စိမ့်ယိုနေတဲ့နှုတ်ခမ်းများ

ဒီရက်တွေမှာ အမေရိကန်ပြည်ထောင်စုအတွင်းကပါမောက္ခတွေ၊ ကျောင်းသားတွေရဲ့လှုပ်ရှားမှုတွေ၊ဆွေးနွေးမှုတွေ၊ ဟောပြောပွဲတွေဆီမှာရောက်နေခဲ့တယ်။၂၀၀၁ခုနှစ်စက်တင်ဘာ(၁၁)ရက်အတွင်းနယူးယောက်မြို့က ကုန်သွယ်ရေးမျှော်စင်နှစ်ခုပြိုကျမှုမှာသေဆုံးသွားခဲ့တဲ့လူတွေရဲ့သားသမီးတချိွု့ကလှုပ်ရှားမှုတခု
ကိုမြှင့်တင်လိုက်ကြတယ်။ သူတို့က “ဒီမိုကရက်တစ်အမျိုးသားညီလာခံ၊ ရီပတ်ပလင်ကန်အမျိုးသားညီလာခံ နဲ့ သမ္မတမဲဆွယ်ပွဲတွေမှာဟောပြောနေတဲ့ဘီလ်ကလင်တန် ၊ ဂျွန်မကိန်း၊ ဟီလာရီကလင်တန်၊ အိုဘားမား၊
ဂျူလီဂူလီယာနီ၊ အပါအဝင်နိုင်ငံတကာဆက်ဆံရေးကောင်စီက ဒေးဗစ်ရော့ကာဖဲလား
နဲ့ခေါင်းဆောင်တချို့ကို မေးခွန်းထုတ်နှောက်ရှက်ခဲ့တယ်။ သူတို့ရဲ့မှတ်တမ်းတွေ၊ ကင်မရာတွေကိုပေးဖို့လုံခြုံရေးတွေက
ပြောဆိုဆွဲထုတ်ခဲ့ပေမဲ့သူတို့ရဲ့အသံတွေဟာတိတ်မသွားခဲ့ဘူး။ သူတို့ က ဟီလာရီကလင်တန်မဲဆွယ်ပွဲတွေမှာသွားပြီး
“ စက်တင်ဘာ (၁၁) ရက်တိုက်ခိုက်ခံရမှုနဲ့ပတ်သက်ပြီး စုံစမ်းမှုအသစ်တွေလုပ်ဖို့ ” တောင်းဆိုကြတယ်။
နိုင်ငံတကာဆက်ဆံရေးကောင်စီ ရဲ့ဟောပြောပွဲထဲသွားပြီး“ဒီမယ် ဒေးဗစ်ရော့ကာဖဲလား နဲ့ ဘရက်ဇင်စကီး၊
ခင်ဗျားတို့ဟာ အကြမ်းဖက်သမားတွေကို ဆင့်ခေါ်လာသူတွေဖြစ်တယ်၊
ခင်ဗျားတို့ဟာ ရာဇဝတ်မှုကျူးလွန်သူတွေဖြစ်တယ်။” လို့အော်ဟစ်နှောက်ရှက်ကြတယ်။
ဘရက်စ်ဇင်စကီးတို့အရမ်းဒေါသထွက်ကြတယ်။ စိတ်မထိန်းနိုင်ဘူး။
“မင်းတို့ပါးစပ်တွေပိတ်ပြီးထိုင်လိုက်စမ်း” လို့ပြန်လှန်အော်ဟစ်တယ်။
လုံခြုံရေးတွေရောက်လာပြီး သူတို့ကိုဆွဲထုတ်တယ်။ သူတို့မြှင့်လိုက်တဲ့မေးခွန်းတွေက အများကြီးပဲ။
ကုန်သွယ်ရေးမျှော်စင်နှစ်ခုနဲ့ကပ်လျှက်မှာ ရှိတဲ့ အဆောက်အဦ (၇) ဟာ လေယာဉ်တိုက်ခိုက်မှုမခံရပဲနဲ့
ဘာလို့တခုလုံးပြိုရတာလဲလို့မေးခွန်းထုတ်ခဲ့ကြတယ်။ သူတို့ကိုင်ထားတဲ့ကြောက်စရာအကောင်းဆုံး ပိုစတာတွေ၊
ဗန်နာတွေ ကတော့
“ 9/ 11 Attack is Inside Job ” စက်တင်ဘာ (၁၁) တိုက်ခိုက်မှုဟာအချင်းချင်းလုပ်ကြံတာဖြစ်တယ်
ဆိုတဲ့စာတမ်းတွေပဲဖြစ်တယ်။ဘီလ်ကလင်တန်က အဲ့သလိုပြောဆိုနေတာကိုအရမ်းဒေါသထွက်တယ်။
ဟီလာရီကလင်တန်အတွက်မဲဆွယ်ပွဲတခုမှာ သူဟောပြောနေတုံး၊ အဲ့ဒီပိုစတာတွေ၊ ကြွေးကြော်သံတွေကိုကြားတဲ့အခါ
