M.I.A (သို့မဟုတ်) မာယာ

ရက်ပ်အဆိုတော်“မာယာအရူလ်ပရာဂမ်ဆမ်”ကိုM.I.Aလို့လူသိများကြတယ်။
သူမကကိုယ်ဝန်လွယ်နေရပေမဲ့ဂရမ်မီဆုပေးပွဲမှာတခြားရက်ပါအဆိုတော်တွေနဲ့အတူတွဲဖြေဖြော်ခဲ့တယ်။
M.I.Aဟာတမီကျားခွဲထွက်ရေးသမားတွေဘက်ကနေထောက်ခံကာကွယ်နေသူဖြစ်တယ်လို့စွပ်စွဲကြတယ်။

သူမကအကြမ်းဖက်မှုတွေကိုနထောက်ခံပါဘူးလို့ပြောဆိုခဲ့ပေမဲ့တမီကျားတွေအကြောင်းကိုနိုင်ငံတကာမှာထုတ်ဖေါ်ပြော
နေရတာကိုကျေနပ်ဝမ်းမြောက်ခဲ့ပါတယ်တဲ့။M.I.A ရဲ့ပြကွက်တွေထဲမှာကလေးတွေကျားရုပ်ထုရှေ့မှာဆော့ကစားနေတာတွေ
ကိုတွေ့မြင်ရမယ်။ကျန်တဲ့ပြကွက်တွေမှာလည်းတမီတိုက်ဂါးတွေကိုထောက်ခံစာနာနားလည်တဲ့သတင်းစကား၊သရုပ်ဖေါ်ပုံတွေကို
တင်ဆက်လေ့ရှိတယ်။

တကယ်တော့သူမကိုအင်္ဂလန်မှာမွေးခဲ့ပေမဲ့၊သူမ(၆)လသားအရွယ်မှာသီရိလင်္ကာနိုင်ငံကိုသူမအဖေကပြန်လည်ခေါ်ဆောင်သွားခဲ့တယ်။
သူမအဖေကတမီးလ်တိုက်ဂါးခွဲထွက်ရေးသမားတွေရဲ့ဗိသုကာ၊တမီးလ်ပြည်သူတွေလွတ်မြောက်ရေးအတွက်တိုက်ပွဲဝင်နေသူ။

ဆိုတော့....တမီးလ်ကျားတွေရဲ့ခေါင်းဆောင်သမီးက ရက်ပ်အဆိုတော်ဖြစ်လာတယ်။
နိုင်ငံတကာကိုဂီတနဲ့ထောက်ခံထိုးဖောက်လာတော့တယ်။

M.I.A တဲ့။ ရက်ပ်တေးဂီတကိုခံစားချင်သူတွေတချက်လောက်ကြည့်လိုက်ပါအုံး။


The rest of the post

[ READ MORE... ]

နာဂစ်အလွန် ခံစားမှုများ

နယ်စပ်ဒုက္ခသည်စခန်း က ကလေးတွေ
ဆာလောင်ငတ်ပြတ်လို့မှအားမရသေးခင်
ငါ့နိုင်ငံ ရဲ့မြို့တော်တွေလည်း ဒုက္ခသည်စခန်းတွေဖြစ်ခဲ့ပေါ့
ငယ်ငယ်က အိပ်ယာဝင်ပုံပြင်တွေ.. သူရဲကောင်းတွေက ကမ္ဘာကြီးကိုကယ်တင်ပြီး
အဆုံးသတ်သွားတဲ့ငြိမ်းချမ်းမှုတွေထဲကျနော်အိပ်ပျော်ခဲ့ရ။
ခုတော့---
အနိဌာရုံတွေကိုကြည့်ပြီး---ကျနော်မျက်စိမှိတ်ဖို့ကြိုးစားခဲ့ရ
မချိမဆန့်အော်ဟစ်သံတွေနဲ့ ကျနော်လန့်နိုးနေခဲ့ရ။
မနက်လင်းရင် သတင်းတွေကိုနားမထောင်ရဲဘူး
တခါတခါ အင်တာနက်ကိုမဖွင့်ချင်ဘူး
အရွယ်ရောက်တဲ့အခါ-- လူစိတ်မရှိတဲ့ကောင်တွေ နဲ့အချိန်ပြည့်စစ်ခင်းနေရမယ်ဆိုတာ
ကျနော်ဘယ်မှာတွေးမိခဲ့လို့လဲ။
နွေဦး ရဲ့တံခါးတွေကိုတွန်းဖွင့်ကြည့်မိတယ်။
စိမ်းစိုတဲ့ရှုမျှော်ခင်းတွေထဲမှာလဲ- လူသေတွေမျောပါနေကြ---
ကျနော့်မိတ်ဆွေတွေလည်း ဖြစ်နိုင်ချေရှိသလိုလို..လေပူတွေထဲ မျောပါနေကြ--
အော်-- ကျနော့်ကိုယ်ကျနော်--
စနက်တံကိုစနစ်တကျဖြုတ်ပြီး…ပေါက်ကွဲမဲ့
ဗုံးတလုံးသာဖြစ်လိုက်ချင်တော့တယ်။




ရဝမ်ဒါမှာ လွန်ခဲ့တဲ့ (၁၄) နှစ်တုံးက ဖြစ်ခဲ့တဲ့လူမျိုးစုသုတ်သင်ရှင်းလင်းရေးပူဆွေးအောက်မေ့ဘွယ်အခမ်းအနားကို
မနေ့ကတွတ်ဆီ နဲ့ဟူတူခေါင်းဆောင်တွေပေါင်းပြီးကျင်းပနေတုံး-ဗမာပြည်ဆိုင်ကလုံးအတွက်ဆွေးနွေးပွဲအပြီး
ကုလသမဂ္ဂအတွင်းရေးမှူးချုပ်ဘန်ကီးမွန်းက “ ဗမာအစိုးရရဲ့ပျော့ပြောင်းလာတဲ့သဘောထားဟာ
အပြောင်းအလဲတခုကိုဦးတည်လာနိုင်တယ်” လို့ဆိုလိုက်တယ်။ ပြည်တွင်းမှာ ဒုက္ခသည်တွေကိုကူညီတဲ့လူတွေကိုစစ်အစိုးရကနှောက်ရှက်ဖမ်းဆီးနေတယ်။ လူတွေဒုက္ခတွေကြားမှာသေမင်းကိုခပ်ဖြည်းဖြည်းစောင့်နေကြတယ်။ ကျနော်ကဘာရယ်မဟုတ်ဘူး။ ရဝမ်ဒါလူမျိုးစုသုတ်သင်ရှင်းလင်းပွဲလုပ်ခါနီး ကုလသမဂ္ဂငြိမ်းချမ်းရေးတပ်ဖွဲ့တချို့ နဲ့အစိုးရမဟုတ်တဲ့အဖွဲ့အစည်းတွေ၊ အမေရိကန်ပြည်ထောင်စုကိုအကူအညီတောင်းခဲ့တဲ့ကစ္စတခုကိုသွားသတိရမိတယ်။ စစ်ရေးအရဝင်ရောက်ဖို့မဟုတ်ပါဘူး။ ဟူတူစစ်သွေးကြွတွေက လေဒီယိုအသံလွှင့်စက်တွေကနေ တနိုင်ငံလုံးမှာရှိတွဲ့တ်ဆီတွေကိုသတ်ဖို့အမိန့်ပေးဖုိ့ကြိုးစားတာကို
ကာကွယ်တဲ့အနေနဲ့ကြားဖြတ်စက်တွေကတဆင့်၊ ရေဒါတွေကတဆင့်အဲ့ဒီအသံလှိုင်းကိုဖျက်ပစ်ဖို့အကူအညီတောင်းခဲ့ကြတယ်။ ရဝမ်ဒါကဆင်းရဲတဲ့နိုင်ငံဆိုတော့ ရေဒီယိုကနေတဆင့်လူထုကိုဆက်သွယ်နေရတဲ့နည်းပါ။ အသံလှိုင်းတွေကိုဖျက်ချပစ်ဖို့ဆိုတဲ့အင်မတန်ရိုးစင်းလွယ်ကူတဲ့အရာတခုကိုစီအိုင်အေ အပါအဝင်
ဘယ်အဖွဲ့အစည်းကမှမလုပ်ခဲ့ပါဘူး။ နောက်တော့--- ကျနော်တို့ဝမ်းနည်းရပါတယ်တဲ့။ ကလင်တန် နဲ့ ကိုဖီအာနန် က ရဝမ်ဒါကိုသွားပြီးကြေကွဲပြကြတယ်။ နောက်တော့ သမိုင်းတွေက ပညာတတ်တွေအတွက် အရသာခံသင်ယူရမဲ့ ဘာသာရပ်တခုလိုဖြစ်လာတယ်။ ခုရက်တွေ-စိတ်ထဲမှာ တော်တော်လေးအနှောက်အရှက်
ဖြစ်နေတဲ့အရာတွေရှိတယ်။ မိတ်ဆွေတွေကိုမေးစရာတချို့ရှိနေပါသေးတယ်။


ဆောင်းပါးအပြည့် အစုံကို အထက်မှာ ရှိတဲ့ “အဆင့် (၄) ဆင့်ပေါ်ကအတွေးအခေါ်များ နှင့် ကျနော်တို့ရဲ့ပြဿနာများ”
ဆောင်းပါးကိုဖတ်ပါ။

[ READ MORE... ]

သားသတ်သမား (သို့) လူရွှင်တော် သန်းရွှေ

ဗိုလ်ချုပ်သန်းရွှေ တို့စစ်အုပ်စုက “ ချောကရက်တွေမလို၊ ကျနော်တို့နိုင်ငံမှာ ဗီတာမင်ပြည့်တဲ့ငါးတွေရှိတယ်။ ဖားရိုက်စားလို့ရတယ်။
ကစွန်းရွက်ခူးစားလို့ရတယ်။”.... စတဲ့တောင်ပြောမြောက်ပြောစကားတွေပြောနေတော့ “လူသတ်သမား (သို့) လူရွှင်တော်” လို့နာမည်
ကြီးခဲ့တဲ့ ၁၉၇၁-၇၉ ကာလက ယူဂန်တာ က အာဏာရှင် “အိုင်ဒီအေမင်” ကိုသွားသတိရမိတယ်။
အိုင်ဒီအေမင် ဆိုတဲ့ကောင်က ထင်ရာမြင်ရာလျှောက်လုပ်၊လျှောက်ပြောနေတော့ သူပညာမတတ်တဲ့အရာတွေက
တခုပြီးတခုဖေါ်ပြနေသလိုဖြစ်နေတယ်။

ယူဂန်တာအာဏာရှင်“အေမင်”လက်ထက်မှာ လူ(၅) သိန်းနီးပါးသတ်ဖြတ်ခံခဲ့ရတယ်။ အာရှသားတွေဖြစ်တဲ့ အိန္ဒိယန်း၊ ပါကစ္စတန်
(ဟင်ဒူ၊မွတ်စလင်) တွေ ခြောက်သောင်းနီးပါးတိုင်းပြည်က နှင်ထုတ်ခံရတယ်။ သူတို့က ယူဂန်တာမှာ စီးပွားရေးလုပ်ငန်းတွေပိုင်ဆိုင်
နေတော့ အာဏာရှင်အေမင် က သူ့လူမျိုးတွေအတွက်ထိခိုက်တယ်။ ဒါကြောင့် အာရှသားတွေကိုနှင်ထုတ်ဖို့ဘုရားသခင်က
သူ့ကိုအမိန့်ပေးတယ်ဆိုပြီး၊ လုပ်ချင်ရာလျှောက်လုပ်ခဲ့တယ်။ သူကမဟုတ်တယုတ်လုပ်ထားတော့ အမြဲတမ်းစိုးရိမ်၊
မယုံသင်္ကာစိတ်တွေကိန်းအောင်းနေတယ်။ လူတွေက သူ့ကိုလုပ်ကြံသတ်ဖြတ်ဖို့ကြံနေတယ် လို့သူက
ထင်နေတယ်။ ပညာမတတ်တော့ တရက်မှာ ဝမ်းချုပ်ပြီး နေထိုင်မကောင်းတဲ့ကိစ္စကိုသူ့ကိုတစုံတယောက်ကအဆိပ်ခပ်ထားတယ်
လို့ ဆရာဝန်ကိုထိပ်ထိပ်ပြာပြာပြောရှာတယ်။ ရီလည်းရီစရာကောင်းသလို၊ သောက်မြင်ကပ်ဖို့လည်းကောင်းတယ်။
နောက်ဆုံး အိမ်နီးချင်းနိုင်ငံဖြစ်တဲ့ တန်ဆန်းနီးယား နိုင်ငံနဲ့စစ်ဖြစ်၊ စစ်ရှုံးလို့ လစ်ဗျားကတဆင့် ဆော်ဒီအာရေဗီးယားကိုထွက်ပြေးရတယ်။ သူ့အဖြစ်အပျက်ဇာတ်လမ်းလေးကို “ စကော့တလန် ရဲ့နောက်ဆုံးဘုရင်” ( The Last King of Scotland ဆိုပြီးရုပ်ရှင်ကားလေးအဖြစ်ဖန်တီးထားတယ်။ ဖောရက်စ် ကအာဏာရှင် အိုင်ဒီအေမင်အဖြစ်သရုပ်ဆောင်ခဲ့ပြီး
၂၀၀၆ အကောင်းဆုံးသရုပ်ဆောင်ဆုအဖြစ် အကယ်ဒမီဆု အပါအဝင် Golden Globe ဆုတွေရခဲ့တယ်။
မကြည့်ရသေးရင်ကြည့်စေချင်တယ်။
ပေါကြောင်ကြောင်နိုင်မှုတွေကိုကြည့်ပြီးဗမာပြည်ကသန်းရွှေ တို့အုပ်စုကိုအမှတ်ရစေပါလိမ့်မယ်။

