အသက်(၈၀) ကျော်မှာ ရောက်နေတဲ့သခင်တင်မြတယောက်မိန်းမထပ်ယူလိုက်တုံးက “တိုးတိုးဖော်အဖြစ်ယူရတာပါ” လို့မလုံမလဲဖြေရှင်းသွားရှာသေးတယ်။
တချို့က အသက်ကြီးမှမိန်းမယူတဲ့ ရာဆာအာရာဖတ် နဲ့နှိုင်းပြီးဟာသလုပ်ခဲ့ကြတယ်။ ကျနော်ကအဲ့ဒီတုံးကမှတ်ချက်တခုပဲချခဲ့တယ်။
“ရာဆာအာရာဖတ်က တသက်လုံးတော်လှန်ရေးနဲ့လက်ထပ်ထားတဲ့သူ၊ သခင်တင်မြဆိုတဲ့ပုဂ္ဂိုလ်က တသက်လုံးဘယ်လိုဖောက်ပြန်ပြီး
အခွင့်အရေးယူရမလဲလို့စဉ်းစားနေတဲ့သူ၊ ကောင်းကင်ဘုံကကြယ်စင်နဲ့ သင်္ချိုင်းကုန်းက ပုတ်အဲ့နံ့စော်နေတဲ့အလောင်းကောင်တကောင်..” ဘာမှမဆိုင်။
အောက်တိုဘာလထဲက အပတ်စဉ်စာစောင်နှစ်ခု က Voice Journal မှာသခင်တင်မြရဲ့“ဟောပြောပွဲနှင့်လွတ်မြောက်မှု” အင်တာဗျူးကိုဖတ်ရင်းကနေစဉ်းစားနေမိတယ်။
သခင်တင်မြဆိုတဲ့လူကဖောက်ပြန်ချင်တာတောင် ကိုယ်ရည်သွေးတီးလုံးလေးတွေထည့်၊
စစ်တပ်ဟာတိုင်းပြည်တည်ငြိမ်ဖို့အတွက်ပြည်သူကို နှိပ်ကွပ်သတ်ဖြတ်ရမယ်ဆိုတဲ့အခါတော်ပေးဘိတ်သိတ်လေးတွေကိုဆို၊ သွေးလေခြောက်ခြားနေတဲ့သမိုင်းအမှားတွေကို စောက်ထိုးဆွဲပြီးရေးဖို့ကြိုးစားတယ်။
သခင်တင်မြရဲ့နောက်ဆုံးထွက်သက်မှာ အရှက်နည်းလွန်းတဲ့သက်ပြင်းတချို့ကိုဖတ်ကြည့်ရအောင်။
သခင်တင်မြ ကဆိုတယ်။
“မြန့်မာဆိုရှယ်လစ်လမ်းစဉ်ပါတီခေတ်ကိုပြောင်းဖို့မြန်မာ့ဆိုရှယ်လစ်လမ်းစဉ်ပါတီခေါင်းဆောင်တွေက
ပဲရှစ်လေးလုံးအရေးတော်ပုံမှာခေါင်းဆောင်ခဲ့ကြသည်မဟုတ်ပါလော” တဲ့
သခင်တင်မြ ကသူ့ ရဲ့အရှက်နည်းတဲ့ကိုယ်ရည်သွေးတီးလုံးကိုစတင်တီးလိုက်တယ်။
သူကမြန်မာ့ဆိုရှယ်လစ်လမ်းစဉ်ပါတီဟောင်းတယောက်မို့ ရှစ်လေးလုံးအရေးတော်ပုံကိုသူတို့ဦးဆောင်ခဲ့တာပါလို့
