ဖုံးဆက်ရင်ကောင်းမလား

ဆံပင်ညှပ်ဆိုင်မှာကိုယ့်အလှည့်ကိုစောင့်နေရင်းရီးဒါးဒိုင်ဂျက်စာစောင်ဟောင်းလေးကိုဖတ်နေမိတယ်။ဇာတ်လမ်းလေးတပုဒ်ကို
ဖတ်မိတော့ဘာရယ်လို့မဟုတ်ဘူး။ ရန်ကုန်စက်မှုတက္ကသိုလ်စာသင်ခန်းထဲကအတန်းဖေါ်တယောက်ကိုသွားသတိယနေတယ်။
ဒီလို……..
ရန်ကုန်စက်မှုတက္ကသိုလ်နောက်ဆုံးစာမေးပွဲရက်တွေမှာကျနော်တို့သူငယ်ချင်းတွေစာပေါင်းပြီးကြည့်ကြတယ်။ ပေါင်းပြီးမကြည့်လို့မရဘူး။ စာသင်ခန်းမရောက်တဲ့ကောင်နဲ့၊ မှတ်စုမရှိတဲ့ကောင်နဲ့ဆိုတော့အားလုံပေါင်းမှနည်းနည်းခန့်မှန်းပြီး
ဖတ်လို့ရတာမို့လား။ညလယ်ခေါင်ရောက်လာလို့ပင်ပမ်းလာပြီဆိုရင်မဟုတ်တရုတ်စိတ်ကူးလေးတွေကိုတယောက်ယောက်ကဖောက်ပြီး
အကြံစပေးတတ်တယ်။ ခဝဲခြံဘက်သွားရင်ကောင်းမလား၊ သမိုင်းလမ်းဆုံကညအလင်းဆိုင်သွားရင်ကောင်းမလား…ဒါမှမဟုတ်မိန်းကလေးဆောင်တွေဆီအသံသေးအသံညှောင်နဲ့သွားအော်ရင်ကောင်းမလား--အစုံပဲ။
ဒါပေမဲ့--နောက်ဆုံးအားလုံးသဘောတူတဲ့အချက်တခုတော့ရှိတယ်။
“အကြည်ဆီဖုံးဆက်ရအောင်” တဲ့။အကြံပေးလိုက်ကတည်းကပျော်နေကြပြီ။ အကြည်ဆိုတာအခန်းထဲကတရုတ်မလေး။ ချစ်စရာကောင်းတယ်။ ကိုယ်လုံးကိုယ်ပေါက်ကပါးပါးလေးပေမဲ့ပြုံးလိုက်ရင်တော်တော်လေးစိတ်ချမ်းသာစရာကောင်းတယ်လို့
ယောင်္ကျားလေးတော်တော်များများကမှတ်ချက်ချတယ်။ သူ့ရဲ့စိတ်ကသူ့ရုပ်ကလေးအတိုင်းပဲ။
အားလုံးစိတ်ချမ်းသာအောင်အမြဲပြောတယ်။ ရန်ကုန်စက်မှုတက္ကသိုလ်ပင်မအဆောက်အဦအောက်မှာဖုံးရုံလေးတွေရှိတယ်။

ကျပ်ပြားတစိလောက်ထည့်လိုက်ရင်တော်တော်လေးပွားလို့ရတယ်။ ကျနော်တို့ထဲမှာဖွန်ကင်းလို့ခေါ်တဲ့ဇော်မျိုးအောင်ကစပြီး
ခေါ်လေ့ရှိတယ်။ ပြီးတော့တယောက်ပြီးတယောက်--ဘေးကနေကျပ်စေ့ထည့်ပေးတဲ့ကောင်နဲ့၊ ကပ်ပြီးနားထောင်တဲ့ကောင်နဲ့..ဖုံရုံလေးဘေးမှာကျနော်တို့သူငယ်ချင်းတသိုက်ရှုပ်ရှက်ခပ်နေတယ်။ ကျနော်က ပြောခဲ့ဘူးတယ်။
“သိလား၊ ဗိုလ်ချုပ်အောင်ဆန်းနဲ့ကျနော်နဲ့တူတဲ့အချက်တခုရှိတယ်။ သူကပဲပြုတ်လည်းကြိုက်တယ်။အကြည်ဆိုတဲ့ဒေါ်ခင်ကြည်ကိုလည်း
ချစ်တယ်။ ကျနော်လည်းအတူတူပဲ”လို့။ အကြည်ကလည်းဘယ်ခေမလဲ။
“ဟယ်….အဲ့ဒါတော့ ဒို့နဲ့ကွာသွားပြီ။ ဒို့ကပဲပြုတ်ကိုမုန်းပြီးနိုင်ငံရေးသမားတွေကိုကြောက်တယ်တဲ့။ “ဘာလို့လဲလို့မေးတော့..“နိုင်ငံရေးသမားတွေက အတ္တကြီးတယ်။ သူတို့ယုံတာပဲလုပ်တာ။ ပြီးရင်အားလုံးကိုပစ်သွားမှာ”တဲ့။ (မှန်လိုက်လေတရုတ်မလေးရယ်)
သူငယ်ချင်းတယောက်ကမေးတယ်။ “ ဒို့နာမည်ကိုမမေးတော့ဘူးလား” ဆိုတော့
“မလိုပါဘူး။ အကြည့်ကိုခင်လို့ပိုက်ဆံအကုန်ခံပြီး၊အိပ်ရေးပျက်ခံပြီးဖုံးခေါ်တာပဲ။ နာမည်မေးလည်းအမှန်ပြောမှာမှမဟုတ်တာ” တဲ့။ သူကလည်းသိတယ်။ အချိန်မတော်မှာယောင်္ကျားလေး(၅) ယောက်လောက်ကတယောက်ပြီးတယောက်ကြူနေတာ
ပုံမှန်မဟုတ်ဘူးဆိုတာ။ အဓိကပြောချင်တာက ကျနော်တို့ရက်တော်တော်များများ စာကြည့်လို့ပင်ပမ်းတဲ့အခါ၊ အကြည်ဆိုတဲ့ကောင်မလေးကို (၁) နာရီကြာလောက်ဖုံးပြောကြတယ်။ အကြည်ကလည်းပြန်ပြောရှာတယ်၊ကျောင်းပြီးသွားတဲ့အချိန်ထိ ဘယ်သူတွေသူ့ကိုဖုံးခေါ်မှန်းမသိဘူး။ အတန်းထဲရောက်တော့လည်းကျနော်တို့ကကိုယ်မလုပ်ခဲ့သလိုနေနေကြတာ။ သူကလည်း သူ့ကိုဖုံးဆက်တဲ့ငနဲတွေကိုဂရုတစိုက်ရှာမနေပါဘူး။ ကျနော်တို့အားလုံးအပင်ပမ်းပြေခဲ့တာတော့အမှန်ပဲ။
( သူငယ်ချင်းတယောက်က အိမ်ထောင်ကျတဲ့အထိ သူ့အမျိုးသမီးနဲ့အဆင်မပြေရင် ရန်ကင်းလက်ဖက်ရည်ဆိုင်မှာထိုင်နေရင်း..အကြည့်ဆီကိုဖုံးဆက်ရင်ကောင်းမလားလို့တွေးနေမိတယ်ဆိုပဲ)။ ကျနော်ပြောချင်တာတွေကိုဆက်စပ်ကြည့်ပါရစေ။

