သက်နေတဲ့ နိုင်ငံမှာ
တိတ်ဆိတ်ငြိမ်သက်နေတဲ့နိုင်ငံမှာ……
လူသတ်မှုတွေကငြိမ်သက်လိုက်စေတဲ့အရာတွေ
နောက်….. ကြောက်လန့်မှုတွေနဲ့ဖုံးအုပ်ပစ်လိုက်တဲ့အရာတွေ
ဘယ်သူမှမကြားနိုင်ကြရှာဘူး


တိတ်ဆိတ်ငြိမ်သက်နေတဲ့ နိုင်ငံမှာ
တိတ်ဆိတ်ငြိမ်သက်နေတဲ့နိုင်ငံမှာ……
လူသတ်မှုတွေကငြိမ်သက်လိုက်စေတဲ့အရာတွေ
နောက်….. ကြောက်လန့်မှုတွေနဲ့ဖုံးအုပ်ပစ်လိုက်တဲ့အရာတွေ
ဘယ်သူမှမကြားနိုင်ကြရှာဘူး
ဒါပေမဲ့ကွယ်…
အင်အားသုံးနှိပ်ကွပ်နေပေမဲ့
လွတ်မြောက်မှု ရဲ့တေးသံကိုတော့
လူလိမ်တွေကအတုယောင်တွေအဖြစ်ဖန်တီးပစ်လို့မရသလို
ဟိန်းဟောက်အော်ဟစ်မှုတွေနဲ့လည်းဆွဲနှစ်ပစ်လို့မရနိုင်ပါဘူး……….

ဒေါ်အောင်ဆန်းစုကြည် အင်္ဂလိပ်လိုရေးခဲ့တဲ့ “တိတ်ဆိတ်ငြိမ်သက်နေတဲ့နိုင်ငံမှာ” ဆိုတဲ့ကဗျာလေးထဲကတပိုင်းတစစာသားတွေပါ။
ခံစားရတယ်။ ကျနော်ကိုယ်တိုင်အမှောင်ထဲမှာ မြှုပ်သွားလိုက်… နောက်…အလင်းစက်တွေကြားမှာဝုန်းကနဲကွဲထွက်လွင့်စင်နေတဲ့ကိုယ့်ခန္ဓာကိုယ်အပိုင်းအစတွေကိုပြန်ဆက်ဖို့ကြိုးစားလိုက်နဲ့…..
ကားသံတွေကြားနေရပြီဆိုရင် လူကဆတ်ကနဲထထိုင်မိတယ်။ စဉ်းစားမနေတော့ပဲအိမ်နောက်ဘက်ဝရမ်တာလက်တန်းတွေကနေခုန်ချထွက်ပြေးဖို့ကြိုးစားနေတဲ့လူတွေရှိနေဆဲပဲဆိုတာသိနေတယ်။ တချို့ကဆောင်းညတွေဆို စစ်ကြောရေးစခန်းထဲကဒရစပ်ရိုက်တဲ့ရောဘာစွပ်ထားတဲ့သံပိုက်လုံးတွေကြောင့်ခြေထောက်အကြောတွေထုံးပြီး
လမ်းမလျောက်နိုင်ကြတော့သလို၊ခုလိုရက်တွေ..အိမ်လေးဆီကို နေရာအနှံထိုးခွဲမွှေနောက်နေတဲ့စစ်ထောက်လှမ်းရေးတွေ…
မျက်နှာကိုအဝတ်စီးပြီးပြီးမှနောက်ကနေကျောပြင်နဲ့ခေါင်းကိုကန်နေကြမယ်။
ညနက်နက်တွေမှာ မိသားစုတွေအထိတ်တလန့်နှုတ်ဆက်ချိန်မရလောက်အောင်ဖရိုဖရဲကွဲကြေခဲ့ကြ။
ကျနော်တို့ ရဲ့လူထုခေါင်းဆောင်တယောက်လည်း မိုးရေစီးကြောင်းနဲ့အက်ကွဲနေတဲ့ပြတင်းမှန်လေးဘေးမှာ…
ဦးဝင်းတင်၊မင်းကိုနိုင်၊ ကိုကိုကြီး၊ ဌေးကြွယ်၊ ဂျင်မီ၊ မီးမီး၊ …….. မကျေမချမ်းရေရွတ်နေတဲ့ ဒဏ်ရာတွေ……….