သူက“ံHow Dare you ?ဘယ်လိုများမေးရဲလိုက်ကြတာလဲ” လို့ မေးခွန်းပြန်ထုတ်ခဲ့တယ်။
အဲ့ဒီကျောင်းသားတွေကသိတ်လွယ်တဲ့အုပ်စုတော့မဟုတ်ဘူး။ တော်တော်ကို မွှေတဲ့ကောင်တွေပဲ။
အမေရိကန်အစိုးရအာဘော်တခုဖြစ်တဲ့ FOX NEWS AGENCY ရှေ့ကိုသွားပြီး၊ အော်ဟစ်ကြတယ်။
နိုင်ငံရေးပျက်လုံးထုတ်နေကျသတင်းဌာနကလူတွေ၊ သတင်းထုတ်ပြန်နေတဲ့အချိန်တွေမှာသွားပြီး
အော်ဟစ်ဆန္ဒပြကြတယ်။ အသံဆက်လွှင့်လို့မရတော့လောက်အောင်အသံလွှင့်ဌာနတွေ ဒုက္ခရောက်ခဲ့ကြတယ်။
နယူးယောက်မြို့လည်၊ နိုင်ငံခြားသားတွေအများဆုံးလာလည်နေကျနေရာဖြစ်တဲ့ Time Square မှာသွားပြီး
ချီတက်ဆန္ဒပြကြတယ်။ တချို့ပြည်သူတွေကလည်းသူတို့ကိုမျိုးချစ်စိတ်မရှိသူတွေအဖြစ်ခါးခါးသီးသီးတုံ့ပြန်ကြတယ်။
ကင်မရာတွေကို ရိုက်ခွဲပစ်ကြတယ်။ သူတို့ဖက်ဒရယ်အဆောက်အဦဆီရှေ့ကိုသွားကြတယ်။
ရဲတွေက “Terrorist Act အရမင်းတို့ကို ရက်(၃၀) တွင်းတခုထဲမှာထည့်ထားလို့ရတယ် ” လို့ခြိမ်းခြောက်တယ်။


ကျောင်းသားတွေကလည်း အမေရိကန်နိုင်ငံရဲ့လွတ်လပ်စွာဟောပြောမှုတွေဆိုတာဘာလဲလို့
ပြန်လှန်မေးခွန်းထုတ်ကြတယ်။ ကြည့်ရတာကတော့အစုံပဲ။
တကယ်တော့အဲ့ဒီလိုဖြစ်ပျက်နေတာကို အမေရိကန် သတင်းမီဒီယာတွေမှာပြလေ့မရှိပါဘူး။
Patriotic Act နဲ့ Terrorist Act ကိုကျော်လုပ်လို့မရဘူးမို့လား။
Alex Jones ဆိုတဲ့ပုဂ္ဂိုလ်ကဦးဆောင်ပြီးသူတို့လှုပ်ရှားနေတာတွေ၊အာဏာပိုင်တွေနဲ့ရင်ဆိုင်နေရတာကို သတင်းရုပ်ရှင်မှတ်တမ်းလေးထုတ်ပြီးတိုက်စစ်ဆင်မှ ကျနော်တို့ကြည့်ခဲ့ရတာ။
ကျနော်တို့မြို့ကရုပ်ရှင်ရုံလေးကို ကြာသာပတေးနေ့တိုင်းငှားပြီးသူတို့ကပြည်သူတွေကိုလာကြည့်ဖို့ဖိတ်ခေါ်ခဲ့တယ်။ သတင်းမီဒီယာတွေကမပြခဲ့တဲ့ စက်တင်ဘာတိုက်ခိုက်မှုမှာကျဆုံးခဲ့ရတဲ့လူတွေရဲ့မိသားစုတွေဆီက
အသံကို သူတို့ကထုတ်ဖေါ်ခဲ့ကြတယ်။သတင်းမီဒီယာတွေကိုပြန်လည်စိန်ခေါ်ခဲ့တယ်။
တချို့လူတွေက “People Power ပြည်သူ့အင်အားလို့ထအော်ကြတယ်”
တခါတလေတော့လည်းဗမာပြည်လိုပါပဲ။အစိုးရဟာ သေဆုံးခဲ့တဲ့မိသားစုဝင်တွေဆီက
မေးတဲ့မေးခွန်းရဲ့(၇၀) ရာခိုင်နှုန်းလောက်ကိုပြန်လည်မဖြေကြားခဲ့ဘူးလို့ဆိုတယ်။
( တခုတော့ရှိပါတယ်။ ခံစားမှုနဲ့မေးတဲ့မေးခွန်းတွေကိုနိုင်ငံရေးအမြင်အရဖြေဖို့ခက်တယ်နဲ့တူတယ်)