ရီးဒါဒိုင်ဂျက်ထဲက ဇတ်လမ်းကဒီလိုပါ။ နယ်တနယ်မှာ မယ်သီလရှင်တယောက်ကိုမူးနေတဲ့ယောင်္ကျားတွေက အတင်းအဓမ္မကျင့်တယ်။ မယ်သီလရှင်လေးကတောင်းပန်တယ်။ ငိုကြွေးရှာတယ်။ မရဘူး။ မယ်သီလရှင်လေးတော်တော်အနှိပ်စက်ခံလိုက်ရတယ်။ ဒီလိုလုပ်ခံရပေမဲ့ မယ်သီလရှင်လေးက သက်ဆိုင်ရာကိုတိုင်တယ်တရားစွဲဆိုခြင်းမလုပ်ဘူး။ တိုးတိုးတိတ်တိတ်နဲ့ပြီးဆုံးသွားတယ်။ ပြဿနာက ကျူးလွန်တဲ့ကောင်တွေ။ သူတို့ကိုဥပဒေအရေးမယူတော့ ပါးစပ်ကလျှောက်ပြောတယ်။
“မင်းတို့လည်းကြိုးစားကြည့်ပါလားပေါ့။” ဒီလိုနဲ့ မယ်သီလရှင်လေးအပေါ်ကျူးလွန်လာတဲ့သူတွေများလာတယ်။ အဲဒီနယ်ထဲကလူတွေမကျေမနပ်ဖြစ်နေကြတယ်။နောက်ဆုံးအမြင်မတော်တဲ့သူကသက်ဆိုင်ရာကိုတိုင်ပြီးကျူးလွန်တဲ့သူတွေကိုတရားထ
စွဲတယ်။ တရားရုံးမှာ မယ်သီလရှင်လေးကိုတရားသူကြီးကမေးတယ်။
“ဘာဖြစ်လို့ပြန်လည်မခုခံတာလဲ။ ဘာလို့တရားရုံးကိုအကြောင်းမကြားတာလဲ” ပေါ့
ဇာတ်လမ်းက အဲ့ဒီမှာရှုပ်ကုန်တော့တယ်။
“သူတို့ဆန္ဒကိုငြင်းဆန်ရမှာအားနာလို့” တဲ့။ “သက်ဆိုင်ရာကိုတိုင်ရင်လည်း သူတို့ဒုက္ခရောက်မှာစိုးလို့”တဲ့။ ကောင်းလိုက်တဲ့မေတ္တာ၊ဂရုဏာတွေ၊ ဘယ်လိုပြန်ပြောရမှန်းတောင်မသိတော့ဘူး။ ကျနော့်မှာ ဟာ….ကနဲစိတ်ထဲမှာဖြစ်သွားတယ်။
ပြီးတော့ အကြည်ဆိုတဲ့ကောင်မလေးကိုသွားသတိယမိပြီး
ဒုက္ခပဲလို့ရေရွတ်လိုက်မိတယ်။
နောက်မှ ကိုယ့်ဘာသာဖြေသိမ့်လိုက်မိတယ်။
အော်--အကြည် က မယ်သီလရှင်မှမဟုတ်တာလေ။ သူကအင်ဂျင်နီယာပဲ။ တွက်ချက်တတ်ပါတယ်။