[ READ MORE... ]

ကျွန်တော်တို့အသံတွေက ငြိမ်သက်နေမှာမဟုတ်ဘူး
ကျနော်တို့ က ခင်ဗျားတို့အတွက်တော့ အမြဲတန်းပျံဝဲနေမဲ့လိပ်ပြာဆိုးတွေပါ။
နှင်းဆီဖြူတွေက ခင်ဗျားတို့ကို ငြိမ်းချမ်းတဲ့ကမ္ဘာမှာ ထားခဲ့မှာမဟုတ်ဘူး

မြူးနစ်ရဲ့နှင်းဆီဖြူများ ( ဖိုင်ကိုမျှော် ပါ)

[ READ MORE... ]

အော်စကာရိုမီယို

အို-ဘုရားသခင်-
လွတ်မြောက်မှုတွေအတွက် ကျနော်တို့ကို အသင်ဖန်ဆင်းခဲ့တယ်၊
ဂုဏ်သိက္ခာပြောင်မြောက်စွာနေထိုင်ဖို့အတွက်လည်းကျနော်တို့ကိုအသင်ဖန်ဆင်းခဲ့တယ်၊
အို--ဘုရားသခင်---
အမှန်တရားအတွက် တိုက်ပွဲဝင်ဖို့အတွက်လည်းအားအင်တွေ အားလုံးကို ကျနော်တို့အား
အသင်ပေးခဲ့တယ်မဟုတ်လော--
ဘုန်းတော်ကြီးအော်စကာရိုမီယို

-----------------------------------------------------------------------------------------------------------------------------
“ ပြန်လည်ရှင်သန်ထမြောက်တဲ့ နေ့ ” (The Easter Day) ဆိုတဲ့ဝေါဟာရ ကို ဘာရယ်မှန်းမသိခင်ကတည်းက ကြိုက်ခဲ့တယ်။Good Friday မှာ ခရစ်တော်ကို ကားစင်တင်သတ်ခဲ့ပေမဲ့ (၃) ရက်မြောက်သော နေ့မှာ လောက ကိုပြန်လည်ထွန်းညှိဖို့အတွက် ခရစ်တော်ရှင်သန်ထမြောက်ခဲ့တယ်၊
ရွှေဝါရောင်တော်လှန်ရေး (၆) လပြည့်တော့မယ်။
ကျနော်ကတော့ သူရဲကောင်းတွေ၊ ကျနော်တို့မြင်ချင်တဲ့ပုံရိပ်တွေအားလုံးကိုပြန်လည်ရှင်သန်ထမြောက်စေချင်နေခဲ့တယ်။
-------------------------------------------------------------------------------------------------------------------------------

အို-ဘုရားသခင်-
လွတ်မြောက်မှုတွေအတွက် ကျနော်တို့ကို အသင်ဖန်ဆင်းခဲ့တယ်၊
ဂုဏ်သိက္ခာပြောင်မြောက်စွာနေထိုင်ဖို့အတွက်လည်းကျနော်တို့ကိုအသင်ဖန်ဆင်းခဲ့တယ်၊
အို--ဘုရားသခင်---
အမှန်တရားအတွက် တိုက်ပွဲဝင်ဖို့အတွက်လည်းအားအင်တွေ အားလုံးကို ကျနော်တို့အား
အသင်ပေးခဲ့တယ်မဟုတ်လော--
ဘုန်းတော်ကြီးအော်စကာရိုမီယို



နှစ်ဆယ်ရာစုကစပြီး လွတ်မြောက်မှုဘာသာရေးပညာကျောင်းတွေ၊(Liberation Theology) လက်တင်အမေရိကမှာ ခေတ်စားခဲ့ဘူးတယ်။ ခရစ်ယာန်ဘာသာရေးအယူအဆနဲ့ ဆိုရှစ်လစ်အတွေးခေါ်ကိုပေါင်းစပ်ထားတဲ့ လှုပ်ရှားမှုတခု။ သူတို့က ခရစ်တော်ဟာလူသားတွေကို
ကယ်တင်ယုံသာမကဘူး။ ဖိနှိပ်သူကိုဆန့်ကျင်ပြီးလူသားကိုလွတ်မြောက်အောင်လုပ်ပေးတဲ့သူဖြစ်တယ်လို့အဓိပ္ပါယ်ဖွင့်ဆိုကြတယ်၊
ဒါပေမဲ့ ဗာတီကန်က ပုပ်ရဟန်းမင်း(၂) နဲ့ ပုပ်ရဟန်းမင်း(၁၆) တို့ဟာ ဒီအတွေးအခေါ်တွေကြီးးထွားလာမှာကိုစိုးရိမ်ကြောက်လန့်ပြီး
ပြင်းပြင်းထန်ထန်ဆန့်ကျင်သူတွေအဖြစ်ထင်ရှားတယ်၊အာဏာရှင်တွေ က လွတ်မြောက်ချင်သူတွေရဲ့အသံတွေကိုသိတ်ကြောက်ခဲ့တယ်၊
ယုတ်မာပက်စက်မှုပေါင်းများစွာကိုကျူးလွန်ခဲ့ကြတယ်၊ စစ်ကြောရေးစခန်းမှာ ဘုန်းတော်ကြီးတွေ၊သီလရှင်တွေ၊ တရားဟောဆရာတွေ နှိပ်စက်ညှင်းပမ်းခံခဲ့ရသလို၊ အုပ်စိုးသူအစိုးရနဲ့အလိုမတူတဲ့ခရစ်ယာန်ဘုရားရှိခိုးကျောင်းတွေ ဗုံးခွဲတိုက်ခိုက်ြခင်းခံခဲ့ကြရတယ်၊
စစ်အေးတိုက်ပွဲ ရဲ့ဒုတိယရှေ့တန်းစစ်မျက်နှာတွေကိုကြည့်လိုက်ရင် တတိယကမ္ဘာတွေဖြစ်တဲ့လက်တင်အမေရိကနိုင်ငံတွေဟာ
ပြည်တွင်းစစ်တွေထဲမှာ နစ်မြုပ်နေခဲ့ရတယ်၊
”လူတန်းစားမညီမျှမှုတွေ၊ မတရားမှုတွေရှိနေသရွေ့ လူမှုဖူလုံရေးအတွက်တိုက်ပွဲတွေ ရှိနေမယ်”လို့ဆိုတယ်၊ ဗင်နီဇွဲလား၊ အီကွေဒေါ၊ ကျူးဘား၊ နီကာရာဂွါ စတဲ့ လက်တင်အမေရိကနိုင်ငံတွေဆီက ပြဿနာတွေ၊တိုက်ပွဲတွေဟာ လူတန်းစားမညီမျှမှု၊ နိုင်ငံကြီးတွေရဲ့ စီးပွားရေးအရ
ဝင်ရောက်စွက်ဖက်မှုတွေကြောင့်ဖြစ်တယ်။
------------------------------------------------------------------------------------------------------------------------------------
လွန်ခဲ့တဲ့ ၁၉၈၀ မတ်လ(၂၄) ရက်နေ့- လက်တင်အမေရိကအလယ်ပိုင်းက အယ်စယ်ဗားဒိုး (El Salvado)ဆိုတဲ့နိုင်ငံတခုမှာ ဘုန်းတော်ကြီး အော်စကာရိုမီယို လုပ်ကြံသတ်ဖြတ်ခံခဲ့ရတယ်။ သူရဲ့ဈာပနပွဲကို လူပေါင်း နှစ်သိန်းခွဲကျော်တက်ခဲ့ပြီး အစိုးရဆန့်ကျင်ရေးလှုပ်ရှားမှု့တခု
အဖြစ်လုပ်ခဲ့ကြတယ်၊ အယ်ဆယ်ဗာဒိုနိုင်ငံအတွက်သမိုင်းစဉ်တလျောက်အကြီးမားဆုံးလူထုလှုပ်ရှားမှုတရပ်လို့ဆိုကြတယ်၊ ရိုမီယိုလုပ်ကြံခံရမှုကြောင့်နိုင်ငံတကာ ရဲ့အမျက်ဒေါသဟာအယ်စယ်ဗားဒိုးနိုင်ငံကို ပြုပြင်ပြောင်းလဲရေးလုပ်ဖို့တွန်းအားပေး
ခဲ့ကြတယ်၊ အမေရိကန်ပြည်ထောင်စု ဝါရှင်တန်ဒီစီ နဲ့ အင်္ဂလန်နိုင်ငံ၊ ဝက်မင်စတာမြို့ ရဲ့ဘာသာရေးဘုရားကျောင်းပြတိုက်မှာ ရုရှားက မယ်တော် အယ်လီစဘက်၊ မာတင်လူသာကင်းတို့နဲ့အတူ၊ အော်စကာရိုမီယို ကို နှစ်ဆယ်ရာစုရဲ့သူရဲကောင်းများအဖြစ် ရုပ်ထုတွေထုဆစ်ပြီးဂုဏ်ပြုခဲ့ကြတယ်၊
----------------------------------------------------------------------------------------------------------------------------------

အော်စကာ ရိုမီယို

အီစသာ အငွေ့အသက်တွေကိုရှင်သန်ထမြောက်ခွင့်မပေးချင်သူတွေရဲ့အကြံအစည်တွေ-တဲ့လေ၊
လူမိုက်ဂိုဏ်းတွေနှင့် ကမ္ဘာမှာဒုတိယအန္တရာယ်အများဆုံးမြို့လို့လူသိများသည့် စံစယ်လ်ဗာဒို မြို့လေးဆီသို့လက်တင်အမေရိက၏ ငလျင်တွေ
ကတခါတခါမြို့တခုလုံးကိုဖျက်ဆီးတတ်သည်။ သူများတကာတွေ အောက်တိုဘာတော်လှန်ရေးဆင်နွဲနေပြီးလူ့အဖွဲ့အစည်းတခုကို
စတည်ဆောက်ဖို့စိတ်ကူးခဲ့သည့် ၁၉၁၇ မှာ အယ်ဆယလ်ဗားဒို နိုင်ငံကတော့ မီးတောင်ပေါက်ကွဲမှုတွေ၊ ချော်ရည်စီးကြောင်းတွေရဲ့
အန္တရာယ်တွေကလွတ်မြောက်ဖို့အတွက်မြို့တော် တွေကိုတနေရာပြီးတနေရာပြောင်းခဲ့ရသည်၊ကာဗွန်ဒိုင်အောက်ဆိုဒ် ဓါတ်များဖြင့်လေထု
ညစ်ညမ်းမှုတွေက ချိုင့်ဝှမ်းတွေဆီကတဆင့်မြိ့တခုလုံးကိုလျွှမ်းခြုံထားတတ်သည်၊ လူသတ်မှုတွေကလည်း ၂၀၀၆ ဖေဖေါ်ဝါရီလ နှင့် ဂျန်နဝါရီလတခုထဲမှာပင် ၅၅၆ ကြိမ်ရှိခဲ့သတဲ့။ ဟွန်ဒူယပ်စ်၊ ဂွါတီမာလာ လူမိုက်ဂိုဏ်းတွေနှင့်အပြိုင် ဒုစရိုက်သမားတွေက ခြောက်သွေ့ပူပြင်းမှုနှင့် မိုးရွာသွန်းမှု နှစ်မျိုးသာရှိသည့်ရာသီမှာအတင့်ရဲစွာ ကျက်စားလေ့ရှိသည်။ လူတန်းစားကွာဟမှုတွေက နိုင်ငံ၏ပြဿနာတွေကိုပိုမိုတောက်လောင်
စေခဲ့သည်။ ရောင်စုံသစ်ပင်တန်းညို့ညို့များ။ ဇိမ်ခံရေကူးခံများနှင့် ကြယ်ငါးပွင့်ဟော်တယ်များဆီမှာ လူကုံတန်တွေ ညဦးယံပါတီတွေထဲရယ်မောနေချိန်၊ သာမန်ပြည်သူတွေက လမ်းဘေးက စားကြွင်းစားကျန်တွေကိုလိုက်ရှာစားနေရသလို။ မိုးတွေသဲသဲမဲမဲရွာနေသည့်ညတွေမှာ
အိပ်စရာနေရာကိုလိုက်ရှာနေရသည့် အိမ်ခြေမဲ့တွေရဲ့ငရဲလိုကမ္ဘာက အယ်စယ်ဗားဒိုနိုင်ငံ၏ပြကွက်တွေဖြစ်နေသည်။
လူတန်းစားကွာဟမှုတွေကြီးနေသော အလယ်ပိုင်းလက်တင်အမေရိကရဲ့မြို့တွေမှာ အုပ်စိုးသူလူတန်းစားရဲ့ချစားမှုတွေ၊ အာဂတိလိုက်စားမှုတွေက ပြည်သူတွေ၏အကျပ်အတည်း၊ငတ်ပြတ်မှုတွေကို ယောင်လို့ပင်စိတ်မဝင်စား၊ူမှုဘဝတွေကိုထောက်ကူပေးမည့်ဆိုရှယ်လစ်အတွေးအခေါ်တွေနှင့်
နိုင်ငံရေးသမားတွေက လက်တင်အမေရိကကို ရုန်းထဖို့ကြိုးစားကြည့်ကြသည်။ သို့သော်-စစ်အေးတိုက်ပွဲကာလမှာ ဘက်ရွေးရမည့် ကစားပွဲတွေ
ကအညှာအတာကင်းမဲ့စွာ အကြောင်းဖန်လာပြီ။ ဆိုရှယ်လစ်အတွေးအခေါ်ရှိသူတွေကို လုပ်ကြံသတ်ဖြတ်ပစ်လိုက်သည့်သတိပေးသံတွေ၊ နိုင်ငံရပ်ခြားအင်အားကြီး နိုင်ငံတွေ ရဲ့စွက်ဖက်မှုတွေက လက်တင်အမေရိက ကိုပိုပြီးဖရိုဖရဲ ဖြစ်နေခဲ့သည်၊ လူထု ကရွေးချယ်တင်မြောက်သည့် လူထုကိုယ်စားလှယ်အစစ်တွေ၊ရွေးကောက်ပွဲတွေကို မသမာမှုပေါင်းစုံနှင့် အစိုးရကဦးစီးပြီးချေမှုန်းဖို့ကြိုးစားခဲ့သည်၊
၁၉၇၀ လွန်ကာလတွေ၏ဇာတ်လမ်းအဖွင့်ကသွေးစည်းကြောင်းတွေပေါ်မှာ ကခုန်နေပြီ၊