ပြောချင်ရှာပုံရတယ်။ သတ္တိရှိမယ်ဆိုရင်..သခင်တင်မြကိုစိန်ခေါ်ကြည့်ချင်ပါတယ်။ မတ်လကျောင်းသားလှုပ်ရှားမှု၊ ဂျွန်လကျောင်းသားလှုပ်ရှားမှု နဲ့တနိုင်ငံလုံးအုံကြွကြတဲ့ သြဂတ်စ်လလှုပ်ရှားမှုတွေကိုဦးဆောင်ခဲ့တဲ့ကျောင်းသားတွေရှေ့မှာ မြန်မာ့ဆိုရှယ်လစ်လမ်းစဉ်ပါတီကခေါင်းဆောင်တွေရှိခဲ့ပါရဲ့လား။
မြေအောက်လှုပ်ရှားမှုတွေမှာ မြန်မာ့ဆိုရှယ်လစ်လမ်းစဉ်ပါတီခေါင်းဆောင်တွေက မွေးထုတ်ပေးလိုက်တဲ့ ဆဲလ်ခေါင်းဆောင်တွေဘယ်နှစ်ယောက်ရှိခဲ့ပါသလဲ။
ရှိခဲ့တယ်ဆိုရင် သခင်တင်မြ မိတ်ဆက်ပေးစမ်းပါ။သတင်းပေးလား။
မြေအောက်လှုပ်ရှားမှုခေါင်းဆောင်လားကွဲကွဲပြားပြားသိချင်လို့ပါ။
ဟုတ်ပြီ။ ကျောင်းသားလှုပ်ရှားမှုတွေမှာခေါင်းမဆောင်နိုင်ခဲ့ဘူးဆိုရင်နိုင်ငံရေးပါတီတွေ၊အလုပ်သမားသမဂ္ဂတွေကိုဦးဆောင်ခဲ့တဲ့ လူတွေမှာမဆလခေါင်းဆောင်ဟောင်းတွေဖြစ်ခဲ့တယ်ဆိုရင်ဘယ်သူတွေဘယ်လိုရုန်းကန်နေကြတယ်။
ဘယ်မြို့က...အကျဉ်းထောင်ထဲမှာရောက်နေကြတယ်။
ဒီမိုကရေစီရေးလှုပ်ရှားမှုကိုဘယ်လောက်သစ္စာရှိရှိဆက်လက်လုပ်ကိုင်နေကြတယ်ဆိုတာပြောပြစေချင်ပါတယ်။
ဒေါ်အောင်ဆန်းစုကြည်ကိုယ်တိုင်ကသခင်တင်မြကိုယုံယုံကြည်ကြည်နေရာပေးဆက်ဆံခဲ့ပါရဲ့လား။
သခင်တင်မြတယောက်တနေရာမှာနေရာမရရင်၊တနေရာကိုပြောင်းကူးဖို့လုပ်ခဲ့တာအဆန်းမဟုတ်ပါ။
၁၉၈၈-၁၉၈၉ကာလမှာတိုက်ပွဲကိုခေါင်းဆောင်ခဲ့တဲ့အမာခံလူတွေတော်တော်များများ၊အကျဉ်းထောင်(သို့မဟုတ်)
နယ်စပ်မျဉ်းတွေပေါ်မှာ(သို့မဟုတ်)အင်မတန်ခက်ခဲကြမ်းတမ်းတဲ့ဘဝတွေကိုရုန်းကန်နေကြရပါတယ်။
သခင်တင်မြလို.. ကမြင်းကြောထနေဖို့အချိန်မရှိကြပါခင်ဗျား။
(၂) သခင်တင်မြ က ဘယ်နေရာကအခွင့်အရေးရနိုင်တယ်ဆိုတာကိုသူ့နည်းသူ့ဟန်နဲ့တွက်ချက်ကြည့်တယ်။
“ဒီကနေ့တပ်မတော်အစိုးရကိုအပြစ်မြင်နေကြတယ်……ကောင်းတာလုပ်လည်းအဆိုးလို့မြင်ရင်လမ်းမှန်မရောက်နိုင်ဘူး။..