မှတ်တမ်းခွေလေးကိုကြည့်ပြီးတော့ အင်ဂျင်နီယာတွေဖြစ်ခဲ့ဘူးတဲ့ကျနော်တို့ကိုမေးခွန်းတွေမေးတယ်။
အဆောက်အဦပြိုတာတွေကိုအင်ဂျင်နီယာ ရှုထောင့်ကပြောပြပေးဖို့.. ဘာညာပေါ့။ ကျနော်က
“တခါတလေဘာမှ ဝင်မပါပဲတိတ်တိတ်ကလေးနေပါရစေ” လို့ဟာသလုပ်တောင်းတောင်းပန်ပန်ပြောရတယ်။
ကိုယ့်ကိုယ်ကိုလည်း“တဆိတ်လောက်၊ မင်းပါးစပ်ကလေးပိတ်ထားစမ်း” လို့ သတိပေးနေရတယ်။
Terrorist Act ဆိုတာ အချိန်မရွေးတခုခုဖြစ်သွားနိုင်တယ်။
“လူတိုင်းတိုင်းဘာသာမရွေး၊ အသားအရောင်မရွေး လွတ်လပ်စွာထုတ်ဖေါ်ဟောပြောနိုင်သည်”
ဆိုတဲ့ American Constitution ထဲက First Amendment မှာပြောခဲ့သလိုမျိုးခုခေတ်မှာသိတ်ဖြစ်နိုင်မှာမဟုတ်ဘူး။ အမေရိကန်ပြည်ထောင်စုက အကြမ်းဖက်သမားတွေနဲ့စစ်ပွဲတွေခင်းနေရတဲ့အချိန်မို့လား။
ထူးခြားတာတခုတော့ပြောစရာရှိတယ်။
စက်တင်ဘာ(၁၁)ရက်တိုက်ခိုက်မှုမှာလူပေါင်း(၃၀၀၀)နီးပါးသေဆုံးခဲ့ပေမဲ့အဆောက်အဦပြိုပြီး လွှင့်စင်ကျလာတဲ့ဖုန်မှုန့်တွေကြောင့်အဆုတ်ရောဂါအမျိုးမျိုးရပြီး သေမတတ်ခံစားနေရတဲ့
လူပေါင်း(၅)သောင်းနီးပါးရှိလာတယ်လို့ဆိုတယ်။( ၇ နှစ်အတွင်းမှာပေါ့)
(အဲ့ဒီတုံးကမက်ဟန်တန်အောက်ပိုင်းကလေထုဟာအန္တရယ်ကင်းပါတယ်၊ရှုရှိုက်လို့ရပါတယ် လို့နယူးယောက်မြို့တော်ဝန်ကပြောကြားခဲ့ဘူးတယ်)၊
ပြဿနာကအကြမ်းဖက်သမားတွေကအဆောက်အဦကိုလေယာဉ်တွေနဲ့တိုက်ခိုက်ပြီးပြီးချင်း ၊
မီးလောင်နေတဲ့အဆောက်အဦထဲကဒဏ်ရာရနေတဲ့သူတွေကိုကယ်ဖို့သွားခဲ့ကြတဲ့မီးသတ်သမားတွေလည်း
ဒီရောဂါတွေရနေတယ်။တချို့ကအသက်ရှင်နေထိုင်ဖို့လအနည်းငယ်လောက်ပဲကျန်တော့တယ်လို့ဆိုတယ်။
သူတို့အတွက်အခြေခံဆေးဝါးကုသပေးခွင့်ကိုအစိုးရကလုပ်ပေးဖို့ပျက်ကွက်ခဲ့တယ်လို့ဆိုတယ်။ ဒီလိုကျန်းမာရေးထိခိုက်နေတဲ့နယူးယောက်သားတွေအတွက်ဆေးဝါးကုသခအဖြစ်ကွန်ဂယက်ကိုတင်ပြခဲ့ပေမဲ့ ကွန်ဂယက်ကအကြောင်းအမျိုးမျိုးပြပြီးပယ်ချခဲ့တယ်။
၂၀၀၈ ခုနှစ် ၊ ဖေဖေါ်ဝါရီလကျမှပဲကွန်ဂယက်ကဒေါ်လာ (၁၂ သန်းခွဲ) ချပေးခဲ့တယ်လို့မှတ်တမ်းခွေထဲမှာဆိုထားတယ်။
ဟုတ်မဟုတ်တော့ စိတ်ဝင်စားတဲ့လူတွေလေ့လာရေးစာတန်းတွေလုပ်ကြပေါ့ ။
ကလင်တန်တို့ အရမ်းဒေါသထွက်တဲ့ မှတ်တမ်းရုပ်ရှင်ခွေလေးက “ 9/11 Truth Rising” လို့ခေါ်တယ်။
Google Search မှာ ရှာရင်လည်းရနိုင်တယ်ထင်တယ်။