ဘောလုံးစစ်ပွဲ

၁၉၆၉ မှာ ဟွန်ဒူယပ်စ် နဲ့စယ်လ်ဗာဒို နှစ်နိုင်ငံအကြား ဖီဘာဘောလုံးခြေစစ်ပွဲပြိုင်ပွဲ ပေါ်မှာမူတည်ပြီးစစ်ဖြစ်ခဲ့ကြတယ်။ နာရီ (၁၀၀) စစ်ပွဲ လို့လူသိများတယ်၊ မြောက်အမေရိကတိုက် ခြေစစ်ပွဲဘောလုံးပြိုင်ပွဲမှာ-ပထမပွဲကို ဟွန်ဒူယပ်စ်နိုင်ငံမြို့တော်မှာကျင်းပပြီးဟွန်ဒူယပ်စ်ကနိုင်တယ်၊
ဒုတိယပွဲကို အယ်ဆယ်လ်ဗာဒို မှာကျင်းပတော့ စယ်လ်ဗာဒို က နိုင်တယ်။ ဟွန်ဒူယပ်စ် က လူတွေမကျေမနပ်ဖြစ်ပြီး ကားမီးရှို့၊မုဒိမ်းကျင့်၊
လူသတ်မှုတွေကျူးလွန်ရာကနေ (၆) ရက်ကြာစစ်ပွဲဖြစ်ခဲ့တယ်၊ တကယ်တော့ ဘောလုံးပွဲ က စစ်ပွဲကိုစဖြစ်စေတဲ့အကြောင်းရင်းတော့မဟုတ်ဘူး။ ဟွန်ဒူးယပ်စ် ကို ပြောင်းရွေ့နေထိုင်အလုပ်လုပ်ကြတဲ့ စယ်လ်ဗာဒိုးပြည်သူ (၃) သိန်းခွဲလောက်ရှိတယ်။ အဲ့ဒီအရေအတွက်ဟာ ဟွန်ဒူးယပ်စ် လယ်သမားအရေအတွက်စုစုပေါင်း ရဲ့ (၂၀) ရာခိုင်နှုန်း ရှိတယ်။ ဒါပေမဲ့ပြဿနာက ဟွန်ဒူးယပ်စ်မှာ ရှိတဲ့လယ်သမား နဲ့စိုက်ပျိုးရေးအဖွဲ့အစည်းတွေက စယ်လ်ဗာဒိုးဆန့်ကျင်ရေးစိတ်ဓါတ်ရှိပြီး လယ်မြေဥပဒေ ပြုပြင်ပြောင်းလဲရေးလုပ်ဖို့အတွက်ဖိအားပေးကြတယ်။
၁၉၆၉ မှာ လယ်သမားအဖွဲ့အစည်းတွေ က လယ်မြေဥပဒေသစ်ကို အောင်မြင်စွာပြဒါန်းနိုင်ခဲ့တယ်။ အယ်စယ်လ်ဗာဒို နိုင်ငံသားတွေ ဟွန်ဒူးယပ်စ် ကနေစွန့်ခွာဖို့အကြာင်းတွေက လယ်မြေဥပဒေ တွေကအဓိကဖြစ်သလို၊ ဟွန်ဒူးယပ်စ်သားတွေရဲ့တိုက်ခိုက်ခြင်းခံခဲ့ရတာတွေလည်းပါတယ်။ အယ်စယ်လ်ဗားဒို နိုင်ငံဟာသူနိုင်ငံသားတွေကို တိုက်ခိုက်တဲ့လုပ်ရပ်အပေါ်အမျက်ဒေါသထွက်ခဲ့ကြတယ်၊ ဒီလိုဒေါသထွက်နေတဲ့ မီးတောင်မြုံတွေက ဘောလုံးပွဲမှာ အဓိကရုဏ်းဖြစ်တော့ ပေါက်ကွဲခဲ့တော့တယ်၊ ဘာပဲဖြစ်ဖြစ် (၆) ရက်ကြာစစ်ပွဲက အယ်စယ်လ်ဗားဒိုး နိုင်ငံတခုလုံးကို ကစင့်ကလျား
ဖြစ်သွားပြီး စီးပွားရေးအကျပ်အတည်းကိုဆိုက်ရောက်လာခဲ့တယ်၊

စစ်အာဏာသိမ်း အစိုးရ နှင့် ပြည်တွင်းစစ်ပွဲ

အတောမသတ်စစ်အာဏာသိမ်းပွဲတွေ နဲ့ အတိုက်အခံတွေကို ရက်ရက်စက်စက်သတ်ဖြတ်မှုတွေက နိုင်ငံမှာဖြစ်ရိုးဖြစ်စဉ်တခုလိုဖြစ်နေတယ်၊
၁၉၄၄ ကာလထိ အတိုက်အခံနိုင်ငံရေးသမားတွေ သုံးသောင်းကျော်အသတ်ခံရတယ်၊ လယ်သမားသူပုန်ထမှုတွေ၊ စစ်တပ်ကချေမှုန်းမှုတွေ၊ လူမှုပြောင်းလဲရေးတိုက်ပွဲတွေက စစ်အေးကာလတိုက်ပွဲကာလတွေဲ ထိသယ်ဆောင်လာခဲ့တယ်။ ဘောလုံးစစ်ပွဲ ရဲ့အကျိုးဆက်အဖြစ် စီးပွားရေးချွတ်ခြုံကျပြီး၊ ပြည်သူတွေကစဥ့်ကလျားဖြစ်နေတာကိုစစ်အစိုးရ က ဥပေက္ခာပြုထားခဲ့တဲ့အတွက် အတိုက်အခံနိုင်ငံရေးသမားတွေ၊လယ်သမားတွေက အစိုးရကိုတော်လှန်ပုန်ကန်ဖို့အတွက် မဟာမိတ်တပ်ပေါင်းစုတွေဖွဲ့ခဲ့ကြတယ်။
ဒါပေမဲ့ စစ်အစိုးရကလည်း ပြင်းထန်တဲ့ဖိနှိပ်မှုတွေနဲ့ အင်အားသုံးဖြေရှင်းတယ်။ အတုအယောင်ရွေးကောက်ပွဲတွေကို ကျင်းပပြီးလူထုကို ဗြောင်လိမ်တယ်။ ဒါကြောင့်လူထုကလည်း ဆန္ဒပြပွဲတွေနဲ့တုန့်ပြန်တယ်။ ၁၉၇၇ လူထုဆန္ဒပြပွဲကို စစ်အစိုးရက လူ (၇၀၀၀) သတ်ဖြတ်ပစ်ခဲ့တဲ့
အင်အားသုံးနှိပ်ကွပ်မှုတွေရှိခဲ့တယ်။ နိုင်ငံရေးမငြိမ်သက်မှုတွေက ရပ်တန့်မသွားဘူး၊ ဒါကြောင့် ၁၉၇၉ မှာစစ်တပ်ကအာဏာထပ်သိမ်းတယ်။
အာဏာသိမ်းအစိုးရကို အမေရိကန်ပြည်ထောင်စု က ငွေအား၊လက်နက်အင်အားထောက်ပံ့ပေးခဲ့တယ်။ စစ်အေးတိုက်ပွဲကာလမှာ အမေရိကန်ပြည်ထောင်စု အဓိကကြောက်တာကွန်မြူနစ်တွေကိုထိန်းချုပ်ထားနိုင်ဖို့တခုပဲဖြစ်တယ်။
ဆိုတော့-- အာဏာသိမ်းစစ်အစိုးရရဲ့ လူ့အခွင့်အရေးချိုးဖောက်မှုတွေကို မသိကျိုးကျွံပြုခဲ့တယ်။
ဖရန်ဘန်ဒိုမာတီ အမျိုးသားလွတ်မြောက်ရေးတပ်ဦး ( Farabundo Marti National Liberation Front) ကို ကွန်မြူနစ်ပါတီက ဦးဆောင်တယ်
( အခုထိ-သူတို့ဟာ နိုင်ငံထဲမှာ အဓိက ပါတီ နှစ်ခုထဲကတခုဖြစ်တယ်)။ ၁၉၈၀ နဲ့ ၁၉၉၂ ကာလမှာ အာဏာသိမ်းစစ်အစိုးရနဲ့
အမျိုးသားလွတ်မြာက်ရေးတပ်ဦးကြားနွဲခဲ့တဲ့စစ်တွေကြောင့် လူ ရှစ်သောင်းနည်းပါးသေကြေခဲ့တယ်။ လူ (၈၀၀၀) ကျော်ပျောက်ဆုံးခဲ့တယ်။ လူတသန်းကျော်အိုးမဲ့အိမ်မဲ့ဖြစ်ခဲ့ရသလို နောက်ထပ်လူတသန်းကျော် ပြည်ပကိုထွက်ပြေးခဲ့ရတယ်။ ခရစ်ယာန်ဘုန်းတော်ကြီး အော်စကာရိုမီယို က နိုင်ငံရေးမငြိမ်သက်မှုတွေ၊ ဆင်းရဲငတ်ပြတ်မှုတွေကို သတိမထားခဲ့မိဘူး၊ သူကလူတိုင်းကို ဆင်းရဲဒုက္ခအပေါင်းက လွတ်ဖို့အတွက်
တရားဓမ္မတွေကိုသာလေ့လာလိုက်စားနေခဲ့တယ်။

ကွန်ဆာဗေးတစ် တရားဟောဆရာ (သို့မဟုတ်) ငယ်ဘဝရဲ့စိတ်ကူး

အသက် နှစ်ဆယ်ခြောက်နှစ်အရွယ် အော်စကာရိုမီယို ရဲ့နေ့ရက်တွေမှာ တရားဟောဆရာအဖြစ်ခံအပ်ခြင်းခံခဲ့ရပြီးနောက်
ရောမမြို့မှာ ခရစ်ယာန်တရားတော်တွေကိုစံနစ်တကျလေ့လာတဲ့ပါရဂူဘွဲ့ကိုယူမယ်ဆိုသည့်ရည်ရွယ်ချက်တခုထက်မပိုခဲ့ပါ။ သူက ၁၉၄၃ မှာ ပါရဂူဘွဲ့ကိုမပြီးဆုံးသေးခင်အီတလီနိုင်ငံက မူဆိုလိုနီ ဖက်ဆစ်အစိုးရရဲ့ဆင့်ခေါ်ခြင်းကိုခံခဲ့ရသည်၊ အီတလီကနေသူ့နိုင်ငံကိုအပြန်လမ်းခရီးမှာ ကျူးဘားနိုင်ငံ ကိုဝင်ပြီးခေတ္တနားခိုစဉ် ကျူးဘားရဲတွေကဖက်ဆစ်နိုင်ငံတခုဆီကပြန်လာသော သူတွေဆိုပြီးသင်္ကာမကင်းဖြစ်ကာ
ဖမ်းဆီးလိုက်သည်။ အကျဉ်းထောင်ထဲမှာ ပုဒ်မတတ်ခြင်းမရှိ။တရားစွဲဆိုခြင်းမရှိပဲ၊လအတော်ကြာနေထိုင်ခဲ့ရပြီး သူနှင့်အတူလုပ်ဖေါ်ကိုင်ဘက်
တယောက်ကျမ်းမာရေးအခြေအနေဆိုးဝါးလာသဖြင့်ဆေးရုံတင် ကုသဖို့အကြောင်းကဖန်လာသည်။
ဆေးရုံပေါ်မှာတက်ကုသပြီးမကြာခင်သူတို့ရဲ့နိုင်ငံကိုပြန်သွားနိုင်ကြောင်းကျူးဘားအစိုးရကအကြောင်းကြားလာသည်၊ ဒီလိုနှင့်အိမ်ပြန်ရောက်ခဲ့ရသည်။ ထိုအဖြစ်အပျက်တွေက သူ့ဘဝကိုထူးထူးခြားခြားဘာမှမဖြစ်ခဲ့။ သူကလူတိုင်းကိုခွင့်လွတ်စိတ်၊ ချစ်ခြင်းမေတ္တာ--စသောအရာတွေနှင့်ချဉ်းကပ်လေ့ရှိသည်။
သို့သော်--သူချစ်မြတ်နိုးသောနိုင်ငံ အယ်စယ်လ်ဗာဒို ဆီမှာ သူသင်ကြားယူခဲ့သော ဘာသာရေးအယူအဆတွေ၊ ကိုယ်ကျင့်သိက္ခာတွေကို တန်ဘိုးထားမဲ့သူတွေနှင့် စော်ကားမဲ့သူတွေကတပြိုင်တည်းစောင့်ကြိုနေသည်
ဆိုတာကို သူကြိုတင်စဉ်းစားမထားခဲ့။