တပ်မတော်သားတွေဟာအမျိုးချစ်သူတွေဖြစ်တယ်။တိုင်းတပါးကျူးကျော်မှုကိုအသေခံပြီးတိုက်မဲ့သူတွေဖြစ်တယ်။……
အမျိုးသားစည်းလုံးညီညွတ်ရေးလိုတယ်။ဒီလိုတိုင်းပြည်နဲ့လူမျိုးအကျိုးကိုအလိုလားဆုံးအမြှော်အမြင်ကြီးတဲ့သူက
တိုင်းပြည်နဲ့လူမျိုးကိုခေါင်းဆောင်သွားမှာပဲ။ဒီအတွက်မရှုဆိတ်တဲ့သူဟာသမိုင်းလမ်းကြောင်းထဲကဘေးရောက်ပြီးကျန်ရစ်ခဲ့မှာပဲ….”
ကျွန်စော်နံလှချည်လား သခင်တင်မြရယ်…
လူသတ်နေတဲ့သူတွေကိုတခွန်းမှအပြစ်မတင်ပဲအသတ်ခံရလို့ငိုကြွေးနေတဲ့မိသားစုတွေကိုမျက်ရည်ကျရကောင်းလားလို့ ကြိမ်းမောင်းနေရှာတဲ့သခင်တင်မြရဲ့သတ္တိကတော့ဂျပန်အလိုတော်ရိကတောင်လက်ဖျားခါလောက်ရဲ့။ အမျိုးသားပြန်လည်သင့်မြတ်ရေးကိုမနာလိုမရှုစိတ်ဖြစ်နေသူတွေကဘယ်သူလဲ။ အမြှော်အမြင်ရှိတဲ့အင်အားစုတွေကတိုင်းပြည်အနာဂတ်ကိုတွေးပြီးအမျိုးသားပြန်လည်ရေးတည်ဆောက်ဖို့
တိုက်တွန်းတဲ့သူတွေအားလုံးကိုထောင်သွင်းအကျဉ်းချခဲ့တာ၊ပြည်သူကိုအညှိုးတကြီးတိုက်ခိုက်ဖို့ကြိုးစားနေတာ
ဘယ်သူတွေလည်းဆိုတာ လူတိုင်းသိနေကြရဲ့နဲ့
“မနာလိုမရှုစိမ့်ဖြစ်နေတဲ့သူဟာသမိုင်းလမ်းကြောင်းဘေးရောက်ပြီးကျန်ရစ်ခဲ့မယ်”လို့ပြောချင်တယ်ဆိုရင်..နေပြည်တော်မှာသွားအော်ပြောပေးပါလား။သခင်တင်မြအဲ့သလောက်ထိသတ္တိရှိမှာမဟုတ်တော့မခိုင်းတော့ပါဘူး။
မြန့်မာ့အလင်းမှာဒီမိုကရေစီရေးလှုပ်ရှားသူတွေကိုတိုက်ခိုက်နေတဲ့ အလံနီတင်ရွှေလိုလူမျိုးနဲ့ သခင်တင်မြပေါင်းပြီးစာရေးနေတော့ စစ်အစိုးရက သဘောကျကောင်းမယ်ထင်ရဲ့။
နေပါအုံး..စကားမစပ်လို့မေးပါရစေ။
ဗမာပြည်ကိုဘယ်ကနယ်ချဲ့ကလာကျူးကျော်တိုက်ခိုက်မှာမို့လို့သခင်တင်မြက
“တပ်မတော်ဟာအမျိုးချစ်သူဖြစ်တယ်။တိုင်းတပါးကျူးကျော်မှုကို အသေခံတိုက်မဲ့သူဖြစ်တယ်”လို့
