-----------------------------------------------------------------------------------------------------------------------------------------
ချစ်သူရေ…. တခါတလေမထင်မရှားဇာတ်ကောင်တွေနဲ့ မိုးတိမ်တွေကိုထိနမ်းကြည့်ချင်တယ်။
ငါ့ရင်ထဲမှာပင်လယ်တစင်းရှိနေမှာတော့…
အကြိမ်ကြိမ်ပြန်လင်းနေမဲ့ကြယ်စင်တွေ..နေရာတိုင်းမှာတွေ့နေရအုံးမယ်ဆိုတာ…..
တိတိကျကျ ယုံကြည်နေမိတယ်။
-----------------------------------------------------------------------------------------------------------------------------------------
အလင်းစက်တွေ ပြန်မလာခင်…….
လူဝင်စားတယောက်ကအရင်ဘဝကိုပြန်ပြောပြသလိုမျိုး
လွမ်းစရာကောင်းပေါ့
နှစ်များ၊ ပုံရိပ်များ…..
အမြဲစိမ်းလန်းခဲ့သော……….ချစ်သူများ
မိတ်ဆွေတယောက်ရဲ့ကဗျာမှ
တောင်ခါးဖြတ်ကနေကြည့်မိဆိုရင်မြို့တမြို့လုံးကိုလုံလုံလောက်လောက်ခံစားလို့ရမဲ့အနေအထားတခုကိုရမယ်။
နယူးယောက်အထက်ပိုင်းဒေသမှာနွေဦးရေကန်တွေဖြည်းဖြည်းလေးလှနေပုံကဆွတ်ပျံ့ဘွယ်ဘဝတွေကိုပြန်ခေါ်သွားသလိုမျိုး။
စပျစ်ခြံတွေမှာ ဝိုင်မျိုးစုံကိုစမ်းသပ်သောက်သုံးနေတဲ့လူတွေရဲ့ရယ်မောသံတွေ၊ အာဂျင်တီနားတန်ဂိုအကနဲ့ရင်ချင်းကပ်ထားတဲ့စုံတွဲတွေရဲ့
ပြင်းပြင်းရှရှညှိုယူထားဆဲအကြည့်တွေ၊နောက် ကယ်ရီဘီယံဗုံသံနဲ့ခပ်ဖွဖွလာထိနေတဲ့ ရှနဲရေမွှေးနံ့တွေရယ်…
ကျနော့ဘဝကိုကျနော်ပျော်ခဲ့ပါရဲ့လား….
တောအတုတွေထဲမှာ လူစိမ်းတွေနဲ့ ဟန်ဆောင်ထားတဲ့ပြဇာတ်တွေကိုရောကျနော်ဘယ်အချိန်ထိကြည့်နေရအုံးမှာလဲ။
မမြင်ရတဲ့မျှားတွေစိုက်ဝင်နေတဲ့စကားသံတွေကိုလည်းဘယ်အချိန်ထိမွန်းမွန်းကျပ်ကျပ်သိမ်းထားရမှာလဲ။
ညနေခင်းလေပြေထဲမှာ မကျေနပ်စိတ်နဲ့ ကျနော့်စိတ်ဒဏ်ရာတွေဖရိုဖရဲပစ်ကြဲကြည့်နေမိတယ်။
အလွတ်လပ်ဆုံးအော်လို့ရမဲ့ အမြင့်ဆုံးကျောက်ဆောင်တခုပေါ်ကိုကျနော်တက်ကြည့်လိုက်တယ်။
ကျနော့ နှုတ်ခမ်းကအဆာလောင်ဆုံးစကားလုံးတခုထွက်ကျသွားတယ်။
“ချစ်သူတို့ရေ………….. ”
ပဲ့တင်သံတွေပြန်ရောက်မလာခင်..
ပဲ့တင်သံတွေပြန်ရာက်မလာခင်..
ကျနော့ကို ညနေခင်းတခုစာလောက်ဆုံစည်းခွင့်ပေးစမ်းပါ။
အော်…….အနှစ် (၂၀) တဲ့
လူဝင်စားတယောက်ကအရင်ဘဝကိုပြန်ပြောပြသလိုမျိုး……. အံ့သြဖို့ကောင်းပေါ့
အသံ (၁)
မမြင်ရတဲ့နဂါးတကောင်နဲ့တိုက်ရတယ်ဆိုတာ
ရှုံးခြင်းနိုင်ခြင်းကအဓိကမဟုတ်
ရင်ဆိုင်ရဲခြင်းသတ္တိကိုကအရေးပါနေပြီ။
( သုခမိန်လှိုင်)
အရင်တုံးကလိုပါပဲ ငါ့မောင်ရယ်… ညဦးရဲ့ပြတင်းတံခါးတွေကိုဖွင့်ကြည့်လိုက်မယ်ဆိုရင် စံပယ်ရနံ့နဲ့မြတ်လေးရုံဆီကရနံ့တွေပေါင်းပြီးကျွံဝင်လာမယ်။ လရောင်ကဝိညာဉ်တွေကိုခပ်ဖြည်းဖြည်းလှုပ်နှိုးနေမယ်။ အဝေးကအုန်းမောင်းခေါက်သံတွေ၊ ရွတ်ဖတ်သရဇ္ဇယ်သံတွေ နဲ့အတူ ခိုးဝင်လာတဲ့
လူရိပ်တွေ၊ ပြီးရင် မနက်စောစောတွေမှာတိတ်တဆိတ်ခြေရာဖျောက်သွားတဲ့သံမဏိဝိညာဉ်တွေ…
ငါတို့တတွေမှာလည်းဘယ်ဘဝကပါလာတဲ့ရေစက်တွေလည်းမသိပါဘူး။
လူတွေ..ငါတို့ဆီကို.အိပ်မက်ဆန်ဆန်ရောက်လာကြတယ်။ နှုတ်မဆက်ပဲပျောက်သွားကြမယ်။
ဒီလိုဖြစ်မယ်ဆိုတာသိနေပေမဲ့အမေကတော့ ညဂျင်းသုတ်တွေအတွက်အမြဲအရံသင့်ဖြစ်နေအောင် ပဲကြမ်းတွေကြော်နေတယ် တဲ့။
သူ့မှာလည်းနင်တို့အတွက်ရင်တမမ နေနေခဲ့ရတာအနှစ်(၂၀) ပြည့်ပေါ့။
ဆိပ်ကမ်းလေးမှာရာသီထွက်သီးနှံတွေရောက်လာပြီဆိုရင်… “ကျောင်းဆရာလေးတွေပြန်ရောက်လာမလားမသိဘူး”တဲ့။ သူကစာသင်ကျောင်းနားလေးဆီတဝဲလည်လည်လုပ်နေတတ်တယ်။
ပြီးရင်ကမ်းနားဈေးထဲကိုသွားပြီး ဗုံလုံသီးရှည်မျောမျောတွေကိုအမှတ်တရဝယ်လာတတ်တယ်။
ငါကမေးကြည့်မိတယ်။ အမေဘာလို့ဝယ်လာတာလဲဆိုတော့ “ကောင်လေးတွေကိုသတိယလို့”တဲ့၊ ဆေးပေါ့လိပ်ကိုဖွာပြီး ခွေးတွေဟောင်တဲ့ဘက်ကိုလိုက်ကြည့်နေတယ်။
ငါဘာမှပြန်မပြောမိပါဘူး။စိတ်ထဲမှာခံစားရတာလေးတွေတော့ရှိတယ်။ သူတောင်ဘာမှသွေးသားမတော်စပ်ပဲနဲ့နင်တို့ကိုသတိယနေသေးရင်နင့်ရဲ့မိဘအရင်းတွေကရောဘယ်လောက်သတိရနေမလဲ။ အလည်လွန်နေတဲ့သားတွေကိုစောင့်နေရင်းအိပ်ရေးပျက်ခဲ့ရတဲ့ညတွေကိုဘယ်လိုဖြတ်သန်းနေကြရမလဲ။