၁၉၇၇ ဖေဖေါ်ဝါရီ (၂၃) မှာ အယ်လ်စယ်လ်ဗားဒိုး နိုင်ငံရဲ့မြို့တော် စံအယ်လ်ဗားဒိုးမြို့ ရဲ့အမြင့်ဆုံးအာဏာပိုင်
ဘုန်းတော်ကြီးအဖြစ်ခံအပ်ခြင်းခံရတယ်။ မြို့တော်ကိုသွားတဲ့လမ်းကြောင်းမှာပထမဆုံးအတွေ့အကြုံအဖြစ်၊ အစိုးရတပ်တွေက မဲပေးဖိုရလာတဲ့ ကားတွေကိုတားဆီး ဖျက်ဆီး၊ သေနတ် နဲ့ပစ်ခြိမ်းခြောက်ခဲ့ကြတယ်။ လူတွေက မြို့တော်ဆီကို လမ်းလျောက်ပြီးမဲသွားပေးဖို့ဆုံးဖြတ်ကြတယ်။ ရိုမီယို ကိုယ်တိုင် မြို့တော်ဘုရားရှစ်ခိုးကျောင်းဆီက ရာထူးသစ်ကိုလက်ခံဖို့အတွက်ဆင်းပြီးလမ်းလျောက်ခဲ့ရတယ်။ တခြားတဘက်မှာတော့-နိုင်ငံရဲ့အစိုးရ က ရိုမီယို လို
ရိုးရာကွန်ဆာဗေးတစ်အယူအဆရှိ တဲ့ဘုန်းတော်ကြီးတပါးကိုခန့်လိုက်ခြင်းအားဖြင့် အစိုးရဟာ ခရစ်ယာန်ဘုရားကျောင်း ရဲ့ထောက်ခံကူညီမှု နဲ့ အရာအားလုံးကိုတရားဝင်ဥပဒေပြဒါန်းပိုင်ခွင့်ရရှိမှာဖြစ်တယ်။ ဒါကိုသိနေတဲ့ စံစယ်လ်ဗန်ဒို က ဘုန်းတော်ကြီးတွေ က ရိုမီယို ကို မယုံသင်္ကာစိတ်၊ ထိတ်လန့်ကြောက်ရွံ့စိတ်၊ လက်ခံနိုင်မှုမရှိတဲ့စိတ်တွေ နဲ့တုန့်ပြန်
ကြိုဆိုခဲ့ကြတယ်။ တကယ်တော့ ဘုန်းတော်ကြီးတွေက လက်ဝဲသူပုန်တွေနဲ့နီးစပ်နေသူတွေဖြစ်နေတော့ ရိုမီယို လိုအစိုးရက အသုံးချမဲ့ကွန်ဆာဗေးတစ်တရားဟောဆရာကို လက်မခံချင်ကြတာဘာမှတော့မဆန်းဘူး။

လင်းနို့တကောင်၏ ဇောက်ထိုးစွဲအိပ်မက်များ

မြို့တော်ကိုခြေချမိချိန် ပထမဦးဆုံးမိန့်ခွန်းမှာ “ ကျနော်တို့ဟာ ရိုးရာယုံကြည်မှုတွေအပေါ်အခြေခံပြီး ဘုရားသခင်ဟောကြားခဲ့တဲ့လမ်းကြောင်းအတိုင်သွားကြမယ်၊ ဒါပေမဲ့ အမှန်တရားကိုဆုပ်ကိုင်ထားရမယ်” လို့ ရိုမိယိုကမိန့်ကြားခဲ့တယ်။ ဒါပေမဲ့ သူ က ဆန္ဒပြပွဲတွေကို အစိုးရ ကရက်ရက်စက်စက်သတ်ဖြတ်ချေမှုန်းလိုက်တဲ့ညမှာ အစိုးရထိပ်ပိုင်းစစ်ဗိုလ်ချုပ်တွေကျင်းပတဲ့ညစာစားပွဲဆီရောက်နေတယ်။ သိတ်မကြာဘူး၊ သူနဲ့တလျောက်လုံးလုပ်ဖေါ်ကိုင်ဘက်တရားဟောဆရာ ရိူတီလီယို ဂရမ်ဒီ ရောက်လာပြီး မြို့တော်ဆီကအစုလိုက်အပြုံလိုက်
သတ်ဖြတ်မှုတွေအကြောင်းလာအကြောင်းကြားတယ်။ တရားဟောဆရာ က သူဒီမြို့မှာဆက်မနေနိုင်တော့ ကြောင်း လာနုတ်ဆက်ပြောရှာတယ်။
ရိုမီယို က သူ့သူငယ်ချင်းတရားဟောဆရာဘယ်ကိုသွားမယ်ဆိုတာမေးခဲ့ပြီး၊ မြို့လယ်ကဆန္ဒပြပွဲဖြစ်ပွားရာကိုသွားခဲ့တယ်။ သွေးကွက်တွေ၊ လူသေကြားမှာ ငိုနေတဲ့ကလေးတွေကြားသူလျောက်သွားခဲ့ပြီး၊ အားပေးနှစ်သိမ့် ရုံကလွဲပြီး နိုင်ငံရေးပြဿနာတွေကို ဘာမှလေးလေးနက်နက်
မစဉ်းစားခဲ့။ ဒါပေမဲ့ နောက်တနေ့မနက်အိပ်ယာထတော့ သူ့သူငယ်ချင်းတရားဟောဆရာ ရူတီလီယို ဂရမ်ဒီ (Rutilio Grande)သွားမဲ့လမ်းဆီက
နေသတင်းစကားသယ်ဆောင်လာခဲ့တယ်။ “ဂရမ်ဒီ လုပ်ကြံသတ်ဖြတ်ခံလိုက်ရပြီ” တဲ့
သူငယ်ချင်းတရားဟောဆရာ ဂရမ်ဒီ ရဲ့အလောင်းဘေးမှာ ရပ်ပြီး ရိုမီယိုတယောက် တုန်လှုပ်စွာတွေးနေမိတယ်။
“ငါ့ သူငယ်ချင်းက ငါလိုပဲ လူ့အဖွဲ့အစည်းအတွက်ကောင်းတာတွေလုပ်ခဲ့တယ်။ ခုတော့ ဒီလိုဆိုးဝါးတဲ့ဘဝမျိုးနဲ့အဆုံးသတ်ခဲ့တယ်။
ငါလည်းသိတ်မကြာဘူး သူ့လိုပဲအဆုံးသတ်ရတော့မယ်ထင်ပါရဲ့” လို့ပြောနေမိတယ်။
ဘုရားရှစ်ခိုးကျောင်းကို ပြန်ရောက်ရောက်ချင်း လုပ်ဖေါ်ကိုင်ဘက်ဘုန်းတော်ကြီးတွေကို ရိုမီယို က တိုင်ပင်တယ်။
လူတွေခံစားနေရတဲ့ ဒုက္ခတွေကိုကူညီဖို့အတွက်လူထုရဲ့ခံစားမှုတွေကိုနားထောင်မယ်။ လူထုစည်းဝေးပွဲတွေကိုကျင်းပကြမယ်လို့အဆိုပြုတယ်။ “ဒီလိုလုပ်ရပ်မျိုးခရစ်ယာန်ကျောင်းတွေရဲ့ထုံးတမ်းစဉ်လာအရ တခါမှမလုပ်ခဲ့ဘူးဘူး” လို့ဘုန်းတော်ကြီးတချို့က စိုးရိမ်စွာနဲ့ကန့်ကွက်ကြတယ်။
ရိုမီယို က “ဟုတ်တယ်၊ တရားဟောဆရာတွေ၊ ခရစ်ယာန်ဘုန်းတော်ကြီးတွေကိုသတ်တဲ့ဖြစ်ရပ်တွေကလည်း ဒီနိုင်ငံမှာတခါမှမဖြစ်ခဲ့သေးဘူး” လို့အဖြေပေးလိုက်တယ်။ လူထုရင်ဖွင့်ပွဲတွေကို သွားရောက်နားထောင်ခဲ့တယ်။တဘက်မှာ ပျောက်ကြားသူပုန်တွေကလည်း အစိုးရထိပ်ပိုင်းတွေ
ကိုပြန်ပေးဆွဲပြီးအစိုးရရဲ့ဖိနှိပ်မှုကိုတုန့်ပြန်ကြတယ်။ အာဏာရှင်ဗိုလ်ချုပ် ရဲ့သားကိုပြန်ပေးဆွဲတဲ့အခါမှာတော့ အော်စကာရိုမီယိုနဲ့
ပျောက်ကြားသူပုန်တွေတွေ့ဖို့အကြောင်းကဖန်လာတယ်။ ပျောက်ကြားခေါင်းဆောင် က ရိုမီယို ကို ပြည်သူတွေနေနေရတဲ့ဘဝကို မိုးသဲနေတဲ့ညထဲမှာ ခေါ်ပြတယ်။ အမိုးအကာမဲ့ညတွေမှာ အိုးအိမ်မဲ့လူတွေ အမှိုက်ပုံတွေထဲမှာ စားစရာရှာနေတဲ့မြင်ကွင်းတွေ ရိုမီယို ကို စိတ်ထိခိုက်စေခဲ့တယ်။ သူတို့ရဲ့ “ နိုင်ငံရေးအကျဉ်းသားတွေကို လွတ်ပေးရန်” တောင်းဆိုချက် ကိုအာဏာရှင်ဗိုလ်ချုပ်ဆီကိုသယ်သွားပြီး စေ့စပ်ဆွေးနွေးခိုင်းဖို့ကြိုးစားပေမဲ့ ဗိုလ်ချုပ်တွေက လက်ခံတွေ့ဆုံဖို့ရှောင်ရှားနေခဲ့တယ်။တခါတလေ တနေကုန်၊ ညလုံးပေါက်ထိုင်စောင့်နေပေမဲ့ အာဏာပိုင်တွေကို
သူမတွေ့ခဲ့ရဘူး။ နောက်ဆုံး အတင်းဝင်ပြီး ဗိုလ်ချုပ်တွေထိုင်နေတဲ့စားပွဲကိုသွားပြီးနိုင်ငံရေးအကျဉ်းသမားတွေအကြောင်း၊ အသတ်ခံရတဲ့ တရားဟောဆရာတွေ၊ ဘုန်းကြီးတွေအကြောင်းဆွေးနွေးတယ်။ ဗိုလ်ချုပ်က သူဘာမှမသိကြောင်း၊ နိုင်ငံရေးအကျဉ်းသမားဆိုတာလည်း
တယောက်မှမရှိကြောင်း ငြင်းဆိုလိုက်ပြီး “ ခရစ်ယာန်ဘုရားရှစ်ခိုးကျောင်းတွေအနေနဲ့ အစိုးရရဲ့တိုင်းပြည်ကိုလုပ်ဆောင်နေမှုတွေကို ချီးမြောက်ပေးဖို့တောင်းဆိုတဲ့အခါ၊ ရိုမီယို က “မင်းကလူလိမ်အစိုးရပဲ ၊ အပြစ်မဲ့တဲ့ပြည်သူတွေညတိုင်းညတိုင်းအသတ်ခံရ၊ ပြန်ပေးဆွဲခံနေရတဲ့ တိုင်းပြည်ကို ငါဘယ်လိုချီးမြောက်ပေးရမှာလဲ” လို့ စစ်အစိုးရကိုပြောင်ပြောင်တင်းတင်းအာခံလိုက်တော့တယ်။ ဒါအပြင်-အရင်တုံးက အစိုးရအရာရှိတွေ သီသန့်ခေါ်လုပ်လေ့ရှိတဲ့ ဘာသာရေးနှစ်ခြင်းခံမှုတွေကိုငြင်းဆိုခဲ့တယ်။
( ကျနော်တို့ဘုန်းကြီးတွေအစိုးရကိုသပိတ်မှောက်ကံဆောင်သလိုမျိုးပေါ့ )