အော်….
နွေးထွေးချစ်စရာကောင်းနေကျ
ငါမွေးဖွားကြီးပျင်းခဲ့ရာအိမ်လေး
ခုတော့..မှောင်မဲမဲစိတ်ခြောက်ခြားဘွယ်အရာတွေ နဲ့ပြည့်နေပေါ့…..
ကောင်းချီးပေးသံတွေနဲ့ ရွင်လန်းသက်ဝင်နေကျ
ငါ့ကိုလူလားမြောက်အောင်လုပ်ပေးခဲ့တဲ့မိသားစုလည်း
ခုတော့ ကြောက်ရွံ့ထိတ်လန့်မှုတွေနဲ့နေနေခဲ့ရ…….
သန့်စင်ပျော်ပါးခဲ့ကြတဲ့ဘဝတွေကို
ငါနဲ့အတူမျှဝေခံစားခဲ့ဘူးတဲ့ သူငယ်ချင်းတွေလည်း
ခုတော့.. ဒဏ်ရာတွေနဲ့ပြည့်နေတဲ့ နှလုံးသားတွေနဲ့……..
လွတ်မြောက်တဲ့ဗမာပြည်ကိုပျံသန်းနေမဲ့ လွတ်လပ်နေတဲ့ဌက်ကဗျာမှ

မိုးပြိုမှာမကြောက်ပေမဲ့ အကျဉ်းထောင်ထဲက မတရားဖမ်းခံထားရတဲ့လူတွေတရက်လောက်တော့ ငြိမ်းငြိမ်းချမ်းချမ်းနေကြရပါစေသားလို့
ဆုတောင်းလိုက်ချင်ရဲ့ (စိတ်ထဲမှာမဖြစ်နိုင်ဘူးဆိုတာလည်းသိနေသေးတော့)
……………………………………………………………………………………………………………………………………………………………………………………….

ဒေါ်အောင်ဆန်းစုကြည်ရဲ့ (၆၃) နှစ်မြောက်မွေးနေ့ကို အမေရိကန်ပြည်ထောင်စု၊နယူးယောက်မြို့မှာရှိတဲ့ဒီမိုကရေစီအင်အားစုတွေပူးပေါင်းပြီး
ဂုဏ်ပြုခဲ့ကြတယ်။ ပီနန်ဆရာတော်ဘုရားကြီး၊စာရေးဆရာ နဲ့ရုပ်ရှင်ဒါရိုက်တာ ဦးဝင်းဖေ၊ ကဗျာဆရာ၊ စာပေဝေဖန်ရေးဆရာ မောင်စွမ်းရည်အပါအဝင် ရှစ်လေးလုံးမျိုးဆက်ကျောင်းသားတွေ၊ ၉၆ ကျောင်းသားလှုပ်ရှားမှုမှာပါဝင်ခဲ့ကြသူတွေ၊ ဗမာပြည်အတွက်ချီတက်ရွေ့လျားနေတဲ့အမျိုးသမီးအဖွဲ့တွေ၊
ဘားမားပွိုင့် ကဒီမို့ရေစီအင်အားစုတွေကပူးပေါင်းအားဖြည့်ခဲ့ကြတယ်။

မှိုင်းရာပြည့်ကျောင်းသားခေါင်းဆောင်တယောက်ဖြစ်တဲ့ ဦးအောင်စောဦးက
“ ဒေါ်အောင်ဆန်းစုကြည်က ၁၉၇၃ ခုနှစ်လောက်ကတည်းက သူ့အဖေရဲ့နိုင်ငံရေးလုပ်ဆောင်ချက်တွေကိုစာအုပ်စာတန်းတွေရေးသားဖို့စတင်
ကြိုးစားလာတယ်။ ၁၉၈၄ တိုင်းပြည်အခြေအနေဆိုးဝါးလာတာတွေ၊ ငြိမ်းချမ်းရေးလှုပ်ရှားမှုတွေကိုမြင်တွေ့ခံစားလာခဲ့တယ်။
အဲ့ဒီကတည်းက ဒေါ်စုဟာ အောင်ဆန်းဖောင်ဒေးရှင်းကိုတည်ထောင်ဖို့ကြိုးစားခဲ့ပြီး၊ အဖက်ဖက်ကချွတ်ခြုံကျနေတဲ့ပညာရေး၊ လူမှုရေးစီးပွားရေးတွေကို
ပြန်လည်အဖတ်ဆယ်ဖို့စဉ်းစားတွေးတောလာခဲ့တယ်။ ၁၉၈၈ လူထုအုံကြွမှုဖြစ်လာတော့လည်းတိုင်းပြည်မှာဖြစ်ပျက်နေတာကို နိုင်ငံတော်ကောင်စီအထိ စာတင်တယ်။ အဓိကဒေါ်အောင်ဆန်းစုကြည်မှာနေကျစကားသုံးခွန်းရှိတယ်၊
“ကိုယ့်ခေါင်းဆောင်၊ ကိုယ့်ယုံကြည်ချက်၊ ကိုယ့်ရဲဘော်အပေါ်မှာဘယ်တော့မှသစ္စာမဖောက်ပါနဲ့” တဲ့