ကယောင်ကတမ်းရေရွတ်နေရတာလဲ။တိုင်းပြည်ကိုရောင်းစားတာနေတာကဘယ်သူလဲ၊ရောင်းစားနေတဲ့သူ( စစ်အစိုးရ) နဲ့အရောင်းစားခံနေရတဲ့နိုင်ငံကြားမှာသခင်တင်မြက ပွဲစားလုပ်ချင်လို့ ဒီစကားတွေပြောနေတာလား။ တိုင်းပြည်နဲ့လူမျိုးအကျိုးကိုအလိုလားဆုံး၊အမျှော်အမြင်ကြီးတဲ့လူကစတင်သွားရမယ်ဆိုတော့
့ဘယ်သူဖြစ်မယ်ထင်လည်း။ စစ်အုပ်စု နဲ့သခင်တင်မြတော့ဟုတ်ဟန်မတူဘူး။
သခင်တင်မြကအမျိုးသားသားပြန်လည်သင့်မြတ်ရေးအသံကိုတဘက်ကလွှင့်တယ်။
ဒါပေမဲ့ သူရဲ့တကဲ့စေတနာအမှန်ကိုတော့ ဟော့သလိုပြောရှာတယ်။
“ဈေးကွက်စီးပွားရေးကိုဖွင့်ပေး။လူထုအုံကြွမလာအောင်ကျပ်ကျပ်မတ်မတ်ချုပ်ကိုင်ထား...”
သခင်တင်မြကတရုတ်ပြည်က တိန့်ရှောင်ဖိန်ကို ရည်ညွှန်းပြီး လူသတ်ခိုင်းကြည့်တယ်။ “စီးပွားရေးဖွင့်၊ နိုင်ငံရေးကိုထိန်းချုပ်ထား” အယူအဆကိုပြောင်ပြောင်တင်းတင်းတင်ရှာတယ်။
တရုတ်ပြည်မှာအထူးစီးပွားရေးဇုံက လူတွေသာချမ်းသာနေပြီး၊တခြားဒေသမှာဆင်းရဲနေတာတွေ၊ လယ်သမားတွေငတ်နေလို့ဆန္ဒပြပွဲတွေ၊ သူပုန်ထမှုတွေဖြစ်နေတာကို သခင်တင်မြဖတ်ဘူးဟန်မတူဘူး။ ပီနိုချေးကာလချီလီ နိုင်ငံရဲ့လုပ်နည်းလုပ်ဟန်တွေ၊ ဖီလစ်ပိုင်က အာဏာရှင်မာကိုးစ် ရဲ့ ရက်ရက်စက်စက်အုပ်ချုပ်မှုတွေ ဟာ အစိုးရလူတန်းစားတရပ်သာချမ်းသာပြီးပြည်သူတွေဆင်းရဲငတ်ပြတ်ခဲ့တာကို သခင်တင်မြ ဂရုစိုက်မိဟန်မတူဘူး။
အတိတ်တုံးကဖတ်ဖူးတဲ့စာဟောင်းပေဟောင်းဟိုတစဒီတစတွေနဲ့ဆရာကြီးဝင်လုပ်ဖို့ကြိုးစားကြည့်တယ်။ သနားစရာကောင်းလေစွ ။
သခင်တင်မြ ကိုအချောင်သမားလို့ထင်နေရာကနေ.. နောက်ထပ်တဆင့်ထပ်တွေ့လိုက်ရတယ်။
သခင်တင်မြကပြည်သူတွေကိုသတ်ဖို့အစိုးရကိုတိုက်တွန်းနေတာပါလား။
သခင်တင်မြကသူ့ရဲ့“ဘုံဘဝမှာဖြင့်” စာအုပ်အဖွင့်မှာတုံးကသပိတ်မှောက်ကျောင်းသားတယောက်ရဲ့ကြွေးကြော်သံနဲ့ဖွင့်လှစ်ခဲ့တယ်။