နိုင်ငံရေးအန်တုမှုများ

ခရစ်ယာန်ဘုရားရှစ်ခိုးကျောင်းတွေမှာ စစ်တပ်တွေက တပ်စွဲထားပြီ။ ပြန်ပေးဆွဲမှုတွေ၊ မုဒိမ်းကျင့်သတ်ဖြတ်မှုတွေက တိုင်းပြည်မှာနေရာအနှံ့။ ဆင်းရဲသားပြည်သူတွေရဲ့ခံစားမှုတွေကို စာနာနားလည်အားပေးကူညီနေတဲ့တရားဟောဆရာတွေ၊ ဆရာဝန်တွေ၊ဆေးမှုးတွေဟာ အစိုးရအတွက်အန္တရာယ်တခုလိုဖြစ်လာခဲ့တယ်။ မြို့လည်ခေါင်က ဘုရားရှစ်ခိုးကျောင်းတခုကို စစ်တပ်က စစ်တန်းလျားတခု လိုတပ်စွဲပြီး ပြည်သူတွေကို နိုင်လိုမင်းထက်စော်ကားနေတုံး ဘုန်းတော်ကြီး အော်စကာရိုမီယိုရောက်သွားခဲ့တယ်။
ဘုန်းတောကြီး ရိုမီယို က “ဒါဟာဘုရားရှစ်ခိုးကျောင်းဖြစ်တယ်” ဆိုပြီးသေနတ်ပစ်ြခိမ်းခြောက်နေတဲ့ကြားက ဘုရားရဲ့ဌာပနာ တွေကိုရအောင်
ပြန်ကောက်ယူသိမ်းဆီးတယ်။ မကြာခင် ဝတ်စုံအပြည့်ဝတ်ပြီး စစ်တပ်တပ်စွဲထားတဲ့ ဘုရားရှစ်ခိုးကျောင်းမှာ ဘုရားဝတ်ပြုဖို့လုပ်တယ်။ ပြည်သူတွေက သူ့ရဲ့ဝတ်စုံကိုကျကျနနကူပြီးဆင်ပေးကြတယ်။ စစ်အစိုးရအတွက် ရိုမီယိုဟာ အကြီးမားဆုံးအန္တရာယ်တခုဖြစ်လာပြီဆိုတာ ဗိုလ်ချုပ်တွေက သဘောပေါက်နေကြပြီ။ ဒါကြောင့် ဗိုလ်ချုပ်တယောက်ကဘုရားကျောင်းဆီသွားပြီး “ ဘုန်းတော်ကြီးကိုသတ်လိုက်တော့” ဆိုတဲ့ စာရွက်ကို
ပြခြိမ်းခြောက်ခဲ့တယ်။ ဒါပေမဲ့ ရိုမီယို က မမှုတော့ဘူး။ ပြည်သူတွေလွတ်မြောက်ဖို့၊ တရားမျှတမှုရဖို့အတွက်ပဲစိတ်အားထက်သန်နေခဲ့တယ်။
တခြားတဘက်မှာတော့ အစိုးရ က ဘုန်းတော်ကြီး ရိုမီယို နဲ့နီးစပ်တဲ့ ဆရာဝန်တွေ၊ တရားဟောဆရာတွေ၊ ပြည်သူတွေကိုအကြမ်းဖက်သမားတွေဆိုပြီး ဖမ်းဆီးသတ်ဖြတ်ပစ်တယ်။ မိန်းကလေးတွေဆိုရင် မုဒိမ်းကျင့်ပြီးမှ သတ်ဖြတ်၊ ပြီးရင်မြို့လည်ခေါင်က လမ်းဘေးတွေ၊ ပလက်ဖောင်းပေါ်တွေမှာ နေ့ခင်းကြောင်တောင်ပစ်ချထားခဲ့တယ်။ ဘုန်းတော်ကြီးတွေ၊ တရားဟောဆရာတွေ၊ အနိဌာရုံတွေကိုဆက်လက်မခံစားနိုင်တော့ဘူး၊ ကွန်မြုနစ်သူပုန်တွေနဲ့ဆက်သွယ်ကြတယ်။ လက်နက်ကိုင်တော်လှန်ရေးတိုက်ပွဲဝင်ဖို့အတွက် သေနတ်တွေကိုရှာကြံကြတော့တယ်။
ဘုန်းတော်ကြီး ရိုမီယို က အကြမ်းမဖက်လှုပ်ရှားမှုကိုသာ နှလုံးသွင်းထားပြီး အမေရိကန်သမ္မတ ဂျင်မီကာတာ ဆီကိုစာရေးတောင်းဆိုတယ်။ ဖိနှိပ်တဲ့ အယ်လ်စယ်ဗားဒို နိုင်ငံစစ်အစိုးရကို လက်နက်မရောင်းချဖို့၊ စစ်ရေးအကူအညီမပေးဖို့ဆိုတဲ့အကြောင်းအရာတွေအဓိကပါတယ်။ ဒါပေမဲ့ ဂျင်မီကာတာအစိုးရ က နားမထောင်ခဲ့ဘူး။ ရိုမီယို ရဲ့စာကိုပယ်ချခဲ့တယ်။ ကာတာအစိုးရ ရဲ့စစ်အေးတိုက်ပွဲ သေနင်္ဂဗျူဟာ က ကွန်မြုနစ် နဲ့လက်ဝဲပျောက်ကြားတွေကိုရှင်းလင်းပစ်ဖို့ပဲဆိုတော့၊ စယ်လ်ဗာဒိုးနိုင်ငံစစ်အာဏာရှင်တွေရဲ့ လူ့အခွင့်အရေးချိုးဖောက်မှုတွေ၊ နိုင်ငံရေးမုဒိမ်းကျင့်မှုတွေကို အာရုံမစိုက်ခဲ့ဘူး။ မသိချင်ယောင်ဆောင်နေခဲ့တယ်။ မယ်သီလရှင်တွေ၊ ဘုန်းတော်ကြီးတွေကို အကြမ်းဖက်သမားတွေဆိုတဲ့ စွပ်စွဲဖမ်းဆီးမှု၊ နှိပ်စက်မှုတွေကြောင့် စစ်ကြောရေးစခန်းတွေမှာ ပျံလွန်တော်မူကုန်ကြရှာတယ်။ အော်စကာရိုမီယိုကတော့ ဘုရားသခင်ဆီက ခွန်အားတွေကိုသာတောင်းဆိုခဲ့ပြီး၊ မတရားမှုတွေကိုလူထု နဲ့ငြိမ်းချမ်းစွာတိုက်ပွဲဝင်ခဲ့တယ်။

၁၉၈၀ မတ်လ (၂၄) မှာ ရိုမီယို က လက်နက်ကိုင်စစ်သားတွေကို လုပ်ကြံသတ်ဖြတ်တာတွေ၊အကြမ်းဖက်ပြီးလူအခွင့်အရေးချိုးဖောက်မှုတွေ
ကိုရပ်ဆိုင်းပြီး ဘုရားသခင်ဟောကြားခဲ့တဲ့တရားတော်တွေနဲ့အညီနေကြဖို့တောင်းဆိုခဲ့၊ အမိန့်ပေးခဲ့တယ်။ ဘုရားရှစ်ခိုးကျောင်းငယ်တခုဆီကဟောကြားနေတဲ့ သူရဲ့တရားတွေကို စယ်လ်ဗာဒိုးပြည်သူတွေကရေဒီယိုကတဆင့်နားထောင်နေသလို
အစိုးရတပ်တွေကလည်းနားထောင်နေပြီးအချိန်ကောင်းကိုစောင့်နေခဲ့ကြတယ်၊ သူတရားဟောပွဲမဆုံးသေးခင် လက်ဖြောင့်တပ်သားတချို့
ရောက်လာပြီး ရိုမီယိုကိုလုပ်ကြံသတ်ဖြတ်လိုက်ကြတယ်၊၁၉၉၃ ခုနှစ် ကုလသမဂ္ဂက တရာဒဝင်ထုတ်ဝေတဲ့ စာတမ်းအရ
ရိုမီယို ကိုလုပ်ကြံဖို့အမိန့်ပေးတဲ့သူဟာမျိုးချစ်ရီပတ်ပလင်ကန်မဟာမိတ်များပါတီကိုဦးဆောင်တဲ့ ဗိုလ်မှူး ရောဘတ်တို ( Roberto D’Auboisson) ဆိုသူဖြစ်တယ်။ သူဟာ ၁၉၈၀ ကာလတွေကစပြီး စနစ်တကျရာဇဝတ်မှုတွေကိုကျူးလွန်ခဲ့သူဖြစ်တယ်၊ပြန်ပေးဆွဲမှု၊ နိုင်ငံရေးအတိုက်အခံတွေ
ကို လုပ်ကြံမှုတွေကို တက်တက်ကြွကြွဦးဆောက်ကြံစည်သူတဦးအဖြစ်လူသိများတယ်။ လုပ်ကြံသတ်ဖြတ်တဲ့သူတွေဟာလည်း
လူသတ်ဂိုဏ်းတွေရဲ့အဖွဲ့ဝင်တွေဖြစ်သလို၊ သူတို့ဟာ အမေရိကန်ပြည်ထောင်စု ဂျော်ဂျီယာပြည်နယ်၊ ကိုလမ်ဘတ်စ်မြို့နားက ဖို့ဒ်ဘန်းနင်းက အမေရိကန်ပြည်ထောင်စု ရဲ့ကာကွယ်ရေးဌာနကဖွင့်လှစ်ထားတဲ့ တက္ကသိုလ်ကျောင်းဆင်းတွေလို့ဆိုတယ်၊
ခုတော့ ( Western Hemisphere Institute for security Cooperation) ( WHISC) လို့အမည်ပြောင်းလိုက်ကြတယ်။ ကုလသမဂ္ဂ နဲ့တချို့ဝေဖန်သုံးသပ်သူတွေက အဲ့ဒီကျောင်းဆင်းတွေဟာလူ့အခွင့်အရေးချိုးဖောက်မှုမှာကိုပါဝင်ခဲ့တယ်ဆိုပေမဲ့၊ ကျောင်းကိုအဓိကတာဝန်
ယူဦးစီးတဲ့သူတွေက ဒီမိုကရေစီရေးနဲ့လုံခြုံရေးအတွက်သာအဓိကဦးစားပေးတယ်လို့ဆိုတယ်။

၁၉၈၀ မတ်လ (၃၀)ရက်မှာဘုန်းတော်ကြီး အော်စကာရိုမီယို ရဲ့ဈာပနကိုသယ်ဆောင်လာတဲ့အခါလူပေါင်း (၂)သိန်းခွဲကျော်တက်ရောက်ပြီး
လူထုလှုပ်ရှားမှုလုပ်ခဲ့ကြတယ်၊၊ အခမ်းအနားကျင်းပတဲ့ရင်ပြင်အနီးမှာဗုံးခွဲခဲ့သလို၊ လူကြားထဲကိုသေနတ်နဲ့ပစ်ခဲ့တယ်။
အခမ်းအနားကျင်းပနေစဉ်တုံးက လူအသေအပျောက်မကြားရပေမဲ့၊ နောက်ဆက်တွဲလူထုချီတက်ဆန္ဒပြပွဲထဲကိုအစိုးရတပ်တွေက
သေနတ်နဲ့ပစ်၊လူအုပ်ထဲကိုဝင်ရောက်ပြီး ရုန်းရင်းဆန်ခတ်ဖြစ်အောင်လုပ်ခဲ့တာကြောင့် လူ(၄၀) ယောက်သေကြေခဲ့ရတယ်၊ ၁၉၈၀ ကာလတွေမှာ စစ်အစိုးရရဲ့သတ်ဖြတ်မှုကြောင့် လူပေါင်း (၆) သောင်းကျော်သေဆုံးခဲ့ရတယ်။

နိဂုံး

“ငါ့ ကိုသတ်ဖြတ်ပစ်လိုက်တဲ့အခါ ငါဟာ စယ်လ်ဗားဒိုးပြည်သူတွေနဲ့အတူ နောက်တကြိမ်ပြန်ပေါ်လာပါလိမ့်မယ်။
တရားဟောဆရာ ကို မင်းတို့သတ်လို့ရပေမဲ့ ဘုရားသခင်ရဲ့သားတော်တွေကိုတော့ သတ်လို့ရမှာမဟုတ်ဘူး” တဲ့
ရိုမီယို ရဲ့ တရားမျှတရေးအတွက်တိုက်ပွဲဝင်ခဲ့တဲ့ဖြစ်ရပ်တွေ၊ လက်တင်အမေရိက က နိုင်ငံရေးတွေကိုကြည့်ရတာ ဗမာပြည် ရဲ့အခြေအနေနဲ့သိတ်မကွာလှဘူး။ မဂ္ဂင်ဘုန်းကြီးကျောင်းကိုဝင်ရောက်တိုက်ခိုက်ပြီးဗုဒ္ဓဘာသာဘုန်းတော်ကြီးတွေကိုရိုက်နှက်တိုက်ခိုက်၊ ပြည်သူတွေကို မတရားသဖြင့်ထောင်သွင်းအကျဉ်းချ၊ ရွေးကောက်ပွဲတွေကိုဗြောင်လိမ်၊ဗြောင်စားလုပ်နေပုံတွေကိုကြည့်ချင်းအားဖြင့် ဗမာပြည်ကစစ်အာဏာရှင်တွေ ရဲ့စိတ်ဓါတ်ရေးရာအဆင့်အတန်းဟာ ၁၉၈၀ ကာလလက်တင်အမေရိက က အာဏာရှင်တွေရဲ့အဆင့်လောက်ပဲ
ရှိနေသေးတယ်ဆိုတာမှန်းလို့ရတယ်။ဘုရားသခင်ရဲ့သားတော်တွေကိုသတ်ဖို့ကြိုးစားတိုင်း ရိုမီယိုပြောခဲ့တဲ့စကားကိုစစ်အာဏာရှင်တွေ
သတိရစေချင်တယ်။နေ့စဉ်နေ့တိုင်း ပြည်သူတွေရွတ်ဆိုနေတဲ့ ကျိန်စာတွေကို သတိထားစေချင်တယ်။
ရွှေဝါရောင်တော်လှန်ရေးကိုခြေမှုန်းခဲ့တာ အခုဆိုခြောက်လပြည့်တော့မယ်။