စာသင်ကျောင်းထဲမှာမိုးစက်တွေယိုစိမ့်လာနေပေမဲ့ အိမ်ကိုငါမပြန်ချင်သေးဘူး။ ငါ့ကိုယ်ငါစဉ်းစားနေမိတယ်။ တခါတလေကိုယ့်ရဲ့နာမည်ရင်းကိုမေ့ပြီးနာမည်အမျိုးမျိုးခေါ်ခံနေရပေမဲ့ဒဏ်ရာတွေကအသွေးအသားထဲထိလှိုက်စားနေတယ်။
နှစ်တွေ၊သဏ္ဍန်တွေ၊ အရောင်တွေသာပြောင်းသွားတယ်။ ဆူးစိုက်နေတဲ့နေရာကအနှံ့အပြားဆိုတော့ အသံတွေကိုမှတ်မိနေဆဲပဲ။
အဝေးကအိမ်လေးကိုပြန်စရာဆိုလို့ငါ့မှာဘယ်သူမှကျန်မနေရစ်တော့ပါဘူး။ အဖေကထောင်ထဲမှာဆုံးသွားတယ်။ အလုပ်ရုံနဲ့အိမ်ကိုစစ်အုပ်စုကသိမ်းယူလိုက်တယ်။ သူပုန်ကထောက်ပံ့ပေးတဲ့ငွေနဲ့ဝယ်ထားတဲ့အိမ်တဲ့။
ငါ့ စိတ်ထဲမှာ သားရေချပ်တွေကိုတနင့်တပိုးသယ်ပြီး ဖိနပ်ချုပ်လုပ်ငန်းကိုမိုးလင်းမိုးချုပ်လုပ်ကျွေးခဲ့ရတဲ့အဖေ့ရဲ့နေ့ရက်တွေအတွက်
အားနာသွားတယ်။ မဆလပါတီတင်းပြည့်တယောက်ရဲ့အိမ်ကိုလည်းသိမ်းနိုင်တာပါပဲလားလို့တွေးလိုက်မိတယ်။
အပြင်မှာဆရာမလေးတွေလည်းအိမ်မပြန်နိုင်ကြသေးဘူး။
သူတို့ပါလာတဲ့ရေခဲချောင်းတွေ၊ ဆီကြော်မုံ့တွေကိုကုန်အောင်ရောင်းရအုံးမယ်။ ကျန်တဲ့မုံ့တွေကိုညနေဈေးလေးထဲမှာဝင်ရောင်းကြရမယ်။ ပြီးမှစားသောက်စရာလေးတွေကိုဝယ်ပြီး အိမ်မှာမျှော်နေတဲ့သူတွေအတွက်ချက်ပြုတ်ရမယ်။
နင်စရောက်လာတုံးက အံ့သြတကြီးမေးတဲ့မေးခွန်းကိုငါအမှတ်ရနေတုံးပဲ။ “စာလာသင်တဲ့ကျောင်းဆရာမလေးတွေကဘာလို့ရေခဲချောင်းပုံးတွေ၊မုံ့ပုံးတွေကိုသယ်လာကြတာလဲ” ဆိုတော့
ရထားသံတွေကြားမှာ ပြန်ပြောမိတဲ့မသဲမကွဲ ငါ့အသံတွေထဲမှာ မောနေသလိုခံစားရတယ်။
“ဒီကျောင်းလေးကိုစာလာသင်လို့ သူတို့အပြန်အလှန်ပြန်ရတာက ရာသီထွက်သီးနှံတွေလေဟာ..
သီးနှံတွေမအောင်တဲ့ရာသီဆိုရင်တော့ သူတို့လည်းဘာမှမရဘူးပေါ့။”
အစိုးရကဘာမှထောက်ပံ့ပေးတာမဟုတ်ဘူးလေ။ ဒီလိုပါပဲဟာ။ နင်တို့မြို့ကြီးတွေမှာသာကျယ်ကျယ်လောင်လောင်အော်ပိုင်ခွင့်ရှိတာ။
လူမသိသူမသိ အခုလိုနယ်ကရွာတွေမှာဖြစ်နေတာဘယ်သူမှမသိပါဘူး။ ကမ္ဘာခြားတခုပါဟာ.
အော်…ပြောရအုံးမယ်..ရယ်စရာဖြစ်နေမလားတော့မသိဘူး။
အရေးတော်ပုံကြီးဖြစ်နေတုံး၊ သူတို့ကရွာနဲ့အနီးဆုံးနေရာမြို့ကလေးကို (၂) နာရီလောက်လမ်းလျှောက်သွားရတယ်။ သူတို့ကလည်းမြို့ကရောက်လာတဲ့သတင်းတွေညွှန်ကြားချက်တွေကိုနားထောင်ပြီး၊ ငါတို့ကိုရိုးပြတ်တောနားကကွက်လပ်ထဲစုခိုင်းတယ်။ သူတို့ပြောတဲ့စကားကတိုတိုလေးပါ။ ဆင်းရဲတွင်းကလွတ်ချင်ရင် ဒီကြွေးကြော်သံတွေအော်ပေါ့။ ဘာပဲဖြစ်ဖြစ် ငါတို့အသံတွေ… လယ်တောတွေဆီမှာနေကြာပန်းပင်တွေကိုလာစားဖို့အလည်ရောက်လာတဲ့ဌက်တွေကသယ်သွားနိုင်ကောင်းပါရဲ့ လို့တွေးပြီး
သူတို့တတွေနေ့တိုင်းသွားအော်နေခဲ့ကြရတယ်။
အသံ(၂)
မြေကြီးလိုမာကျောနေတဲ့ခင်ဗျားတို့ရဲ့လက်သီးဆုပ်များကိုမေ့မထားပါဘူး
အရေးတော်ပုံကြီးတုံးကအတူရှိခဲ့တဲ့သွေးစက်တွေ
မီးလျှံတွေလို ဟုန်းဟုန်းထနေချိန်
တိုင်းပြည်အလယ်လမ်းမတွေပေါ်မှာတော့ ဖြိုမရဖျက်မရသန္ဓေတည်ခဲ့ကြပြီ။
လူသတ်အမိန့်ကိုထမ်းဆောင်သူများ
ရိုင်ဖယ်သေနတ်မောင်းတင်နေသူများ
မသာလောင်းတွေပေါ်မှာအာဏာထူထောင်ချင်တဲ့ကောင်တွေနဲ့
လက်ဆွဲနှုတ်ဆက်မေ့လျော့ပစ်ဖို့ အလိုမရှိ
(ပတ်ပလိုနီရူးဒါး)
ငါ့ဘဝတလျောက်လုံးမှာသေချာတာတခုတော့ပြောရဲတယ်မိုးဝေရာ။ ငါလေ.. ဂျိန်းစဘွန်းကားတွေကို မကြိုက်ခဲ့တာအမှန်ပဲ။
လူတွေကဂျိန်းစဘွန်းရုပ်ရှင်တွေလို.. နောက်ဆုံးပေါ်ဆက်သွယ်မှုအတတ်ပညာတွေ၊ ရုပ်ဝတ္ထုပစ္စည်းတွေပေါ်လာတာကောင်းပါတယ်။ ဒါပေမဲ့လူထုဆီမသွားပဲ လက်ဖျားမှာသီးနေတဲ့ငွေတွေနဲ့၊ ဆဲလ်ဖုံးတွေပေါ်ကနေ လူထုအုံကြွမှုတွေအော်နေရင်တော့မှားသွားမယ်ထင်တယ်။
ဂျိန်းစဘွန်း ကလူထုကိုဦးဆောင်ပြီးအစိုးရတရပ်ကိုဖြုတ်ချနိုင်ခဲ့တယ်ဆိုတဲ့အဖြစ်မျိုးရုပ်ရှင်ထဲမှာတောင်မရှိဘူး။
ဂျိန်းစဘွန်းကားတွေရဲ့ဇာတ်လမ်းအသေတွေကို ငါပြောပြမယ်။
(က) ဘွန်း သည်အဆင့်မြင့်အတတ်ပညာတွေနှင့်ထောက်ပံ့ခံထားရသူဖြစ်သည်။
(ခ) မိန်းမလှလေးတွေနှင့်ခပ်ကြမ်းကြမ်းအနမ်းတွေမက်မက်မောမောဖလှယ်မည်။
(ဂ) ဇာတ်လမ်းအဆုံးသတ်ခါနီးမှာလူဆိုးတွေဖမ်းဆီးခြင်းခံရမည်။