အခုသေခါနီးတော့လူသတ်ကုန်းမြေကဇာတ်ဝင်ခန်းတွေနဲ့မိတ်ဆက်ပြီးသွေးမြေကျတဲ့ပွဲတွေကိုမြိန်ရည်ရှက်ရည်ကြည့်သွားချင်ပုံရတယ်။ တချို့လူတွေကသူတို့ရဲ့နောက်ဆုံးရက်တွေမှာ သံဝေဂရကြတယ်။ သခင်တင်မြရဲ့ချဉ်ခြင်းတပ်မှု့တွေကတော့ကြောက်ဖို့ကောင်းလေရဲ့။
(၃) ထောင်ထဲမှာတုံးကရယ်မောစရာ ငြင်းခုန်ပွဲလေးတခုဆီအကြောင်းကိုမိတ်ဆွေတယောက်က ဒီလိုပြောပြဘူးတယ်။
“ကောင်လေးတယောက်လေဗျာ..အဲ့ဒီကောင်လေးကသမိုင်းမှာသူ့အဖေရဲ့မှားခဲ့၊ညစ်ပတ်ခဲ့တဲ့အကြောင်းအရာတွေကိုဖျောက်ဖျက်ပြီး သူ့အဖေကဘယ်လိုတော်ကြောင်း၊တိုင်းပြည်အတွက်ဘယ်လိုအနစ်နာခံပြီးလွတ်လပ်ရေးလုပ်ခဲ့ကြောင်းပြောချင်ရှာတယ်။
ပြဿနာကသူနဲ့ငြင်းခုန်နေတဲ့သူတွေကမြေအောက်လှုပ်ရှားမှုကိုခေါင်းဆောင်လာတဲ့သူတွေ၊
သမိုင်းဖြစ်စဉ်တခုလုံးကိုအလွတ်ရနေတဲ့သူတွေ၊ကောင်လေးကပြိုင်ပြီးမငြင်းနိုင်ရှာတော့ ကွယ်ရာမှာသူ့ဘက်ကဝင်ငြင်းပေးမဲ့သူကိုရှာတယ်။
“ငါ့ကိုကူငြင်းပေးစမ်းပါ။မင်းဒီကောင်တွေကိုအနိုင်ငြင်းနိုင်ရင်ငါ့အမနဲ့ပေးစားမယ်”လို့ မြူဆွယ်ကြည့်တယ်။
(သူ့ညီမကလည်းခပ်ရှုပ်ရှုပ်ဆိုတော့လူငယ်တွေစိတ်ဝင်စားမလားလို့ပြောကြည့်တာလည်းဖြစ်နိုင်တယ်) အဲ့ဒီကောင်လေးရဲ့ကျပ်မပြည့်မှုကိုအခုထက်ထိလူတွေပြောနေကြဆဲပဲ။
သခင်တင်မြကသမိုင်းဆိုင်ရာအချက်အလက်တွေကိုဆရာကြီးလုပ်ပြောနေတိုင်းအဲ့ဒီကောင်လေးကိုသွားသတိရမိတယ်။
အရည်အချင်းမရှိတဲ့သူတွေဟာကိုယ်ကိုယ်တိုင်ကခေတ်ပြိုင်နိုင်ငံရေးသမားတွေကိုမယှဉ်ရဲတော့၊
နာမည်ကြီးခေါင်းဆောင်တွေကို ရွတ်ဆိုပြီးပြီးမှတခြားလူတွေကိုတိုက်ခိုက်လေ့ရှိတယ်။မရိုးသားမှုတခုလို့ပဲမြင်ပါတယ်။
ဒါကိုကြည့်ခြင်းအားဖြင့်ကိုယ့်မှာအရည်အချင်းမရှိဘူးဆိုတာကိုသွယ်ဝိုက်ပြောနေသလိုမျိုးဖြစ်နေတယ်။