အောင်မိုးဝင်း

နောက်စာမျက်နှာမှာ မြေပုံတချို့ ရှိနေတယ်။ကြည့်ဖို့မမေ့ပါနဲ့



Sources

“Romeo” movie by John Duigan

Born In Blood & Fire: A Concise History of Latin America by John Charles Chasteen

International Religious Freedom Report 2005

Wikipedia.com

[ READ MORE... ]

ချီလီနိုင်ငံ ရဲ့ကြိုးပမ်းမှု့ နဲ့ကျနော်တို့ ရဲ့လှုပ်ရှားမှု

ချီလီအာဏာရှင်ပီနိုချေး က ၁၉၈၀ မှာ လူထုဆန္ဒခံယူပွဲကို လိမ်လည်အနိုင်ရခဲ့ပေမဲ့။ လူပေါင်းသောင်းချီပြီးအဖမ်းခံရပေမဲ့
ချီလီပြည်သူတွေကစိတ်မလျော့ခဲ့ကြဘူး။ နည်းပေါင်းစုံတိုက်ပွဲဝင်ကြတယ်။ “လူထုဆန္ဒခံယူပွဲ” တဲ့ မေလ (၁၀) ရက်နေ့ကိုတိုက်ပွဲဝင်မဲ့အသံတွေနေရာတကာမှာကြားနေရတယ်။
“ဗိုလ်ချုပ်တွေကိုသတိပေးချင်တယ်။
ဒါ--တောင်ပြိုနေတာ၊ လက်ဖဝါး နဲ့သွားမကာနဲ့။
လက်ဖဝါးနဲ့သွားကာရင်ကျောက်တုံးတွေပိပြီး--ကျဆုံးရတတ်တယ်။”
ဆရာဦးခင်မောင်မြင့်
( ပြည်သူ့တိုးတက်ရေးပါတီ)
-----------------------------------------------------------------------------------------------------------------------------------------

ချီလီနိုင်ငံ ရဲ့စစ်အဏာရှင်ဆန့်ကျင်ရေးလှုပ်ရှားမှု နဲ့ပတ်သက်ပြီး အမေရိကန်အဖွဲ့အစည်းတချို့ကဖန်တီးတင်ဆက်ထားတဲ့ မှတ်တမ်းခွေတချို့ကို ဒီမိုကရက်တစ်အသံ(နော်ဝေ) ကနေလွှင့်ပေးခဲ့တဲ့အတွက်ကြည့်ရှုခွင့်ရခဲ့ကြမယ်လို့ထင်တယ်။ ကျနော်တို့ဗမာပြည်အရေးကိုထောင့်တနေရာရာကနေပါဝင်ချင်တာကြောင့် နိုင်ငံတကာအကြမ်းမဖက်လှုပ်ရှားမှု့အဖွဲ့အစည်းတွေဆီမှာ နိုင်ငံအသီးသီးကလှုပ်ရှားမှု့တွေကိုခေါင်းဆောင်ခဲ့တဲ့လူတွေနဲ့သမိုင်းဖြစ်ရပ်တွေ၊ လှုပ်ရှားမှု့အပေါ်လေ့လာသုံးသပ်ပုံတွေကို
ဆွေးနွေးငြင်းခုန်ခဲ့ကြတယ်။ တချို့လူတွေရဲ့သုံးသပ်မှုတွေက သူတို့သီအိုရီတွေကိုမှန်ကန်ကြောင်းပြချင်လို့ အကြောင်းအရာတခုကို ပိုမိုဇောင်းပေးတင်ပြပြီး ကျန်တဲ့အကြောင်းအရာတွေကို မှေးမိန်ပစ်ခဲ့ကြတယ်။ သူတို့သုံးသပ်ချက်တွေနဲ့ကျနော်တို့ရှုမြင်ပုံတွေက နည်းနည်းလွဲနေတယ်။ ကျနော်တို့အမြင်ကလည်းမိတ်ဆွေတို့အမြင် နဲ့ ထပ်တူထပ်မျှတူချင်မှတူလိမ့်မယ်။ ဘာပဲဖြစ်ဖြစ်စဉ်းစားစရာတွေ၊ နည်းလမ်းသစ်တွေကိုရှာကြည့်ရင်း စစ်အာဏာရှင်တွေကိုပြုတ်ကျစေမဲ့အတတ်ပညာတွေထွန်းကားစေချင်တဲ့ဆန္ဒတွေ--ရှိနေကြမယ်
လို့ယုံကြည်တယ်။ ချီလီအာဏာရှင်ပီနိုချေး က ၁၉၈၀ မှာ လူထုဆန္ဒခံယူပွဲကို လိမ်လည်အနိုင်ရခဲ့ပေမဲ့။ လူပေါင်းသောင်းချီပြီးအဖမ်းခံရပေမဲ့
ချီလီပြည်သူတွေကစိတ်မလျော့ခဲ့ကြဘူး။ နည်းပေါင်းစုံတိုက်ပွဲဝင်ကြတယ်။ “လူထုဆန္ဒခံယူပွဲ” တဲ့ မေလ (၁၀) ရက်နေ့ကိုတိုက်ပွဲဝင်မဲ့အသံတွေနေရာတကာမှာကြားနေရတယ်။
“ဗိုလ်ချုပ်တွေကိုသတိပေးချင်တယ်။
ဒါ--တောင်ပြိုနေတာ၊ လက်ဖဝါး နဲ့သွားမကာနဲ့။
လက်ဖဝါးနဲ့သွားကာရင်ကျောက်တုံးတွေပိပြီး--ကျဆုံးရတတ်တယ်။”
ဆရာဦးခင်မောင်မြင့်
( ပြည်သူ့တိုးတက်ရေးပါတီ)


သစ္စာဆိုထားသူတွေ ရဲ့ မေလ
(သို့)
နမိတ်မကောင်းတဲ့အနာဂတ်ဟောကိန်း

ချီလီ နိုင်ငံကအာဏာရှင်ပီနိုချေးကွယ်လွန်တော့သူ့ရဲ့ဈာပနအခန်းအနားကို ကျင်းပတဲ့အခါ ၁၉၇၃ ခုနှစ်တုံးက ချီလီနိုင်ငံရဲ့
ဒုတိယသမ္မတဖြစ်ခဲ့ပြီး၊ ပီနိုချေးလက်ထက်မှာ ကာကွယ်ရေးဌာနအကြီးအကဲဖြစ်ခဲ့သူ ကာလို့စ် ပရက် Carlos Prats ရဲ့မြေးဖြစ်သူက ပီနိုချေးရဲ့အခေါင်းပေါ်ကိုစံတွေးထွေးပြီးကျိန်စဲခဲ့တယ်။ ကာလို့စ်ပရက် ဆိုတာအာလန်ဒေးအစိုးရအဖွဲ့ရဲ့ဒုတိယသမ္မတ၊ပီနိုချေးလက်ထက်
မှာသူ့ကိုကာကွယ်ရေးဌာနအကြီးအကဲခန့်ခဲ့ပေမဲ့ သူကရာထူးကနေနှုတ်ထွက်သွားခဲ့တာကြောင့် ပီနိုချေးကအမြက်တော်ရှပြီးတေးထားခဲ့တယ်။
ပီနိုချေး ရဲ့လျို့ဝှက်ရဲအဖွဲ့တွေက အာဂျင်တီးနားနိုင်ငံထဲထိလိုက်ပြီး ဗုံးခွဲသတ်ဖြတ်ခဲ့တာကြောင့် အသေဆိုးနဲ့သေခဲ့သူဖြစ်တယ်။
စစ်အေးတိုက်ပွဲကာလတွေထဲမှာ လက်တင်အမေရိကနိုင်ငံတွေဟာပျောက်ကြားတိုက်ပွဲတွေ၊ အပြန်အလှန်လုပ်ကြံသတ်ဖြတ်မှုတွေ နဲ့
ပြည့်နှက်နေတယ်။ ပီနိုချေး ဆိုတဲ့ပုဂ္ဂိုလ်တယောက် လူထုဆန္ဒခံယူပွဲတွေလုပ်၊ ပြည်သူကိုခြိမ်းခြောက်နှိပ်စက်၊ အမေရိကန်ပြည်ထောင်စု ရဲ့ထောက်ပံ့မှုနဲ့ ဈေးကွက်စီးပွားရေးတွေ ကိုဖေါ်ဆောင်ပြီး နိုင်ငံတကာကိုမျက်နှာပန်းလှအောင်လုပ်ဖို့ကြိုးစား၊ တိုင်းပြည်စည်းပွားရေးတောင့်တင်း
ရင်ပြည်သူတွေကသူကျူးလွန်ခဲ့တဲ့ပြစ်မှုမှန်သမျှကိုမေ့သွားလိမ့်မယ်လို့ထင်ခဲ့ပုံရတယ်။-ပြည်သူကိုမတရားနှိပ်စက်တဲ့အာဏာရှင်တွေ နှလုံးရောဂါ (ဒါမှမဟုတ်) ဥနှောက်သွေးကြောပိတ်ရောဂါ နဲ့သေဆုံးကြရတယ်။ သူတို့တယောက်တည်းနေတဲ့အခါ စိုးရိမ်ကြောင့်ကြမှုတွေ၊ ထိတ်လန့်အားငယ်
မှုတွေများပြီးညညဆိုကယောင်ကတမ်းထရွတ်နေကြတယ်လို့ဆိုတယ်။

အပိုင်း(၁)