(ဃ) နောက်ဆုံးမှာ ဂျိန်းစဘွန်းအနိုင်ရသွားမည် “ အိုး… စ် ဘွန်းရယ်” ဆိုသည့်လှိုက်မောဘွယ်မိန်းမတယောက်ရဲ့အဆုံးသတ်မှုတွေဖြင့် ပရိဿတ်ကိုဆန့်တငံ့ငံ့ထားရစ်ခဲ့မည်။
ဒါပဲမို့လား… အမြဲတမ်းအနိုင်ရနေတဲ့ ဗြိတိန်ထောက်လှမ်းရေး(၆)ကအားကျစရာတော့အကောင်းသား။
ငါတို့နိုင်ငံမှာ..သူရဲကောင်းတွေအများကြီးထွန်းကားခဲ့ပေမဲ့ ငါတို့ဇာတ်လမ်းတွေကအဲ့သလောက်တော့စိတ်ကူးယဉ်စရာတွေမရှိခဲ့ဘူး။
နိုင်ငံရေးစလုပ်ခါစက…..ကပ်စထရိုလိုအားကျပြီး ကမ္ဘာကျော်တရားခွင်လျောက်လဲချက်တွေတင်လို့ရမယ်ထင်ခဲ့မိတယ်။
စကားလုံးတလုံးမှပြန်မပြောလိုက်နိုင်ခင် စစ်အကျဉ်းထောင်ထဲမှာ သွေးအန်ရင်းဖြတ်ခဲ့ရတဲ့ကာလတွေ ဆယ်စုနှစ်တစုကျော်သွားတယ်။ ဒါပေမဲ့..အိပ်မက်တွေကတော့ခိုင်ခိုင်မာမာရှိနေတုံးပါပဲ။ အိမ်တော်ရာဘုရားဝင်းထဲကသေနတ်သံတွေကိုငါသတိယနေတုံးပဲ။ မန္တလေးမြို့ကြီးကိုမကြာခင်သိမ်းပိုက်တော့မယ်ဆိုတဲ့စစ်ရေးသုံးသပ်ချက်တွေကိုရင်ခုန်နေတုံးပဲ။
အဲ့ဒီမျှော်လင့်ချက်တွေနဲ့ပဲ ငါတို့ယုံကြည်ချက်တွေနီစွေးခဲ့တယ်။
စစ်တပ်ကအာဏာသာသိမ်းခဲ့ပေမဲ့ အိမ်တော်ရာဘုရားဝင်းသပိတ်စခန်းကိုကပ်လို့မရခဲ့ဘူး။
ဈေးချိုနာရီစင်နားမှာတပ်စွဲထားတဲ့ စစ်သားတွေကိုလက်နက်ကိုင်လူတစုကဝင်ပစ်တယ်။
မီချောင်းတံတားနား၊ ထီးလင်းတိုက်နားကလမ်းမတွေပေါ်မှာအုတ်ပုံတွေထဲကိုဗုံးတွေမြှုပ်ထားပြီး စစ်သားတွေရောက်လာရင်ပြန်ခုခံဖို့လုပ်ကြတယ်။
စစ်တပ်ကလည်းတလျောက်လုံးစစ်တိုက်လာတဲ့သူဆိုတော့.. ရပ်ကွက်ထဲကလူငယ်တွေကိုပထမဖမ်းဆီးလိုက်ပြီး၊ စစ်အင်္ကျီလဲပေးလိုက်တယ်။
ပြီးမှ အုတ်ပုံတွေကိုရှင်းခိုင်းတယ်။ ရပ်ကွက်ကရိုက်လို့သေတဲ့သူ၊ အုတ်ပုံထဲကဗုံးတွေပေါက်လို့သေကုန်တဲ့လူတွေအကုန်လုံးကရပ်ကွက်ထဲကလူတွေလေ။ ဒါပေမဲ့စိတ်မလျော့ခဲ့ကြပါဘူး။
မင်းမှတ်မိသေးလား။ ရှစ်လေးလုံးအရေးတော်ပုံကိုချေမှုန်းဖို့အတွက် စစ်တပ်ကကြိုးစားတော့မြေပေါ်မှာငါတို့ရဲ့ကျောင်းသားသမဂ္ဂ ကို
လူနှစ်စုခွဲလိုက်တယ်။ တစုကလက်နက်ရှာဖို့၊ သူပုန်တွေနဲ့ဆက်ဖို့ပေါ့။ မြေပေါ်မှာလက်နက်ကိုင်သင်တန်းတွေပို့ချကြတယ်။ စစ်ဆင်ရေးကားတွေကြည့်ခဲ့ကြတယ်။ ဗိုလ်ချုပ်တွေကိုလုပ်ကြံသတ်ဖြတ်လို့ရမဲ့အချိန်တွေကိုစောင့်ခဲ့ကြတယ်။ နယ်တွေကိုခရီးထွက်ကြရတယ်။ ပန်းဆိုးတန်းပလက်ဖောင်းဘေးကစာအုပ်အဟောင်းတွေရွတ်ပြီး ငြင်းခုန်နေတဲ့နိုင်ငံရေးသမားတွေကလည်း သူတို့ရဲ့မြေပေါ်တိုက်ပွဲကို
အဆုံးသတ်ဖို့လုပ်နေကြသလို၊ ငါတို့လည်းအသုတ်လိုက်အသုတ်လိုက်မြောက်ပိုင်းကိုသွားလိုက်၊ ပြန်ဝင်လာလိုက်နဲ့။ စစ်ကြောရေးစခန်းမှာတုံးကစစ်ထောက်လှမ်းရေးတွေပြောတဲ့စကားကိုကြားနေတုံးပဲ
“ ဟေ့ကောင်တောင်ပြောမြောက်ပြောလျောက်ဖြေမနေနဲ့။ ဗကသ လို့အမည်ခံကတည်းကမင်းတို့နောက်ကွယ်မှာ
လက်နက်ကိုင်တော်လှန်ရေးကပ်ပါနေတယ်ဆိုတာလူတိုင်းသိတယ်။ မင်းဘိုးအေတွေလက်ထက်ကတည်းကစစ်ဆေးလာခဲ့တာကွ၊
မအေ -ိုး လေး၊ေ-ွးသားလေး” တဲ့
ညတညလုံးပက်ပက်စက်စက်ဆဲပြီးမူးရူးအိပ်ပျော်သွားတဲ့ စိုးမြင့့််နဲ့အပေါင်းပါစစ်ထောက်လှမ်းရေးတွေကို ကိုယ်စောက်ထိုးကြည့်နေမိတယ်။
ကိုယ့်ကို ထုတ်တန်းပေါ်မှာစောက်ထိုးစွဲထားတာဆိုတော့ သူတို့ကိုဘယ်မှာအတည့်ကြည့်လို့ရပါ့မလဲ။
ကိုယ့်သူငယ်ချင်းတယောက်ဆို သူတို့ရိုက်တာများသွားလို့ ခြေထောက်ကအကြောတွေထုံးသွားလိုက်တာ၊
ဆောင်းတွင်းတွေဆို ဆေးရုံမှာတက်တက်ခွဲရတယ်။ ဒီပီအေကရဲဘော်တွေလေ။ မင်းမှတ်မိမယ်ထင်တယ်။
ရှစ်လေးလုံးအရေးတော်ပုံအပြီး လက်နက်ကိုင်တော်လှန်ရေးလုပ်ဖို့မြေပေါ်မှာကြိုးစားခဲ့တဲ့အုပ်စုတွေထဲမှာဒီမိုကရက်တစ်မျိုးချစ်တပ်မတော်
( Democratic Patriotic Army) ( သူတို့ကိုထောင်ထဲမှာ Steel သံမဏိအုပ်စုတွေလို့လူသိများတယ်) ကကျောင်းသားတွေလည်းတော်တော်ခံရတယ်။
တကယ်တော့ ငါတို့ကသူများတွေပြောပြောနေကြသလိုဌက်ဖျားတောထဲမှာနေရင်းစစ်တိုက်ခဲ့ကြတဲ့
သူရဲကောင်းတွေလိုတော့မဟုတ်ပါဘူး။
ဒါပေမဲ့ .လုပ်ကြံရေးသတ်ကွင်းတွေမှာလမ်းလျောက်ဖို့ကြိုးစားကြည့်ခဲ့တယ်။