သခင်တင်မြကဗိုလ်ချုပ်အောင်ဆန်းနာမည်ကိုအသုံးချပြီးကျန်တဲ့အဖွဲ့အစည်းတွေ၊ လူတွေကိုတိုက်ခိုက်ဖို့ကြိုးစားကြည့်တယ်။ ဗိုလ်ချုပ်အောင်ဆန်းကလွဲပြီးကျန်တဲ့သူတွေက လွတ်လပ်ရေးဘယ်လိုယူရမယ်ဆိုတာမမြင်ကြဘူးလို့ဆိုတယ်။
သခင်တင်မြက“မြင်းခြံစစ်တန်း”အပါအဝင်ထောင်ထဲမှာရောက်နေတဲ့ သခင်ခေါင်းဆောင်တွေ၊ လွတ်လပ်ရေးကြိုးပမ်းခဲ့သူတွေရဲ့ဆွေးနွေးမှုတွေ၊သဘောထားတွေကိုဖျောက်ဖျက်ဖို့ကြိုးစားတာ၊
သမိုင်းတွေကို ထင်သလိုလျှောက်ပြောနေတာက တော့လူကြီးမဆန်လှဘူးထင်တယ်။
ကျန်တဲ့သူတွေပြောခွင့်မရကြဘူး။ အကျဉ်းထောင်တွေထဲမှာ၊နယ်စပ်မျဉ်းတွေမှာ၊ ဝရမ်းပြေးဘဝတွေမှာ…
မြန်မာ့အလင်းမှာစစ်အစိုးရကိုဖားပြီးရေးနေတဲ့အလံနီတင်ရွှေ နဲ့သခင်တင်မြ တို့လောက်ပဲပြောခွင့်ရကြတာပါ။
ဒါပေမဲ့ သခင်တင်မြရဲ့ကိုယ်ရည်သွေးတီးလုံးတဝက်နဲ့နေရာယူဖို့ချောင်းနေတဲ့ ခွေးချောင်းချောင်းနေတဲ့မျက်လုံးတွေကိုနောက်မျိုးဆက်တွေက ယုံမယ်ထင်လို့လား။နောက်မျိုးဆက်တွေကိုလျှော့တွက်ရင်တော့ သခင်တင်မြကိုယ့်သေတွင်းကိုယ်တူးတာကလွဲလို့ဘာမှဖြစ်မယ်မထင်ပါ။
ကျနော်တို့မျိုးဆက်တွေကတော့သခင်တင်မြတယောက်တသက်လုံးဖောက်လည်းဖောက်ပြန်လျှောက်လုပ်၊
လူထုအုံကြွမှုတွေကိုနှိပ်ကွပ်ဖို့ စစ်အစိုးရကိုအားပေးအားမြှောက်ပြုလုပ်နေတာကိုအထူးအဆန်းလို့မမြင်ပါဘူး။
ဗုဒ္ဓလက်ထက်မှာလည်းတရားတော်နဲ့ချွတ်လို့မရတဲ့ပုဂ္ဂိုလ်တွေရှိခဲ့ဘူးတာပဲမို့လား။
သခင်တင်မြတယောက်အတ္တအမိုက်မှောင်တွေထဲမှာဘယ်လောက်ထိသံသရာရှည်နေအုံးမည်မသိ။
စာတွေအများကြီးပြန်ရေးဖို့စိတ်ကူးမရှိပါ။
ဖြစ်နိုင်ရင်.. သခင်တင်မြ ရဲ့သွေးဆာနေတဲ့ ဖောက်ပြန်မှုတွေကိုကိုယ့်နဖူးပေါ်မှာတံတွေးစွတ်တင်ပြီး ကိုယ့်ဘာသာမေးကြည့်စေချင်ပါတယ်။
“သခင်တင်မြ ရဲ့အသဲနှလုံး ဘယ်လိုညစ်မဲ ပုတ်ဟောင်စုတ်ပြတ်နေခဲ့ပါသလဲ” လို့
အောင်မိုးဝင်း
1 comments:
Post a Comment