၁၉၉၉ မှာ အမေရိကန်ပြည်ထောင်စု ရဲ့နိုင်ငံတော်အတွင်ရေးမှူးဖြစ်တဲ့ မက်ဒလင်းအောဘရိုက်ဟာ အတ္တလန်တာ မြို့ကတက္ကသိုလ်ကျောင်းသား
တွေကိုဟောပြောပွဲတခုလုပ်တော့အမေရိကန်ပြည်ထောင်စု နဲ့လက်တင်အမေရိကနိုင်ငံတွေကြားကနိုင်ငံခြားရေးမူဝါဒတွေနဲ့ပတ်သက်ပြီး၊
စစ်အေးတိုက်ပွဲကာလတုံးက သူတို့လုပ်ခဲ့တဲ့ စိတ်ပျက်ခြောက်ခြားဘွယ်အမှားတွေကိုဝန်ခံခဲ့ဘူးတယ်။ လက်တင်အမေရိက က ချီလီနိုင်ငံကစစ်အာဏာရှင် ပီနိုချေး ကိုထောက်ခံပေးခဲ့တာဟာ ဝါရှင်တန် ရဲ့စိတ်ပျက်ဘွယ်အမှားတခုဖြစ်ခဲ့တယ် လို့ထုတ်ဖေါ်ပြောကြား
ခဲ့တယ်။ တကယ်တော့ မက်ဒလင်းအောဘရိုက် နဲ့ ဗြိတိန်နိုင်ငံ က ဝန်ကြီးချုပ်ဟောင်းမာဂရက်သက်ချာ က ပီနိုချေး နဲ့ရင်းနှီးကျွမ်းဝင်တဲ့
မိတ်ဆွေသူငယ်ချင်းတွေဖြစ်ခဲ့ဘူးတယ်။ဒါကြောင့်လည်း ပီနိုချေး နိုင်ငံကနေထွက်ခွာလာခဲ့တဲ့အခါ ဗြိတိန် နဲ့ အမေရိကန်ပြည်ထောင်စု က
သူတို့နိုင်ငံမှာလာရောက်နေထိုင်ဖို့ကမ်းလှမ်းခဲ့တယ်။ ပီနိုချေးဘဝကလည်း ကျဆုံးသွားလိုက်ကတည်းကဘယ်လောက်ကုသိုလ်ကံမကောင်းလိုက်
သလဲဆိုရင်နိုင်ငံမှားပြီးရွေးလိုက်မိတယ်။ အမေရိကန်ပြည်ထောင်စုကိုမရွေးပဲနဲ့ဗြိတိန်နိုင်ငံမှာ ဆေးဝါးကုသဖို့သွားနေလိုက်တယ်။ ဥရောပသမဂ္ဂမှာအဖွဲ့ဝင်ပါနေတဲ့ စပိန်အစိုးရကပီနိုချေး ရဲ့ခြေလှမ်းအရွှေ့အမှားကိုစောင့်နေတာအံကျဖြစ်သွားတယ်။ စပိန်အစိုးရ က ပီနိုချေးလက်ထက်မှာစပိန်လူမျိုးတွေကိုသတ်ဖြတ်ညှင်းပမ်းနှိပ်စက်ခဲ့တဲ့ပီနိုချေးရဲ့ဒုစရိုက်မှုတွေကိုဖိုင်ဖွင့်လိုက်တယ်။
စပိန်အစိုးရရဲ့တောင်းဆိုချက်အရ၊ ဗြိတိန်နိုင်ငံက ပီနိုချေးကိုဖမ်းရတော့တယ်။ (အမေရိကန်ပြည်ထောင်စုကိုသာပီနိုချေးရွေးခဲ့ရင် သူ့ရဲ့မိတ်ဆွေဟောင်းတွေက သူ့ကိုအခုလိုဖမ်းဆီးမဲ့အန္တရာယ်တွေကကာကွယ်ပေးမှာအမှန်ပဲ။) ခုတော့သွားပြီ။ ရှုပ်ကုန်ပြီ။ စပိန်အစိုးရ က ပီနိုချေး ရဲ့ လူအခွင့်အရေးချိုးဖောက်မှုတွေကိုခုံးရုံးတင်ဖို့ကြိုးစားတဲ့အခါ၊ ပီနိုချေးအစိုး ရ ရဲ့ မူးယစ်ဆေးဝါးဂိုဏ်းတွေ၊ လက်နက်ကိုင်
ရောင်းဝယ်ရေးလုက်ငန်းတွေက ရတဲ့ငွေတွေကို အမေရိကန်ပြည်ထောင်စု မိုင်ယာမီကမ်းခြေမှာ ခြေချတဲ့ကုမ္မဏီတွေ၊ဘဏ်တွေကတဆင့်
နာမည်ဝှက်တွေသုံးပြီးစီးဆင်းခဲ့တာကိုထောက်ပြဖို့အတွက်သက်သေခံတွေကိုကူညီပေးဖို့တောင်းဆိုတယ်။ ဒါကြောင့်လည်း
မက်ဒလင်းအောဘရိုက် ကအစအမေရိကန်အစိုးရထဲကလူတွေ တရားဝင်ဝန်ခံရတဲ့အဆင့်ကိုရောက်ကုန်တယ်။
သေချာတာတခုက-ပီနိုချေးအတွက်တော့ အောက်တိုဘာလ ဆိုတာအတိတ်နမိတ်မကောင်းဘူး။ ၁၉၈၈ လူထုဆန္ဒခံယူပွဲ ရှူံးနှိမ့်ခဲ့ရတဲ့အချိန်က အောက်တိုဘာလ(၅) ရက်ဖြစ်သလို၊ သူ့ကိုဖမ်းဆီးလိုက်တဲ့ အချိန်ကလည်း ၁၉၉၈ အောက်တိုဘာလ (၁၇) ရက်နေ့မှာ-----

စက်တင်ဘာ (၁၁) ရက် နဲ့သမိုင်းအရိပ်ဆိုးများ

“ကျနော်ပထမဆုံးစသတိထားလိုက်မိတာက ဝုန်းဆိုပြီး နန်းတော်တခုလုံးသိမ့်သိမ့်တုန်သွားတဲ့အသံရယ်၊ မီးခိုးတွေကြားမှာ ပြန်လှန်ပစ်ခပ်ခုခံနေတဲ့ ကျနော့်လိုအစောင့်တပ်သားတွေရယ်၊ နောက် ကျနော့ ဝမ်းဗိုက်ကနေပူကနဲကျလာတဲ့ချွဲပစ်ပစ်အနီရောင်တွေရယ်၊ ကျနော်အုတ်ဘောင်ရိုးတခုပေါ်မှာ
မှီပြီးနောက်ဆုံးကျည်ဆံကျန်တဲ့အထိပစ်ခပ်နေမိတယ်။ ကျနော့ ရင်ထဲကိုသေနတ်ကျည်ဆံစိုက်ဝင်နေပေမဲ့-
ကျနော့သမ္မတ“ အာလန်ဒေး”ကိုနောက်ဆုံးထွက်သက်အထိကာကွယ်သွားမယ်။ စစ်သားတွေက နန်းတော်တခုလုံးကိုဝိုင်းလိုက်ကြသလို၊ လေထုထဲမှာလည်း စစ်လေယာဉ်တွေပေါ်ကဗုံးကြဲသံတွေကြားနေရတယ်။ တပ်ကြပ်တယောက်က ကျနော့ကို“လက်နက်ချလိုက်၊လက်နက်ချလိုက်” လို့အော်နေသံကိုမီးခိုးငွေ့တွေပိတ်ပိတ်မှောင်နေတဲ့ထဲကကြားလိုက်ရတယ်။ မကြာခင်ကျနော်သဘောပေါက်လိုက်မိတယ်။
ဒါစစ်တပ်ကအာဏာသိမ်းလိုက်ပြီဆိုတာ၊ ကျနော့စိတ်ထဲမှာ တော်တော်လေးခံစားလိုက်ရတယ်။ အော်--ပြောရအုံးမယ် --အဲ့ဒီနေ့က မှတ်မှတ်ရရ -နောက်တနေ့ဆို ကျနော့ရဲ့လက်ထပ်ပွဲကျင်းပမဲ့နေ့ဗျ၊ ကျနော့ ဇနီးလောင်းကို စိတ်ထဲမှာတောင်းပန်နေမိတယ်။
ဟန်နီ---- ကိုယ်တို့လက်ထပ်ပွဲနောက်ဆုတ်ရတော့မယ်လို့”
စက်တင်ဘာ (၁၁) ရက် ဆိုတာအမေရိကန်ပြည်ထောင်စုအတွက် (9/11) အဖြစ်ဆိုးရယ်လို့ ၂၀၀၁ ခုနှစ်ကစပြီးကြေကွဲဘွယ်လူသိများခဲ့
ကြတယ်။ ဒါပေမဲ့ ချီလီပြည်သူတွေအတွက်တော့ စက်တင်ဘာ (၁၁) ဆိုတာ ၁၉၇၃ ခုနှစ်ကတည်းကနင့်နင့်သီးသီးခံစားနေခဲ့ကြရတယ်။
ချီလီပြည်သူလူထုကတင်မြောက်ထားတဲ့ သမ္မတ “ အာလန်ဒေး” နေထိုင်ရာနန်းတော်ကို လေတပ်ကနေဗုံးကြဲတိုက်ခိုက်ပြီး စစ်တပ်ကနေ
အာဏာသိမ်းခဲ့တယ်။ သမ္မတနန်းတော်ထဲမှာပဲ အာလန်ဒေး ကိုယ့်ဘာသာသတ်သေသွားတယ်လို့စစ်တပ်က ထုတ်ဖေါ်ရှင်းလင်းခဲ့ပေမဲ့
ပြည်သူတွေကတော့ စစ်ဝါဒီတွေသတ်ဖြတ်ပစ်လိုက်တယ်လို့ယုံကြည်ကြတယ်။အာဏာသိမ်းတဲ့နေ့မှာလူတွေရာချီပြီးသတ်ခံရတယ်။
ထောင်ပေါင်းများစွာဖမ်းခံရပြီးပျောက်ဆုံးခဲ့ရတယ်။ အာလန်ဒေးအစိုးရမှာတာဝန်ထမ်းဆောင်ခဲ့ပြီး စစ်အာဏာသိမ်းမှုကြောင့်
အာဂျင်တီးနားကိုတိမ်းရှောင်သွားတဲ့ အတိုက်အခံခေါင်းဆောင်တွေကိုလိုက်လံသတ်ဖြတ်ခဲ့တယ်။ အမေရိကန်ပြည်ထောင်စုမှာ သံတမန်ရေးရာ
တာဝန်ကိုထမ်းဆောင်နေတဲ့ အော်လန်ဒိုး လက်တီးရား နဲ့ ရွန်နီမော့ဖစ် တို့ကိုချီလီအမျိုးသားထောက်လှမ်းရေးအဖွဲ့ဝင်တဦးအဖြစ်
လုပ်ကိုင်နေတဲ့အမေရိကန်နိုင်ငံသားတဦးက (၁၉၇၆) ခုနှစ်က ဝါရှင်တန်ဒီစီမှာလုပ်ကြံသတ်ဖြတ်ခဲ့တယ်။
တကယ်တော့အမေရိကန်ပြည်ထောင်စုမှာ လုပ်ကြံခဲ့မှုရယ်၊ အာဂျင်တီးနားမှာ လုပ်ကြံခဲ့မှုတွေကိုစံနစ်တကျလုပ်ကိုင်ခဲ့သူက
အမေရိကန်နိုင်ငံသား Michael Townley သူက ပီနိုချေး အတွက် ဓာတုလက်နက်ထုတ်လုပ်ရေးမှာကူညီခဲ့သူဖြစ်တယ်။


ချီကာဂိုတက္ကသိုလ်ပညာတတ်များ (သို့မဟုတ်) ပီနိုချေး ရဲ့စီးပွားရေးပေါ်လစီသစ်

၁၉၇၃ မှာ အာဏာသိမ်းပြီးတဲ့နောက် စစ်အစိုးရ ကိုဦးဆောင်ဖွဲ့စည်းခဲ့ပြီး အစိုးရဟောင်း ရဲ့လွှတ်တော် ကို ရပ်ဆိုင်းထားခဲ့တယ်။ ပီနိုချေးက ချီကာဂိုတက္ကသိုလ်မှာ ချီလီစီးပွားရေးပညာရှင်(၂၅) ယောက်ကို မီလ်တန် ဖရိုက်မန်း ( Milton Friedman) နဲ့ အာနိုး ဟာဘာဂါ ( Arnold Harberger)တို့မှာပညာသင်စေလွှတ်ခဲ့တယ်။ဈေးကွက်စည်းပွားရေးစံနစ်ကိုပြောင်းလဲဖို့ကြိုးစားခဲ့တယ်။
နိုဘယ်ငြိမ်းချမ်းရေးဆုဆွတ်ခူးခဲ့သူ မီလ်တန်ဖရိုက်မန်းက ပီနီုချေးရဲ့ပြုပြင်ပြောင်းလဲရေးလုပ်ငန်းတွေကို “ အံ့သြမခန်းဖြစ်ရမဲ့ ချီလီနိုင်ငံရဲ့အလှည့်အပြောင်း” လို့ ချီးကျူးဂုဏ်ပြုလိုက်ကြပြီး ပီနိုချေးကိုသူရဲကောင်းလို မြောက်ပင့်ပြောဆိုပြီးသူတို့ရဲ့
စီးပွားရေးသီအိုရီတွေ မှန်ကန်ကြောင်းသက်သေပြဖို့မျှော်လင့်ခဲ့ကြတယ်။ဒါပေမဲ့ ချီကာဂို က စီးပွားရေးပညာရှင်တွေမသိတဲ့အချက်က အစိုးရတရပ်ဟာခြစားလွန်းအားကြီးရင် စီးပွားရေးသီအိုရီတွေကိုတခုမှပုံဖေါ်လို့မရဘူးဆိုတာပဲ။ ၁၉၇၀ တုံးက အလုပ်လက်မဲ့ဦးရေ ၄.၃ % ရှိနေရာကနေ ပီနိုချေးအုပ်ချုပ်လိုက်ပြီး ၁၀ နှစ်ကျော်ကြာလာတဲ့အခါမှာတော့ ၂၂% ကျော်အထိမြင့်တက်သွားတယ်။ ဆင်းရဲငတ်ပြတ်နေတဲ့လူဦးရေ ကလည်း ၄၀ % အထိ (၂ )ဆကျော်တက်သွားတယ်။ ( ဗမာပြည်အရေးမှာ ကိုယ့်ကိုယ်ကို ပညာတတ်လို့ဘဝင်ခိုက်နေတဲ့လူတွေ၊ တတိယအုပ်စုလို့ကြွေးကြော်ပြီး စစ်အုပ်စုကို ပရောပရီလုပ်ချင်နေတဲ့လူတွေ သတိထားပါ။ ခြစာလွန်းအားကြီးတဲ့စစ်အစိုးရအောက်မှာ ပြည်သူလူထုအတွက်စေတနာပါတဲ့စီမံကိန်းဆိုတာလည်းအကောင်အထည်ဖေါ်လို့မရပါ)။

အပိုင်း(၂)