မြေပေါ်မှာပျောက်ကျားစစ်လုပ်မဲ့သူတယောက်ရဲ့အန္တရာယ်ကိုလျော့မတွက်လို့ရတာမှမဟုတ်တာ။ သတင်းပေါက်တာနဲ့လူကသေလူဖြစ်နေပြီ။ ဒီလိုနဲ့စွန့်စားခဲ့ကြရတာပါပဲ။ ဒါပေမဲ့ တဘက်မှာအဆိုးဆုံးဖြစ်ရပ်တွေလည်းကြုံတွေ့နိုင်တယ်။
စစ်ဆင်ရေးလုပ်ခါနီးမှာ လက်နက်တွေရောက်မလာပဲအဖမ်းခံလိုက်ရတဲ့ဖြစ်ရပ်တွေလိုမျိုးပေါ့။
နေစမ်းပါအုံး.. ဗမာပြည်မှာ မြေပေါ်ပျောက်ကျားလက်နက်ကိုင်တော်လှန်ရေးက တကယ်ဖြစ်ခဲ့လို့လား။
အနှစ် (၂၀) အတွင်းမြေပေါ်မှာ မြို့ပေါ်ကလူတွေသေနတ်သံတချက်ကြားခဲ့ရလို့လား။
နံရံလေးဘက်ထဲက ခြောက်ခြားဘွယ်ညတွေထဲ မေးခွန်းတွေရောက်လာပေမဲ့ စိတ်ကူးတွေကရင့်မာနေဆဲပဲ။
ပြန်ထွက်လာတဲ့အခါပေါ့……
အသံ(၃)
ဟော..ညနေခင်းရဲ့နှင်းဆီလုံးတလုံး
ကျောကုန်းပေါ်ကပြုတ်ကျသွားပါပကော။
ပြန်တော့… ညီမလေးရယ်
ငါကတော့အမေပို့လိုက်တဲ့ဆေးလိပ်တွေကိုဖွာရှိုက်ရင်းနဲ့
မောင်ရှင်စော ရဲ့ကဗျာမှ
ညနေ (၆) နာရီ၊ မန္တလေးရထားထွက်ဖို့ဘီးကစလိမ့်နေပြီဟ၊ သိလား။ ကိုယ်ကဒီမြို့ကလေးမှာမွေးဖွားကြီးပျင်းလာခဲ့ရပေမဲ့တယောက်မှမနှုတ်ဆက်ဖြစ်ခဲ့ဘူး။ တိတ်တိတ်လေးပြန်လာခဲ့ရတယ်။ မြောက်ပိုင်းဒေသကိုထွက်လာခဲ့တာသိတ်မကြာသေးဘူး။ဒါပေမဲ့ ကျန်ခဲ့တဲ့ သမဂ္ဂကရဲဘော်တွေကိုပြန်ဆက်သွယ်ဖို့ပြန်ဝင်လာခဲ့မိတယ်။
သံလမ်းဘေးကနေလှမ်းကြည့်လိုက်ရင် ငါ့အိမ်လေးကို ညနေရီရီထဲမှာမသဲမကွဲတွေ့နေရတယ်။
နေ့လည်တုံးက သူငယ်ချင်းတွေအတွက်လိုအပ်တဲ့ဆေးတွေဝယ်နေတုံး ငါ့ဘေးမှာငါ့ညီမလေး ဆေးလာဝယ်တာတွေ့ရတယ်။
ငါသိတာပေါ့ သူဘာဆေးဝယ်မယ်ဆိုတာ။ အမေ လေဖြတ်နေတယ် တဲ့။ သူ့သမီးအိမ်ပြန်မလာကတည်းကကောင်းကောင်းမအိပ်နိုင်ရှာဘူးတဲ့။ ငါနှုတ်ဆက်ချင်လိုက်တာ။ အမေဘယ်လိုနေလဲ လို့မေးချင်လိုက်တာ။ စိတ်ကိုမနည်းအောင့်ထားရတယ်။
ဒါပေမဲ့ ထွက်လာခဲ့ရတာပါပဲ။ တံခွန်တိုင်တောင်မရောက်သေးဘူး။ ရထားကရပ်သွားတယ်။ ဘာဖြစ်ပြန်တာလဲ.. လူတွေခေါင်းပြူထွက်နေတာမှသိတ်မကြာသေးဘူး။ ငါ့နားကို ယောင်္ကျားရင့်မာကြီးတွေ (၁၀) ယောက်လို့ရောက်လာတယ်။
တယောက်ကဗြုံးဆို ငါ့နားထင်ကိုလှမ်းရိုက်တယ်။
“ေ-ာက်ကောင်မ.. မှောက်အိပ်စမ်း” တဲ့… ငါအဖမ်းခံလိုက်ရပြီဆိုတာသိလိုက်တယ်။ ဆက်တိုက်ဝင်လာတဲ့လက်သီးတွေကြားမှာငါဘာမှသတိမရတော့ဘူး။
သတိပြန်လည်လာလို့ဘေးပတ်ဝန်းကျင်ကိုကြည့်လိုက်တော့ အခန်းမှောင်မှောင်လေးထဲမှာ ယောင်္ကျား(၂)ယောက်
ဆေးလိပ်ဖွာနေတာကိုတွေ့လိုက်ရတယ်။
အော်… ငါစစ်ကြောရေးစခန်းမှာပါလားလို့သဘောပေါက်လိုက်မိတယ်။
တယောက်ကစပြီးဆိတ်ငြိမ်မှုကို ထိုးခွဲလိုက်တယ်။
“နင်တို့တော်တော်မိုက်တဲ့ကလေးမပဲ… မြို့မှာမွေးတဲ့သူတွေကတောထဲသွားချင်တယ်။
ဟို တောထဲက ကချင်မတွေကမြို့တက်ပြီး အေရိုးဗစ်သင်တန်းတောင်ဈေးကြီးကြီးပေးတက်ဖို့ကြံနေကြပြီ။” သူတို့ဘာပြောနေတယ်ဆိုတာငါသဘောမပေါက်သေးဘူး။ (၅) နှစ်လောက်အကျဉ်းထောင်ထဲမှာနေလိုက်ရပြီး
ငါ့မြို့ကလေးကိုပြန်ဝင်လာတဲ့ညမှာပဲစစ်ကြောရေးစခန်းတုံးက ထောက်လှမ်းရေးတွေပြောတဲ့စကားကိုသဘောပေါက်လိုက်တယ်။
လက်စသတ်တော့ သူတို့ပြောတဲ့အုပ်စုတွေက ကချင်ငြိမ်းချမ်းရေးတပ်ဖွဲ့ကလူတွေဖြစ်တဲ့ မထုနော်၊ တူးဂျာ နဲ့ စခုံတင်ရိမ်း တို့အုပ်စုတွေကိုပြောတာကိုး။
အရေးတော်ပုံအပြီးအဖောက်ပြန်ဆုံးအုပ်စုတွေကိုပြပါဆိုရင်ကချင်ငြိမ်းချမ်းရေးအုပ်စုတွေထိပ်ဆုံးကပါတာပေါ့။
သူတို့လည်းဗမာစစ်တပ်လိုပါပဲ။ အောက်ခြေထုကသာဆင်းရဲနေတာခေါင်းဆောင်တွေကချမ်းသာကြသလားမမေးနဲ့။
နင်တို့က ကချင်အုပ်စုတွေ ၂၀၁၀ ရွေးကောက်ပွဲဝင်မယ်ဆိုတော့ဒေါသထွက်နေကြတာ။ လူတွေကသူတို့ကိုစိတ်ပျက်နေတာ ကြာလှပြီ။ တိုင်းရင်းသားချင်းသစ္စာဖောက်တဲ့အုပ်စု၊ လူမျိုးစုတစု ကအခြားလူမျိုးစုတစုကို အမြင်ကျဉ်းကျဉ်း၊အညိုးတကြီးနဲ့
နောက်ကျောဓါးနဲ့ထိုးဖို့လုပ်တဲ့အုပ်စုတွေကိုမြင်ပြီဆိုရင်မြင်ကွင်းကျယ်နိုင်ငံရေးရာသီဥတုမှာ နောက်ထပ်ကစားနည်းအသစ်တွေကို
စဉ်းစားဖို့တော့လိုတယ်။ ဒါပေမဲ့ဟာ… ရှစ်လေးလုံးဆိုတာလူမျိုးပေါင်းစုံသွေးချင်းထပ်ခဲ့တဲ့အမြဲစိမ်းတောတွေပါ။ မန္တလေးထောင်ထဲမှာမြစ်ကြီးနားနဲ့မိုးညှင်းဘက်ကငါ့သူငယ်ချင်းတွေအခုထက်ထိမလွတ်သေးဘူး။
အသံ(၄)
လာပါကွယ်..