၁၉၉၆ ကျောင်းသားလှုပ်ရှားမှုမှာပါဝင်ခဲ့တဲ့ ကိုအောင်ခန့်ကတော့

“၁၉၉၆သြဂတ်စ်လလောက်ကပေါ့ဗျာ။ ရန်ကုန်တက္ကသိုလ်ကကျောင်းသားတွေ၊ ဆေးတက္ကသိုလ်၊ ရန်ကုန်စက်မှုတက္ကသိုလ်ကကျောင်းသားတွေ
အပါအဝင်ကျနော်တို့အုပ်စု ဒေါ်အောင်ဆန်းစုကြည်နဲ့တွေ့ဖြစ်ခဲ့တယ်။ ပညာရေးစံနစ်အကြောင်းပြောတဲ့အခါ သူမက
“ရှင်တို့နိမ့်ကျတဲ့ပညာရေးစံနစ်ကိုဝေဖန်နေမဲ့အစား ကောင်းမွန်တဲ့ပညာရေးအဆင့်ကိုရောက်ဖို့ကြိုးစားကြပေါ့လို့ပြောတယ်။ သူကနိုင်ငံရေးလုပ်ပါလို့တော့မပြောဘူးပေါ့……..သူနဲ့စကားပြောနေတုံးမှာသတိထားမိတဲ့သူ့မျက်လုံးတွေကရိုးသားထက်မြက်တယ်ဗျ။
ကျနော်ထင်တယ်၊ တစုံတရာလိမ်ဖို့ကြံရွယ်ထားရင်တောင် အဲ့ဒီမျက်လုံးတွေကိုမြင်လိုက်ရင်မလိမ်ဖြစ်တော့ဘူး။”

ကိုယ့်လိပ်ပြာကိုရှက်တတ်သူတွေကအဲ့သလိုခံစားရပေမဲ့ ယုတ်မာမှုနဲ့ယဉ်ပါးကျွမ်းဝင်နေကျ စစ်ဝါဒီတွေကတော့ရိုးသားတဲ့မျက်လုံးတွေကို
အနှစ် (၂၀) လုံးလုံးလိမ်လည်လှည့်ဖျားအသုံးချခဲ့ပါတယ်။ တရုတ်တွေကကိုယ်ကျိုးစီးပွားနောက်လိုက်ရင်းကွန်မြူနစ်ပါတီခေါင်းဆောင်ဟောင်းတယောက်ရဲ့
သမီးတယောက် ကိုနောက်ကျောဓါးနဲ့ထိုးခဲ့ပါတယ်။ အမေရိကန်ပြည်ထောင်စုအပါအဝင်အနောက်အုပ်စုက မီဒီယာတွေမှာ လေပူတွေလွှင့်ထုတ်ရင်း
ဟန်ရေးပြပွဲတွေလုပ်နေခဲ့ပါတယ်။
“ဒေါ်စုကတော့အကျယ်ချုပ်ထိနေတော့ ဘယ်မှထွက်လို့မရဘူး။ ပြင်ပကတချို့အတိုက်အခံတချို့က ကိုယ်ခြံကိုယ်ခပ်ပြီးဘယ်သူမှအဝင်မခံတာဗျ၊ အေးလေ..သူတို့လည်း စိတ်ပိုင်းဆိုင်ရားဖျားနာမှုတွေ၊ လိပ်ပြာမသန့်မှုတွေထဲမှာထောင်ကျနေကြတဲ့သူတွေပေါ့ဗျာ” တဲ့

ဂုဏ်သိက္ခာရှိရှိ နဲ့အကျဉ်းချခံနေရတဲ့ လူထုခေါင်းဆောင်တယောက်ရဲ့မွေးနေ့မှာ သူမရေးခဲ့တဲ့ကဗျာအပိုင်းအစတွေကိုပြန်ရွတ်ကြည့်နေမိတယ်။

“အင်အားသုံးဖိနှိပ်မှုတွေရှိနေပေမဲ့
လွတ်မြောက်ရေးတေးသံတွေကိုတော့
လူလိမ်တွေကအတုအယောင်လုပ်ဖန်တီးလို့မရသလို
အော်ဟစ်ငေါက်ငမ်းသံတွေက ဆွဲချနှစ်မြှုပ်ပစ်လို့မရနိုင်ပါဘူး” တဲ့

တိတ်ဆိတ်ငြိမ်သက်နေတဲ့နိုင်ငံတော်ထဲကလူထုခေါင်းဆောင်တယောက်အပေါ်သစ္စာစောင့်သိနိုင်ကြပါစေ လို့ဆန္ဒပြုလျက်……
အောင်မိုးဝင်း