“ ပီနိုချေး က သူလုပ်နေတဲ့အရာတွေအခြေအနေမဟန်တော့ဘူးဆိုတာသိနေခဲ့တယ်။ ဒါကြောင့် ၁၉၈၀ မှာ လူထုဆန္ဒခံယူပွဲ ကို ဇွတ်အတင်းဖေါ်
ဆောင်တယ်။ သူ တယောက်တည်းအာဏာ ကိုဆက်လက်ကိုင်ဆွဲလို့ရမဲ့ အခြခံဥပဒေကို တင်သွင်းတော့တယ်။ လက်င်္ကျာနိုင်င့ရေးခေါင်းဆောင်
တွေဦးဆောင်တဲ့ “လွတ်လပ်သော ဒီမိုကရက်တစ်သမဂ္ဂ” ( Independent democratic Union) ဆိုတဲ့အုပ်စုကနေရေးဆွဲပေးတဲ့ ဥပဒေတွေပေါ့။ အဲ့ဒီလူထုဆန္ဒ ခံယူပွဲက လိမ်လည်ပြီးလုပ်ခဲ့တယ် ဆိုတာလူတိုင်းသိနေတယ်။ သိတ်မထူးဆန်းပါဘူး။ အခြေခံဥကဒေကိုအသိအမှတ်ပြုဖို့မဲ
အရေအတွက်ကိုလိမ်ပြီးပြတာဆိုတော့ နိုင်သွားတယ်။ ဒါပေမဲ့ သူသတိမထားမိလိုက်တဲ့အချက်က ၁၉၈၀ လူထုဆန္ဒခံယူပွဲကာလကတည်းကစပြီး ပြည်သူလူထုတွေက နည်းလမ်းသစ်တွေကိုရှာကြံလာကြတယ်။ တချို့အလုပ်သမားသမဂ္ဂခေါင်းဆောင်တွေက အကြမ်းမဖက်တိုက်ပွဲလမ်းကြောင်း
ပေါ်မှာ အလုပ်သမားသပိတ်တွေ၊ စက်ရုံဆန္ဒပြပွဲတွေကို လှုံ့ဆော်ခဲ့ကြတယ်။ လမ်းမတွေမှာ စစ်အစိုးရကိုအန်တုတဲ့ ကျောင်းသားသမဂ္ဂ
ခေါင်းဆောင်တွေ အစုလိုက်အပြုံလိုက်အဖမ်းခံခဲရတယ်။ မိန်းကလေးတွေမုဒိန်းကျင့်ခံရပြီး၊ အလောင်းဖျောက်ခံရတဲ့ဖြစ်ရပ်တွေက
ပီနိုချေးလက်ထက်မှာ ဖြစ်ရိုးဖြစ်စဉ်တခုလိုဖြစ်နေတယ်။ ထားတော့--- အဖြစ်ဆိုးတွေကိုသိတ်ပြန်ပြီးပြောမနေချင်တော့ဘူး၊ စိတ်လှုပ်ရှားအားတက်ဘွယ်တွေကို ပြောပြချင်တယ်။ ၁၉၈၃ ခုနှစ်ကတည်းက လျိှု့ဝှက်လှုပ်ရှားလာတဲ့ တော်လှန်ရေးအုပ်စုတွေရဲ့ လက်နက်ကိုတိုက်ပွဲတွေလေ----

The Manuel Rodríguez Patriotic Front (သို့) မျိုးချစ်တပ်ပေါင်းစု

“ရက်စက်မိုက်ရိုင်းလွန်းတဲ့ အစိုးရကိုလက်နက်ကိုင်တော်လှန်တာဟာ တရားမျှတတယ်၊ တရားဝင်ဖြစ်တယ်” ဆိုတဲ့ကြွေးကြော်သံကိုစတင်
လွှင့်ထူရင်း မြေအောက်လှုပ်ရှားမှုကိုစတင်လုပ်ဆောင်လာသူတွေကချီလီကွန်မြူနစ်ပါတီဗျ။ ၁၉၇၃ မှာ စစ်အစိုးရတက်လာတော့ သူတို့ရဲ့
ပါတီကိုပိတ်ခံလိုက်ရတယ်။ သူတို့ကစစ်အစိုးရရဲ့သဘောသဘာဝကိုသိတယ်နေတော့ လှုပ်ရှားမှုကိုနှစ်ခုလုံးအတွက်ပြင်ဆင်ကြတယ်။
ကျောင်းသားတိုက်ပွဲတွေ၊ အလုပ်သမားတိုက်ပွဲတွေကြားမှာရောက်နေသလို၊ တဘက်မှာ ဗိုလ်ချုပ်တွေကိုလုပ်ကြံသတ်ဖြတ်ဖို့အတွက်
အမြဲပြင်ဆင်နေတဲ့သူတွေ၊ လက်နက်ကိုင်တော်လှန်ရေး နဲ့နတရားမှုကိုတုန့်ပြန်ချင်နေတဲ့သူတွေ။ သူတို့ကလည်းချီလီပြည်သူတွေရဲ့
သူရဲကောင်းတွေပါဗျာ၊ သူတို့လုပ်ဆောင်ချက်တွေကို ပြည်သူတွေကြိတ်ဝမ်းသာခဲ့ရတဲ့အဖြစ်တွေကိုပြောပြချင်တယ်။
1985 မှာ ပီနိုချေးအစိုးရကိုထောက်ပံ့ပေးနေတဲ့အမေရိကန်အရာရှိတယောက်ကို မြို့တော် ဆန်ဒီရေးဂိုးမှာ ဗုံးခွဲတိုက်ခိုက်ခဲ့သလို၊
ပီနိုချေးကိုပါလုပ်ကြံသတ်ဖြတ်ဖို့ကြိုးစားခဲ့ကြတယ်။ တခါကျတော့ အခွင့်ကောင်းတခုကိုကြုံလိုက်တယ်။ ပီနိုချေးစီးလာတဲ့ကားကိုပစ်ခပ်
ဖောက်ခွဲပစ်လိုက်ကြတယ်။ ပီနိုချေး ရဲ့ကိုယ်ရံတော် (၅) ယောက်လုံးပက်ပက်စက်စက်သေသွားတယ်။ ပီနိုချေးက နည်းနည်းကံကောင်း
သွားတယ်ထင်တယ်။ ဒဏ်ရာတချို့ပဲရခဲ့တယ်။ စစ်အုပ်စုကလည်းလက်တုံ့ပြန်တယ်။ လုပ်ကြံသတ်ဖြတ်တဲ့အဖွဲ့ဝင်တယောက်ကိုခြေရာခံမိသွားပြီး၊ သူ့အိမ်ကိုဝိုင်းပိတ်ဆို့လိုက်တယ်။ အသေဖမ်းချင်ပုံရတယ်ဗျ။ သူ့ခန္ဓာကိုယ်ပေါ်မှာ ကျည်ဆံ (၁၃) ထောင့်ထက်မနည်းစိုက်ဝင်နေတယ်။ အိမ်နံရံတွေမှာ ပေါက်နေတဲ့သေနတ်ကျည်ဆံရာပေါက်တွေကို ရေကြည့်လိုက်ရင် အပေါက် (၅၀၀) ကျော်တယ်။ မျိုးချစ်တပ်ပေါင်းစုက
လည်းဘယ်နောက်ဆုတ်သွားမလဲ။ ( M.16) လက်နက်တွေကိုထောင်ချီပြီး မြို့တော်ထဲဆီ တိတ်တဆိတ်ခိုးသွင်းကြတယ်။ အာပီဂျီ (၇) နဲ့ M.72 LAW ရော့ကက်တွေ။ အင်အားပြင်းထန်တဲ့ ဖောက်ခွဲရေးလက်နက်တွေ ကအစပါတယ်။ အစိုးရကတော့ နောက်ကွယ်ကနေ ကျူးဘား၊ ဆိုဗီယက်ပြည်ထောင်စု နဲ့ အရှေံဂျာမဏီ ကထောက်လှမ်းရေးတွေပါဝင်နေတယ်လို့စွတ်စွဲကြတယ်။ ၁၉၉၀ မှာ လေတပ်အကြီးအကဲ ဂတ်စတာဗို လိုက်ဂ်ျ (Gustavo Leigh Guzmán)ရှိနေတဲ့ ရုံးထဲထိဝင်ပြီး သေနတ်နဲ့ဝင်လုပ်ကြံပစ်တယ်။ ဒီလေတပ်အကြီးအကဲ ဆိုတဲ့ပုဂ္ဂိုလ်က
အာလန်ဒေးလက်ထက်မှာ ပီနိုချေးရဲ့စစ်တပ်ကအာဏာသိမ်းမှုကို သဘောတူတယ်ဆိုပြီး ပထမဆုံးလက်မှတ်ထိုးခဲ့သူ။ သူ့ခန္ဓာကိုယ်မှာ
ကျည်ဆံ (၅) ထောင့်လောက်စိုက်ဝင်သွားတယ်။ ကျနော်တို့ မှာဝမ်းသာလိုက်တာဗျာ-- ခင်ဗျားစဉ်းစားကြည့်-- ပီနိုချေးလက်ထက်မှာ--
အဖမ်းမခံရဘူးတဲ့အိမ်ဆိုတာမရှိသလောက်ပဲ။ တချို့ဆို ဘယ်ရောက်သွားမှန်းမသိဘူး။ နိုင်ငံရေးခေါင်းဆောင်တွေရဲ့အလောင်းတွေလည်း
ပျောက်ကုန်တယ်။ ထောင်ကျနေတဲ့သူတွေလည်းသေသလားရှင်သလားမသိ--ဆိုတော့ တယောက်ယောက်ကလက်တုန့်ပြန်ရင်ကျနော်တို့
အရမ်းပျော်တာပဲ။”


နိဂုံး --
၁၉၈၈ ဒုတိယအကြိမ်လူထုဆန္ဒခံယူပွဲမှာ ပီနိုချေး ရဲ့အုပ်စိုးမှုကိုဆက်လက်မလိုချင်တော့တဲ့ပြည်သူလူထုက“ နိုး” မဲအရေအတွက် ၅၆% နီးပါးထည့်ပြီး အဖြေပေးခဲ့တယ်။ လူပေါင်းထောင်ချီပြီးသတ်ခံရပေမဲ့ ချီလီပြည်သူတွေစိတ်မလျော့ခဲ့ကြပါဘူး။ “ ပျော်ရွှင်မှုတွေလာနေပြီ”
( Joy is Coming ) ဆိုတဲ့သီချင်းတွေ ဆန်ဒီရေဂိုးမြို့ထဲမှာ နေရာအနှံ့စီးမျောနေတယ်။ ဆန္ဒပြပွဲတွေက လမ်းမတွေပေါ်မှာ နေရာယူထားကြသလို-ဗိုလ်ချုပ်တွေကိုလုပ်ကြံသတ်ဖြတ်မဲ့ မျိုးချစ်တော်လှန်ရေးတပ်ပေါင်းစုတွေက တိတ်တဆိတ်လက်နက်တွေသယ်ဆောင်နေကြတယ်။“ နိုး” ကြွေးကြော်သံတွေက ဗုံးတွေနဲ့အတူ လေတပ်ကစစ်ဗိုလ်ချုပ်တယောက်ရဲ့ရုံးခန်းထဲမှာ အရှိန်ပြင်းပြင်းကွဲနေတယ်။
၁၉၈၀ လူထုကိုလိမ်လည်ခဲ့တဲ့ ဆန္ဒခံယူပွဲကို ချီလီပြည်သူတွေက-အရှိန်ပြင်းပြင်းနဲ့ပြန်ပြီးအဖြေပေးခဲ့ကြတယ်။

အော်--ဗမာပြည်က ဗိုလ်ချုပ်တွေကတော့ ၁၉၉၀ ရွေးကောက်ပွဲကာလတုံးကလောက်တောင်သတ္တိမကောင်းရှာတော့ဘူး။ ပြည်သူကိုလွတ်လွတ်လပ်လပ်စည်းရုံးခွင့်မပေးတဲ့အပြင်ကလိမ်ကကျစ်နဲ့မဲကိုလိမ်ပြီးယူချင်နေသေးတယ်။ စကာင်္ပူမှာ--- ဂျပန်မှာ--မလေးရှားမှာ--နယူးယောက်မှာ-- နိုင်ငံအနှံ့စစ်အုပ်စုတွေအရှက်ကွဲနေပြီ--- မဲရှုံးခဲ့ရင် အရှုံးကိုလက်ခံဖို့ဖိအားပေးခဲ့တဲ့ ပီနိုချေး ရဲ့ဗိုလ်ချုပ်တွေလောက်တောင်
သတ္တိရှိနိုင်ပါ့မလား။ မဲလိမ်လို့ စစ်အုပ်စု က ဖွဲ့စည်းပုံအသစ်ကိုဇွတ်အသက်သွင်းလည်း လူထုက နည်းလမ်းသစ်တွေရှာဖို့ပြင်ဆင်ထားလိမ့်မယ်
လို့ယုံတယ်။ စစ်အာဏာရှင်တွေတခုလောက်တော့ ရှင်းရှင်းလင်းလင်းသိစေချင်တယ်။
မေလ က ကျနော်တို့ ကိုသစ္စာရှိနေသလို--- ကျနော်တို့ကလည်းမေလကို နှလုံးသွေးထပ်ပြီး သစ္စာဆိုထားတယ်။
စစ်ဗိုလ်ချုပ်တွေအတွက်တော့မေလဆိုတာနမိတ်မကောင်းနိုင်တဲ့အနာဂတ်ဟောကိန်းတခုဖြစ်နေပါလိမ့်မယ်။

အောင်မိုးဝင်း

Sources
2004 Commission on Tortureျ ( Valech Report)
Albright: We made terrible mistake, BBC, December 4, 1998
Born in Blood & Fire by John Charles Chasteen
Wikipedia.com

[ READ MORE... ]