သေသေချာချာသိမ်းထားတဲ့သစ္စာတရားတခုရဲ့
အာရုံကိုတူးဆွကြည့်ရအောင်ပါ
တကယ်လို့
နှင်းဆီရနံ့ကအမှောင်ခေတ်ကချစ်သူတွေအတွက်
အတောက်ပဆုံးလွင်ပြင်တွေရှိရာ ဦးဆောင်သွားတဲ့အခါမှာပေါ့
( ၁၉၉၄ ရန်ကုန်စက်မှုတက္ကသိုလ်ကဗျာလှုပ်ရှားမှုစာစောင်မှ)
ရှစ်လေးလုံးကိုသုံးသပ်မယ်ဆိုရင် ၁၉၈၉-၉၀ ကအဖြစ်အပျက်တွေကိုကျော်သွားလို့မရဘူး။
ဒါကိုမြေပေါ်နိုင်ငံရေးလှုပ်ရှားမှုမှာ ပါဝင်ခဲ့တဲ့သူတိုင်းနားလည်တယ်။ စစ်တပ်က နှိပ်ကွပ်လေလေ၊ လှုပ်ရှားမှုတွေသန်မာလာလေလေဖြစ်နေတဲ့
ခုနှစ်တွေကိုပြပါဆိုရင် ၁၉၈၉-၉၀ ကာလတွေပဲ။
မြေပေါ်မှာ အစိုးရဆန့်ကျင်ရေးစာရွက်စာတမ်းအများဆုံးအထုတ်နိုင်ဆုံးအချိန်ဖြစ်ခဲ့တယ်။
ကျနော်တို့မှာ ဘာမှမရှိဘူး။ မီးချောင်းပျက်တခုရယ်၊ ဆေးသားတွေကိုဒလိမ့်တုံးနဲ့လိမ့်ယူပြီးရာပေါင်းများစွာရိုက်နှိပ်ခဲ့တဲ့စာရွက်တွေရယ်၊ ညစာအတွက်ပွဲစားတန်းကပို့ပေးတဲ့ကုလားပဲခြမ်းတွေရယ်၊ ဗိုလ်ချုပ်အောင်ဆန်းလိုဖြစ်ချင်လို့ ခြင်တွေတဝဲဝဲကိုက်နေတဲ့ညတွေမှာ
လာလာအိပ်တတ်တဲ့ ကိုစိုးဝင်းသန်းရယ် ( သူက ဗိုလ်ချုပ်လို့တော့မဖြစ်ခဲ့ဘူး၊ မြောက်ပိုင်းမှာထောက်လှမ်းရေးလို့စွပ်စွဲခံရပြီးအသတ်ခံခဲ့ရတယ်)
မနက်ဖြန်ဆန္ဒပြပွဲအတွက်ရေးထားတဲ့ ပိုစတာတွေရယ်၊ ဒါတွေပဲရှိတယ်။
ပွဲအကောင်းဆုံးနေ့ရက်တွေပဲဗျာ… ဘုန်းကြီးပျံပွဲတွေမှာ ကျနော်တို့ကျောင်းသားရန်ပုံငွေပွဲတွေကျင်းပပြီး နယ်အသီးသီးကလှုပ်ရှားနေတဲ့
သူတွေစုဆုံကြတယ်။ အစိုးရဆန့်ကျင်ရေးသီချင်းတွေကပလူပျံနေတယ်။ လွမ်းစရာအကောင်းဆုံးကာလတွေပဲဗျာ။
မုံရွာညီလာခံ၊ မြေလတ်ညီလာခံ၊ မန္တလေးညီလာခံတွေမှာ ကျနော်တို့တတွေ အရေးတော်ပုံကိုသစ္စာရှိဖို့သံဓိဌာန်ချခဲ့ကြတယ်။
အဲ့ဒီတုံးလောက်လှုပ်ရှားပိုင်ခွင့်ကို တကြိမ်လောက်ပြန်ရကြည့်စေချင်စမ်းတယ်။
ကျနော်တို့ကလည်းထမင်းစားပြီးတာနဲ့လမ်းမထွက်ဖို့လုပ်တော့တာပဲ။
စစ်ထောက်လှမ်းရေးဗိုလ်ကြီးမြင့်ဦးတို့ကလည်း ဆန္ဒပြပွဲတွေဘေးမှာ ဗြောင်ဝင်ပြီးလျှောက်နေတာဗျ။ ဆန္ဒပြပွဲတွေကိုဘေးကနေဝိုင်းကြည့်နေတဲ့ပြည်သူတွေက ရိုးအီလာပြီထင်တယ်နဲ့တူတယ်။
ကျနော်တို့ကိုလာလာမေးတယ
“ ဟဲ့..ကောင်လေးတွေ..နေကလည်းပူလိုက်တာ..နင်တို့ကလည်းအားရှိအော်ချည်းမနေကြနဲ့.. သူပုန်တွေနဲ့ဆက်ကြအုံး” တဲ့
ပြောချင်တာက ပြည်သူလူထုက ၁၉၈၉ ကနေ ၁၉၉၆ လှုပ်ရှားမှုအထိကုလသမဂ္ဂ ကိုမမျှော်ခဲ့ပါ။ဘူး။ သိလည်းမသိခဲ့ပါ။ သူပုန်ကိုမျှော်ခဲ့တာပါ။ တချို့မိုးကုတ်ကိုတက်သိမ်းထားသယောင်ယောင်သတင်းတွေလွှင့်ခဲ့ပေမဲ့လက်တွေ့မှာတော်လှန်ရေး
အင်အားစုကလက်နက်ကိုင်တပ်တွေတယောက်မှမတွေ့ခဲ့ရပါ။ သီအိုရီတခုမှာဒီလိုဆိုထားဘူးတယ်ထင်တယ်။
“လူထုအုံကြွမှုသည်တော်လှန်ရေးရဲ့အပြီးသတ်အဆုံးအဖြတ်မဟုတ်”ပါတဲ့။
ဒါဖြင့် ရှစ်လေးလုံးအရေးတော်ပုံအပြီးစံနစ်တခုပြောင်းဖို့အဆုံးအဖြတ်ပေးမဲ့အင်အားစုကိုမောင်းနှင်ဖို့ပျက်ကွက်ခဲ့တာဘယ်သူတွေပါလဲ။
ကုလသမဂ္ဂဆိုတာကိုပြည်သူကကောင်းကောင်းမသိပါဘူး။
ဒါပေမဲ့ဗမာပြည်ရဲ့ကံကြမ္မာက အံ့သြစရာတော့ကောင်းတယ်။
ပြည်ပကိုထွက်သွားတဲ့ကျောင်းသားက ၁၉၉၈-၉၉ ထိပြည်တွင်းကျောင်းသားလှုပ်ရှားမှုကိုတိတိကျကျမသိဘူး၊ လူထုနဲ့ဝေးသွားတယ်။ ကျောင်းသားလှုပ်ရှားမှုနဲ့ဝေးသွားတယ်။
ကိုယ့်သူငယ်ချင်းတွေပြောတဲ့သမိုင်းကိုပဲအရောင်တင်နေကြတာကိုး။
တကယ်လို့ သူငယ်ချင်းချင်းအုပ်စုဖွဲ့တဲ့နိုင်ငံရေးအဆင့်ကနေကျော်ခဲ့ရင် ၊
သမိုင်းတွေကိုဟန်ချက်ညီညီရင်ငွေ့လှုံပြီးတယောက်ကိုယောက်သန်မာအောင်လုပ်ပေးကြမယ်ဆိုရင် ညီညွတ်ရေးကမဖြစ်မနေရောက်လာလိမ့်မယ်။
အနာဂတ်ဗမာပြည်နိုင်ငံရေးအတွက်မျှော်လင့်ချက်ရှိသေးမယ်ထင်တယ်။ မဟုတ်လို့ကတော့……..
အသံ(၅)
ခေတ်ကိုမီးတင်ရှို့ကြည့်ကြရအောင်
ဒဏ်ရာတွေကသာထခုန်တတ်မယ်ဆိုရင် တကမ္ဘာလုံးရှုပ်ရှက်ခပ်သွားမယ်။
ကောင်မလေးရေ….
နာနာကျင်ကျင်ခံစားရတိုင်း..
ပြန်မလာနိုင်သူတွေရဲ့အိပ်မက်တွေမှာ
အနူးညံ့ဆုံးဂီတတွေရှိတယ်ဆိုတာကိုယုံပါ။
(မန္တလေးထောင်ထဲက ကဗျာမှ)
ရှစ်ဆယ့်ရှစ်မျိူးဆက်ကျောင်းသားတွေမနှစ်ကကျင်းပခဲ့တဲ့ ခြောက်ထပ်ကြီးဘုရားထဲက ၈၈၈၈ပွဲကိုမြင်တော့
၁၉၉၅-၉၆ ကာလတွေကိုသတိယတယ် ကိုယ့်လူရ။ ငါတို့တော်တော်များများအကျဉ်းထောင်တွေထဲကပြန်လွတ်လာကြပြီ။ တချို့လည်းနယ်စပ်ဘက်ကနေအကြောင်းအမျိုးမျိုးနဲ့ပြန်လာခဲ့ကြတယ်။
မြောက်ပိုင်းမှာထောက်လှမ်းရေးလို့စွပ်စွဲခံရတဲ့အုပ်စုတွေလည်း (၈) မိုင်လမ်းဆုံမှာစီးပွားရေးတဘက်နဲ့
မအားတဲ့ကြားကလာတွေ့ကြရှာတယ်။တချို့ကကျောင်းပြန်တက်ခွင့်မရကြဘူး။ဒါပေမဲ့ငါတို့ဆုံဖြစ်အောင်ဆုံကြတာပါပဲ။ လှည်းတန်းနားကစားသောက်ဆိုင်တခုမှာကွာ သူငယ်ချင်းတယောက်စကာင်္ပူ ကိုထွက်မယ်ဆိုတော့အဖွဲ့အစည်းအသီးသီးကလူတွေ
အကုန်နီးပါးလာကြတယ်။ အဲ့ဒီတုံးက
“ဟေ့ကောင်ရေ ငါတို့ဘယ်လိုအဖွဲ့တွေကွဲနေနေ. ဒီမသာတွေက သူတို့ကိုဆန့်ကျင်တဲ့ကောင်မှန်သမျှနံရံလေးဘက်ထဲကိုထည့်လိုက်တော့တာပဲ။” တချို့က ရှစ်လေးလုံးအရေးတော်ပုံအတွင်းရန်ကုန်တက္ကသိုလ်ထဲမှာတဇောင်းချီးနဲ့မျက်ချီးလိုဖြစ်ခဲ့ကြပေမဲ့ အကျဉ်းထောင်ထဲက
ဆယ်ပေပတ်လည်အခန်းကျဉ်းလေးထဲကိုလည်းရောက်ရော့တယောက်နဲ့တယောက်သွေးဖောက်သောက်ခဲ့တဲ့ရဲဘော်တွေလိုဖြစ်သွားကြတယ်။
တချို့ ကအစိမ်းရောင်နယ်မြေတွေက နှလုံးသားမတူတဲ့သူတွေရဲ့ငြင်းဆန်မှုကြောင့်ပြည်တွင်းကိုပြန်ရောက်လာကြတယ်။ ဘယ်လိုပဲဖြစ်ဖြစ်အားလုံးကျောချင်းကပ်ရတော့မယ်ဆိုတာသိနေကြတယ်။ ခေတ်ကိုတယောက်နဲ့တယောက်အားပေးရင်းခါးခါးသီးသီးဖြတ်သန်းခဲရတယ်။
ပြောချင်တာက ၁၉၉၃ လောက်ကစပြီး ဗကသ၊ မကသ၊ လူ့ဘောင်သစ်၊ အမျိုးသားနိုင်ငံရေးကျောင်းသားလူငယ်အဖွဲ့တွေလို့
မိတ်ဆက်တဲ့သူတွေမရှိကြတော့ဘူး။ တခုတည်းသောအမည်နာမည် နဲ့ဦးတည်ချက်တခုပဲရှိတယ်။ စစ်အာဏာရှင်ကိုဆန့်ကျင်မဲ့ညီညွတ်ရေးတပ်ဦးကိုဘယ်လိုပြန်ဖွဲ့မလဲ၊ ငါတို့ချင်းသန်မာအောင်ဘယ်လိုကူညီကြမလဲ။ ဒါကိုအစိုးရကကောင်းကောင်းသဘောပေါက်တယ်ကွ။
၁၉၉၆ ကျောင်းသားလှုပ်ရှားမှုဖြစ်တော့.. စစ်ထောက်လှမ်းရေး (၁၂) (၇) (၆) ကကောင်တွေက ရန်ကုန်စက်မှုတက္ကသိုလ်မော်ကွန်းထိန်းရုံးခန်းမှာ
လာပြီးဘာပြောတယ်ထင်လဲ။
“ဟေ့ကောင် မင်းတို့ကငါတို့ကိုအချဉ်ထင်လို့လား.. အခုစင်ပေါ်တက်ပြောနေတဲ့ကျောင်းသားတွေကိုငါတို့စိတ်မဝင်စားဘူးကွ၊ နောက်ကွယ်ကကောင်တွေကိုပဲဖမ်းချင်တာ။ မင်းတို့မြှောက်မပေးရင် ဒီကောင်တွေ လှည်းတန်းလမ်းဆုံကိုရောက်လာစရာအကြောင်းမရှိဘူး။ ဒါဟာအတွေ့အကြုံရှိတဲ့ကောင်တွေနောက်ကကြံစည်လို့ပေါ်ပေါက်လာတဲ့ကိစ္စ၊ ဒီထက်ပိုကြီးထွားလာရင်မင်းတို့ကိုပဲစဖမ်းမှာ”
သူတို့ကပြောတဲ့အတိုင်းပဲလုပ်တယ်။ တက္ကသိုလ်အသီးသီးမှာရှိတဲ့ကျောင်းသားရေးရာဌာနကလူတွေကို ရှစ်လေးလုံးအရေးအခင်းမှာတုံးကကျောင်းတက်နေခဲ့သူတွေရဲ့စာရင်းပြုစုခိုင်းတယ်။ပြီးရင်အကုန်ဖမ်းခိုင်းတယ်။
စစ်ဆေးပြီးမှပြန်လွှတ်ပေးမယ်ပေါ့။ အများကြီးပဲ ကိုယ့်လူရေ၊ မတ်လ(၁၃) မှာပါဝင်ခဲ့တဲ့လူတွေ၊ အပါအဝင်
ကျောင်းသားတပ်မတော်မှာအစိုးရထောက်လှမ်းရေးလို့ယူဆထားပြီး ကိုနေဝင်းအောင်နဲ့ဖမ်းခံရတဲ့ ကိုစိုးလင်း
( သူကရန်ကုန်စက်မှုတက္ကသိုလ်၊ လျှပ်စစ် ကကျောင်းသား၊ ၁၉၉၆ ကျောင်းသားအရေးအခင်းကာလမှာသူကကျောင်းပြန်တက်နေတာ) လည်းအဖမ်းခံလိုက်ရသေးတာပဲ။ ရှစ်လေးလုံးကိုရန်သူဘယ်လောက်ကြောက်တယ်ဆိုတာအဲ့ဒါသာကြည့်ပေတော့။
အသံ (၆)
“ငွေ ရယ်၊ မိန်းမရယ်၊ အန္တရယ်များတဲ့လောင်းကစားပွဲတွေရယ်
အားလုံးပေါင်းလိုက်ရင်ပဲဖြစ်ဖြစ်
တခုချင်းကိုအမှတ်မထင် လိုအပ်တာထက်တပ်မက်လိုက်ရင်ပဲဖြစ်ဖြစ်၊
အဲ့ဒီအရာတွေဟာ..ရာဇဝတ်မှုတခုကိုကျူးလွန်စေမဲ့
လုံလောက်တဲ့အကြောင်းအချက်အလက်တခုဖြစ်တယ်။”
နေကောင်းအောင်နေနေရတာပေါ့ကွာ။ မင်းတို့ဆီကဖုံးဆက်တော့လည်းဝမ်းသာရတာပေါ့။
ငါတို့က ရန်သူ့သတ်ကွင်းထဲမှာနေနေရတော့ အချင်းချင်းသွေးစည်းပြီးသားပါ။
ဒုက္ခတွေနဲ့လက်ထပ်ပေါင်းသင်းထားတာဆိုတော့ ကြုံနေကျအကျပ်အတည်းတွေကငါတို့ကိုဖောက်ပြန်စေမှာမဟုတ်ပါဘူး
မင်းတို့သာနေကောင်းအောင်နေကြပါ။
မကြုံဘူး၊ မမြင်ဘူး၊ မထိတွေ့ဘူးတာတွေနဲ့ကြုံတဲ့အခါတိုင်းတည်တည်ငြိမ်ငြိမ်ခံစားပြီးဖြတ်စမ်းပါကွာ။ ငါတို့ယောင်္ကျားတွေကဒုက္ခတွေနဲ့ရင်ဆိုင်ရရင်သာခံနိုင်ရည်ရှိတာ၊ ချမ်းသားမှု၊ အဆင်ပြေမှုတွေများသွားရင်ဖောက်ပြန်တာကများတယ်မို့လား။ ငါတို့တယောက်ချင်းစီလွတ်မြောက်ဖို့တောင်းဆိုနေဖို့မလိုပါဘူး။ငါတို့ဆီကိုဖုံးဆက်စကားပြောပြီးငွေပို့စရာမလိုပါဘူး။
မင်းတို့နေနေရတဲ့သူစိမ်းနယ်တွေမှာ…အိမ်ကိုစွန့်ခွာသွားရသူတွေ၊ မိသားစုတွေကိုချန်ရစ်ထားခဲ့ရသူတွေ၊တယောက်နဲ့တယောက်
နွေးနွေးထွေးထွေးလက်ချင်းချိတ်လိုက်ကြစမ်းပါ။ အားလုံးလွတ်မြောက်ဖို့အတွက်မင်းတို့မှာတာဝန်ပိုရှိတယ်လို့ထင်တယ်။
ဒီဇာတ်လမ်းကအားလုံးစခဲ့တဲ့ဇာတ်လမ်း၊ အဆုံးသတ်ပေးဖို့အားလုံးမှာတာဝန်ရှိတယ်။ ရွှေတိဂုံဘုရားပေါ်မှာတုံးကဆိုခဲ့တဲ့သစ္စာတွေမင်းအမှတ်ရနေအုံးမယ်လို့ယုံတယ်ကွာ။
အသံ(၇)
ကဗျာအပေါ်မှာလေ
သားဖွားခန်းရောက်မိန်းမ လင်ကိုစိတ်နာသလိုမျိုးနာပ
ဒါပေမဲ့အချိန်တန်တော့
ထန်းပင်ကိုပြန်ပြန်မော့ကြည့်နေရတဲ့အရက်မူးသမားတယောက်လိုပါပဲ
( မောင်ချောနွယ်ရဲ့နတ်တို့ခိုးဝှက်ခြင်းခံရတဲ့ကဗျာမှ)
ဆရာဦးဝင်းတင်အကျဉ်းထောင်ထဲမှာ ဆယ်စုနှစ်(၂) စုပြည့်တော့မယ်။
ရှစ်လေးလုံးမျိုးဆက်ခေါင်းဆောင်တွေလည်းမျက်စိကွယ်တဲ့သူကွယ်၊ အကျဉ်းထောင်ထဲမှာ ကျဆုံးခဲ့ရတဲ့သူတွေလည်းတဖြည်းဖြည်းများလာခဲ့ရ။
အော်…တိုင်းရင်းသားခေါင်းဆောင်တွေကျန်းမာရေးမကောင်းရှာဘူး။
“သားရေ… တညလောက်လိုက်အိပ်ရင် ငွေ(၄-၅) သောင်းလောက်ရတယ်၊ အရင်တုံးကမကောင်းတာလုပ်စားတဲ့အမျိုးသမီးလေးတွေဆိုတာ ဝတ်ကောင်းစားကောင်းဝယ်ဖို့ငွေပိုငွေလျှံလေးရှိသေးတယ်။ ခုတော့..သူတို့ဘဝတွေလည်း ညတိုင်းလိုက်အိပ်ရင်တောင် စားဖို့သောက်ဖို့အနိုင်နိုင်ပါကွယ်”
အနှစ်(၂၀) မှာ ကျနော်က ပုံတိုပတ်စတွေ၊ ကိုယ့်အကြောင်းတွေကိုကိုယ်ပြောပြီး
နိုင်ငံရေးဇာတ်မင်းသားတွေလိုကပြနေဖို့အချိန်ရှိသေးရဲ့လား။ မြင်ကွင်းတွေကပျင်းဖို့ကောင်းတယ်။
ကျောက်ဆောင်တွေပေါ်ကနေကျနော်ပြေးထွက်လာမိတယ်။
မိုးမီးလောင်တယ်ဆိုတဲ့ဝေါဟာရ..ခုတော့ ကျနော်ကောင်းကောင်းနားလည်စပြုနေပြီ။ လူတယောက်ကိုပြေးတိုက်လိုက်မိတယ်။ သူ့မှာလည်းသွေးတွေနဲ့၊ မချိမဆန့်ကျနော့်ကိုပြုံးပြရှာတယ်။
“ဆုံးရှုးံရတာတွေများလွန်းလို့တခါတလေတော့ အနိုင်ရခွင့်ဆိုတဲ့အရသာကိုမြည်းကြည့်ချင်တယ်ဗျာ” တဲ့။ စိမ့်ယိုစီးနေတဲ့သွေးစက်တွေကိုသုတ်ရင်း.သူက..ပုလင်းလွတ်တခုကိုပင်လယ်ထဲပစ်ပေါက်ကြည့်နေမိတယ်။
နောက်ထပ်လူတယောက်က သမိုင်းဦးခေတ်မှာမီးကိုရှာကြည့်သလိုမျိုး..ကျောက်နှစ်ခုကိုမမောတမ်းခတ်နေတယ်။
“ပျောက်သွားတဲ့ကြယ်တွေကိုပြန်ပေါ်လာမလားလို့ လုပ်မိလုပ်ရာလုပ်ကြည့်နေမိတာပါဗျာ” တဲ့ သူ့မှာလည်း…ရင်တခြမ်းကဟာလာဟင်းလင်းပွင့်နေတယ်။
သစ္ဆေရိပ်တွေ… သစ္ဆေရိပ်တွေ…
ကျနော့နေ့ရက်တွေထဲအုပ်စုဖွဲ့ရှင်သန်နေပြီလား။
ချစ်သူတို့ရေ……..
အမြင့်ဆုံးနေရာတခုပေါ်ပြန်တက်ပြီး ကျနော်အသံရှည်ကိုခပ်ပြင်းပြင်းဆွဲတင်လိုက်တယ်။
အုပ်စုဖွဲ့ပြန်သန်းနေတဲ့ငှက်တွေဆီကမီးစိမ်းတချက်တွေ့လိုက်တယ်။
ကိုယ့်နှလုံးသားကိုသာယုံကြမယ်ဆိုရင်
မကြာခင်..ပွင့်တော့မဲ့မနက်ခင်းအတွက်….
ကျနော်ခေါင်းမာမာနဲ့ဆက်ပြီးလမ်းလျှောက်ဖြစ်နေအုံးမယ် ဆိုတာသေချာတယ်။
အောင်မိုးဝင်း
နောက်ဆက်တွဲ
၈၈၈၈ အရေးတော်ပုံကို နိုင်ငံရေးစာတမ်းလိုသုံးသပ်ရေးဖို့ကြိုးစားကြည့်တယ်။ ရေးထားတာတွေကိုကိုယ့်ဘာသာကိုယ်ဖတ်ကြည့်ပြီး၊ နောက်တော့…ဘယ်သူမှမပို့ချင်ဘူးဖြစ်သွားပြန်တယ်။ ခံစားမှုနဲ့သာရေးကြကြေးဆိုရင် ကြိုးပြတ်သွားတဲ့ဂီတတခု ကလွဲပြီးဘာမှဖြစ်လာမှာမဟုတ်ဘူးဆိုတာသိနေတယ်။ ဒါပေမဲ့အနှစ် (၂၀) အတွင်း..အရေးတော်ပုံမှာဘဝတခုလုံးပေးခဲ့ရသူတချို့က
စည်းပြင်ဘက်ထုတ်ခံထားရပြီး၊ လူလိမ်တွေကထိပ်ရောက်လို့ရောက်။ ဒေါ်လာ (၂၀၀) ရတဲ့အမတ်နဲ့ (၅၀၀) ရတဲ့အမတ်တွေရဲ့
ပဋိပက္ခကလည်းတမောင့်… မျောက်ပွဲကြည့်နေရသလိုပဲ။ မငြိမ်ဘူး။ပြင်ပမှာပြဿနာတွေကအများသား။
ထောင်ကျခဲ့တဲ့သူတွေချင်းလည်းအသိအမှတ်ပြုနွေးနွေးထွေးထွေးမရှိကြဘူး။
သမဂ္ဂမှာလုပ်ခဲ့တဲ့သူတွေချင်းလည်းအမွေရထားတဲ့သူတွေလိုလိုသမိုင်းတွေကိုပြောချင်သလိုပြောနေကြတော့ရယ်စရာကြီးဖြစ်နေတယ်။ နောက်..စိတ်ပျက်ဖို့ကောင်းတယ်။
သုံးသပ်ဝေဖန်တာတွေကို လက်ခံရင်အကောင်းဖက်ကိုပေါင်းစည်းသွားရင်ကောင်းတော့ကောင်းတာပေါ့။
အဆိုးဖက်ကိုသာရောက်သွားပြီးတယောက်နဲ့တယောက်ပိုမိုဝေးသွားကြမဲ့အဖြစ်တွေဆိုရင် ကျနော်တို့ပဲခံစားရမယ်။ အမှန်တော့ပြဿနာတွေနဲ့ဝေးဝေးနေချင်တာကြာပြီ။
ဒီခံစားမှုကဘုန်းကြီးတွေကိုနိုင်ငံတကာမြင်ကွင်းရှေ့မှာပြောင်ပြောင်တင်းတင်းသတ်ပြတာကိုမြင်လိုက်ပြီးကတည်းကပြင်းပြင်းထန်ထန်
ဖြစ်နေတယ်။ “ငါတို့တလျောက်လုံးဒီလိုပဲအသတ်ခံနေရတော့မှာလား” လို့တွေးနေမိတယ်။ ရှစ်လေးလုံးအရေးတော်ပုံကို တကယ်သစ္စာရှိတယ်ဆိုရင်တယောက်နဲ့တယောက်ဖေးဖေးမမရှိဖို့လိုတယ်။ သူများနိုင်ငံမှာနေထိုင်တယ်ဆိုတာအနည်းဆုံး မာဖီးယားဂိုဏ်းကကောင်တွေလောက်တော့ညီညွတ်ဖို့လိုတာပေါ့။
နိုင်ငံခြားသားတွေကြားမှာတယောက်တည်း ဂျိန်းစဘွန်းမင်းသားတွေလိုအဆင်ပြေပြေနေချင်နေတဲ့ကောင်တွေကိုစိတ်မဝင်စားဘူး။ ကျောင်းသားထုနဲ့ဒီမိုကရေစီအင်အားစုကိုဘယ်လိုစုစည်းမှာလဲ။ မျိုးဆက်သစ်တွေကိုဘယ်လိုလမ်းပြပေးမှာလဲ။
အနှစ်(၂၀) မှာဘာတွေလိုအပ်နေတယ် ဆိုတာလူတိုင်းသိနေတာပဲ။ ထူးပြောဖို့မလိုတော့ပါဘူး။
အတ္တလေးတွေလျော့လိုက်ကြရင် အလုပ်ဖြစ်မယ်ထင်တာပဲ။
3 comments:
ကိုအောင်မိုးဝင်းရေ...
ဘာမှ မရှိသူတွေရဲ့ အတ္တကို လျှော့ ဖို့ ဆိုတာမှာတော့ သူတို့မှာ စိတ်ဓါတ်ကလွဲလို့ ဘာမှ ရှိတော့မယ် မထင်..
အင်း... နေရာ ရှိနေသူတွေရဲ့ အတ္တကျတော့လဲ လျှော့ဖို့က မလွယ်ဘူးထင်ပါရဲ့..
တကယ်က ကိုယ်နေရာ တခုရောက်နေတယ်ဆိုရင် အဲဒီနေရာ ပျောက်သွားမှာ စိုးတဲ့ အတ္တက အကြီးဆုံး... အဲဒီ အတ္တတွေ လျှော့နိုင်ပြီး တိုင်းပြည်အတွက် တကယ်လုပ်ချင်တဲ့ လူတွေကိုသာ ရခဲ့ရင် .....
တော်လှန်ရေးကြီးအောင်ခဲ့တာ ကြာလှပေါ့..
ကျေးဇူးပါပဲမခင်မင်းဇော်.. အမှန်ပေါ့ဗျာ။ နေရာပျောက်မှာစိုးတဲ့သူတွေကအဆိုးဆုံးအတ္တတွေနဲ့
လာသမျှလူကိုခြံကာထားတဲ့အခါတော်လှန်ရေးကသွားပြီ
ပေါ့
Post a Comment